२ सामुए़ल 16:3 - लिम्‍बु

³ हाङ्‌ङिल्‍ले़ सेःन्‍दोसु, “खे़ने़ॽ के़न्‍दाङ्‌बाल्‍ले़ कुम्‍मे़न्‍छाॽइन् आत्तान् वाॽ?” सिबाःल्‍ले़ मे़त्तु, “खुने़ॽग यरुसले़म वाॽ, थेआङ्‌भे़ल्‍ले़ इस्राइलबा सुवाङ्‌हाॽरे़ खुने़ॽ कुन्‍धे़बारे़ कुहाङ्‌युक्‍नान् मे़नुःक्‍तुॽ के़लॽबा निङ्‌वाॽ इःत्तुआङ् वाॽ॥”

२ सामुए़ल 16:3 Referans Kwoze

यहुदा 1:11

चिःत्ते़आङ्‌लक् स्‍ये़रो! थेआङ्‌भे़ल्‍ले़ खे़ङ्‌हाॽरे़ग कयिनरे़ कुलायोबा लाम्‍मिन् मे़नाःत्तुआङ् वाॽ, याङ्‌साकुन्‍धेरे़ लागि बालामरे़ चोगुबा ताप्‍फे़ःम्‍बा याःम्‍बक् कुइसिक् मे़जोगुआङ् वाॽ, हे़क्‍क्‍याङ् खे़ङ्‌हाॽग कोरहरे़ बिफ्‍युङ् चोगुआङ् मे़गे़बा कुइसिक् मे़मे़क्‍लो॥

मिका 7:5

हिम्‍बेसाङ्‌बे़न् नसान् मे़जोगे़म्‍मिन्‍ने़ॽओ, तेःङ्‌बा चुम्‍मिन्‍नाङ् नामे़साॽरे़म्‍मिन्‍ने़ॽओ॥ खिनिॽ सोरिक् के़हे़प्‍मासिआङ् के़ने़स्‍सिबा मेःत्‍हाॽनुआङ् ये़क्‌ये़क्‍काङ् पारे़म्‍मे़ॽओ॥

खाहुन् 21:28

मे़न्‌वाॽमनाबा इङ्‌ले़क्‍पा तोःन्‍दि के़बाःप्‍पे़न् मे़क्‍लो, कर नुरिक् के़घे़म्‍बे़ल्‍ले़ कुलिङ्‌दो के़त्‍ल निसुबे़न् पाःत्तुरो॥

खाहुन् 1:19

मे़न्‌वाॽमनाबा याःम्‍बक्‍लाम् याङ् थक्‍मा ले़प्‍माङ् के़लाःप्‍पा के़रे़क्‍ले़ खुन्‍छिॽ नुप्‍मे़न् कन् परिक्‍ले़ए पोङ्‌लो, कम्‍भलॽरिक् याङ्‌साकुन्‍धे के़धक्‍पे़ल्‍ले़ कुहिङ्‌मे़न् कल्‍ले़ए पक्‍खु तेॽरुरो॥

निङ्‌वाॽफु साम्‍लोसुम् 101:5

हिम्‍बेसाङ्‌बाहाॽ स्‍वाःत्ताङ् चे़ॽया इङ्‌दो के़मे़प्‍पाहाॽ नासि मे़धःत्तासिङ्‌ङिल्‍लो, यम्‍बा के़ले़ङ्‌सिङ्‌बाहाॽ नु कुनिङ्‌वाॽ के़जिःप्‍पाहाॽ आङ्‌गाॽ तेःङ् मे़मे़त्तासिङ्‌ङिल्‍लो॥

निङ्‌वाॽफु साम्‍लोसुम् 88:18

आङ्‌गाॽग निःत्ताङ्‌बा आन्‍देङ् आन्‍जुम्‍हाॽ नु आसिराॽगे़धाङ्‌बाहाॽलाम् के़से़न्‍दाङ्‌ङाङ् वाॽआरो॥ हे़क्‍क्‍याङ् वदप्‍मा आन्‍जुम्‍मिन्‍ग खामाक्‍मान्‍लक् पोःक्‍खे़आङ् वाॽरो॥

निङ्‌वाॽफु साम्‍लोसुम् 15:3

हे़क्‍क्‍याङ् याप्‍मिहाॽ चे़ॽया इङ्‌दो मे़म्‍मे़प्‍मनाबाहाॽ, हिम्‍बेसाङ्‌बाहाॽ फे़त्‍मे़ल्‍लाःम्‍मनाबाहाॽ, हे़क्‍क्‍याङ् आबाङे चुम्‍देङ्‌हाॽरे़ खुनिॽ चाःत्‍थि मे़न्‍देमनाबाहाॽ युङ्‌मा मे़घोरो॥

लाम्‍दिक् 20:16

“खिनिॽ हिम्‍बेसाङ्‌बे़न् मे़न्‌वाॽमनाबा आप्‍तिक् मे़गुते़म्‍मिन्‍ने़ॽ॥

२ सामुए़ल 16:4

हाङ्‌ङिल्‍ले़ सिबाःन् मे़त्तु, “मपिबोसेतरे़ कत्तुबा के़रे़क् कुयाङ्‌साकुन्‍धेन् खे़ने़ॽए पिने़॥” सिबाःल्‍ले़ मे़त्तु, “आदाङ्‌बे, आङ्‌गाॽ आहाङ्‌ङे, आङ्‌गाॽग खे़ने़ॽ के़से़वारोबाआरो॥ आदाङ्‌बारे़ के़लुङ्‌मा तुक्‍मे़न् खोसुङ्‌लरो॥”