२ सामुए़ल 15:3 - लिम्‍बु

³ हे़क्‍केःल्‍ले़ अब्‍सालोमरे़ मे़त्तुसि, “खे़ने़ॽ के़दुःन्‍देॽङ्‌ग नुबाए चोक्, कर खे़ने़ॽ के़बान् के़घे़म्‍बा हाङ्‌ङिल्‍ले़ कुमना हाःत्ताङ् मे़होप्॥”

२ सामुए़ल 15:3 Referans Kwoze

२ पत्रुस 2:10

अक्‍तङ्‌बाहाॽग आबाङे फे़न्‍निङ्‌वाॽ कुइसिक् याम्‍दादाओ के़वाॽबा नु दाङ्‌बाल्‍ले़ कुयुक्‍किन् के़नाॽबा मनासिरो॥ खे़न् आधिङ्‌गानि नु आङ्‌दिङ् के़लॽबा मनाहाॽरे़ग साङ्‌ग्राम्‍पेदाङ्‌ङो के़वाॽबाहाॽ हिनाःम् मे़प्‍मासि मे़ङ्‌गिने़न्‍लो॥

१ पत्रुस 2:17

काक् मनाहाॽ मिङ्‌सो इङ्‌धाङ् पिरे़म्‍सिम्‍मे़ॽ, वेॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ तुक्‍ते़म्‍सिम्‍मे़ॽ, किसे़म्‍मे़ॽर निङ्‌वाॽफुमाङ्‌ङिन् इङ्‌धाङ् पिरे़म्‍मे़ॽ हे़क्‍क्‍याङ् हाङ् के़जोक्‍पे़न् मिङ्‌सो इङ्‌धाङ् पिरे़म्‍मे़ॽओ॥

सेःक्‌युक्‍मिबाहाॽ 23:5

पावलरे़ नोगप् पिरु, “आम्‍भुॽ आन्‍साॽसे, खुने़ॽग मानिङ्‌वाॽफुसाम्‍बा फाॽआङ् इङ्‌गाॽ मे़न्‍निबे़न्‍लो॥ साम्‌योसाप्‍लाओग अक्‍खे साप्‍ते़आङ् पत्, ‘खिनिॽ लाम्‍लोबाल्‍ले़ कुदक्‍ले़ङ्‌वाओ फे़न्‍पान् मे़बारे़म्‍मिन्‍ने़ॽओ॥’”

मत्ति 15:4

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ पाःत्तुॽ, ‘के़म्‍बा के़म्‍मासि मिङ्‌सो इङ्‌धाङ् पिरे़से़ॽ’ हे़क्‍क्‍याङ् ‘आत्तिल्‍ले़ कुम्‍बा कुम्‍मासि साङ्‌ग्रा मे़त्तुसिॽ, खे़ङ्‌ग से़प्‍माए पोङ्‌लो॥’

दानिए़ल 11:21

“हाङ् मिङ्‌सो थाङ्‌सो मे़ङ्‌घोम्‍नाबा कुनामे़न्‍छाॽ मे़मे़त्तुबा मना थिक् खे़ल्‍ले़ कुयुक्‍नाओ युङ्‌सिङ्‌ॽ॥ आल्‍ल मनाहाॽ हाङ्‌हाङ् लॽरिक् नु खे़न् ता फाॽआङ् मे़न्‍इःत्ते मे़वाॽबा ये़म्‍मो खे़ल्‍ले़ चे़म्‍भन्‍लाम् हाङ्‌जुम्‍मिन् हुक्‍काप् चोगुॽ॥

इजकिएल 22:7

पानुदिङ् पाहाॽ नु मानुदिङ् माहाॽ चे़क्‌या इङ्‌दो मे़मे़त्तुसिआङ् ताप्‍फे़ःल्‍लिक् मे़मे़त्तुसिॽ॥ कम्‍ब्राङ्‌ले़ लागि वेॽ लाजेॽबाहाॽ तुक्‍खे मे़जाःत्तुसिॽ॥ ये़त्‍छा होॽदोःक्‍हाॽ नु मेमेदुमाहाॽ मे़न्‌वाॽमना मे़मे़त्तुसिॽ हे़क्‍क्‍याङ् खिनिॽ लुम्‍मो मे़युःत्तुसिॽ॥

खाहुन् 30:17

आप्‍फेक् कुम्‍बा कुनामे़न्‍छाॽ के़मे़प्‍पे़ल्‍ले़, हे़क्‍क्‍याङ् खदाक्‍मि कुम्‍मारे़ मुरा मे़त्तुबान् के़जिःप्‍पे़ल्‍ले़, कुमिक्‍किन् सेःङ्‌घाबा आःक्‌वाहाॽरे़ मे़अगु मे़लःत्तुरो, हे़क्‍क्‍याङ् किःत्‍थहाॽरे़ खे़न् मे़जरो॥

खाहुन् 30:11

अक्‍तङ्‌बा मनाआङ् मे़वाॽ खे़ङ्‌हाॽरे़ खुन्‍छिॽ पानुदिङ् पान् माङ्‌दे साक्‍मुरा मे़मे़त्तुरो, हे़क्‍क्‍याङ् खुन्‍छिॽ माहाॽ मुॽइसामा मे़म्‍मे़त्तुन्‍सिन्‍लो,

खाहुन् 12:2

यहवे दाङ्‌बे़न् कुदोःप्‍मा मनाःन्‍नु सःत्‍लो, कर ताप्‍फे़ःम्‍बा पान् चे़म्‍भःन् के़जोःक्‍पाहाॽ खुने़ॽ आप्‍तिक्‍साबा लेःत्तुसिरो॥

निङ्‌वाॽफु साम्‍लोसुम् 12:2

खे़ङ्‌हाॽ के़रे़क् आबाङे इङ्‌ले़क् पान् मे़मे़त्‍छिङ्‌लो, मुर्ले़ःम्‍बा पान् मे़बाःत्ताङ् आबाङे इङ्‌मे़ले़क्‍सिङ्‌लो॥

२ सामुए़ल 8:15

हे़क्‍केलॽरिक् दाउदरे़ के़रे़क् इस्राइल सम्‍धाङ् हाङ्‌युक् चोगु, हे़क्‍क्‍याङ् खुने़ॽ के़रे़क् कुमनाहाॽरे़ लागि साम्‌योबा नु कुदोःप्‍मा खासे़न् चोगु॥

खानिःत् 16:3

खे़ङ्‌हाॽ मोसान् नु हारुने़ल्‍ले़ खुन्‍छिॽ तक्‍ले़ङ्‌वाओ के़रे़क् मे़भुङ्‌सिङ्‌ङाङ् खे़ङ्‌हाॽ मे़मे़त्तुसि, “खिनिॽ साॽरिक्‍के मे़न्‌वाॽमनाबा के़जोगुम्! सङ्‌जुम्‍भोबा के़रे़क् मनाहाॽ सेसेबा मे़जोक्, हे़क्‍क्‍याङ् यहवे दाङ्‌बे़न् खे़ङ्‌हाॽरे़ खुन्‍छिॽ लुम्‍मो वाॽ॥ खिनिॽ थेआङ् आप्‍फेक् यहवे दाङ्‌बे़ल्‍ले़ के़रे़क् कुमनाहाॽनुःल्‍ले़ यम्‍बा के़हे़न्‍नासिबाबे?”

लाम्‍दिक् 21:17

“आत्तिल्‍ले़ आबाङे कुम्‍बा इग्र कुम्‍मा माङ्‌दे साङ्‌ग्रा मे़त्तु, खे़न् से़प्‍माए पोङ्‌ॽ॥

लाम्‍दिक् 20:12

“खिनिॽ पानुदिङ् पा नु मानुदिङ् माहाॽ मिङ्‌सोइङ्‌धाःङ् पिरे़म्‍सिम्‍मे़ॽ, यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ के़बिरिबा लाजेॽओ खिनिॽ इरिक् के़हिङिर॥

२ सामुए़ल 15:4

हे़क्‍क्‍याङ् अब्‍सालोमरे़ मे़त्तु, “आङ्‌गाॽ कन् लाजेॽओबा खासे़न्‍दाङ्‌बा पोःक्‍खाङ्‌बा वये़ःल्‍ले़ग अक्‍तङ्‌बा तुःन्‍देॽ के़दाःप्‍पा के़रे़क् मनाहाॽ नुरिक् खासे़न् लोःन्‍दुङ् पिरुङ्‌सिङ्‌मे़न्॥”