२ सामुए़ल 15:10 - लिम्‍बु

¹⁰ हे़क्‍क्‍याङ् अब्‍सालोमरे़ इस्राइलबा के़रे़क् सुवाङ्‌हाॽओ, “सादाङ्‌ङिन् मे़मुःत्तुबा इक्‍ला के़घे़प्‍सुम्‍नुमे़ःन्‍ने, ‘अब्‍सालोमे़न् हेब्रोनबा हाङ् पोःक्‍खे़!’” के़लॽबा पान् मे़त्‍छे़ सिबिॽबा इङ्‌घङ्‌साबाहाॽ पाङ्‌घुसि॥

२ सामुए़ल 15:10 Referans Kwoze

१ साप्‍मुःन्‍धुम् 12:38

कन् थक्‍लिहाङ्‌हाॽ, ते़न्‍धङ् चोःक्‍मा फे़जुम्‍भे़या खजुम्‍घयारे़ काप्‍तुसिबा मनाहाॽ के़रे़क् इस्राइलओ दाउदे़न् हाङ्‌चोःक्‍मा निङ्‌वाॽ मे़जोगुआङ् हेब्रोनओ मे़द्‌ये़॥ वेॽ इस्राइलिहाॽरे़आङ् खुने़ॽ हाङ्‌चोःक्‍मा के़लॽबा लत्‍छा निङ्‌वाॽ वये़॥

१ साप्‍मुःन्‍धुम् 12:23

यहवे दाङ्‌बे़ल्‍ले़ पाःत्तुबा कुइसिक् साउलरे़ कुहाङ्‌जुम् युक्‍किन् दाउदे़न् पिमारे़ लागि फे़जुम्‍भे़या खजुम्‍घया के़गाप्‍सिङ्‌बाआङ् हेब्रोनओ दाउदे़न्‍नु फुङ्‌सिङ्‌से़ के़दाबा मनासुम्‍हाॽरे़ खुन्‍छिॽ खानिःत्तिन् हाबा कन्‍लो—

१ साप्‍मुःन्‍धुम् 11:3

आल्‍ल इस्राइलबा के़रे़क् लाम्‍लोबाहाॽ हेब्रोनबा हाङ्‌ङे़ओ मे़द्‌ये़, खे़ब्‍याङ् आम्‍भा खे़प्‍मोए खुने़ॽ यहवे दाङ्‌बे़ल्‍ले़ कुदगि खे़ङ्‌हाॽनु माङ्‌हुप् चोगु॥ यहवे दाङ्‌बे़ल्‍ले़ सामुए़लरे़ कुम्‍ब्राओलाम् पाःत्तुबा कुइसिःक्‍के खे़ङ्‌हाॽरे़ दाउदे़न् इस्राइलओ हाङ् पोङ्‌मारे़ लागि माङ्‌थोःक्‍ना मे़बिरुरो॥

२ हाङ् 9:13

खे़ब्‍याङ् खे़ङ्‌हाॽरे़ खिमो खुन्‍छिॽ लाकात्‍पा चाङ्‌हाॽ मे़भे़न्‍दुआङ् नाहाङ्‌सेःक्‍कोबा लुङ्‌हाॽओ खुने़ॽ लाङ्‌घेःक्‍मारे़ लागि मे़भे़सु मे़ने़स्‍सु॥ हम्‍भ्‍याङ् खे़ङ्‌हाॽरे़ थुत्तुरिःप्‍पा सादाङ्‌ङिन् मे़मुःत्तुआङ् मे़अःक्‍ते़आङ् मे़बाःत्तु, “येहुन् हाङ्‌लो!”

१ हाङ् 1:34

खे़ॽयो निङ्‌वाॽफुसाम्‍बा सादोक नु माङ्‌निङ्‌वाॽपान् के़बाःप्‍पा नातानरे़ खुने़ॽ इस्राइलओ हाङ् माङ्‌थोःक्‍ना पिसुर॥ सादाङ्‌ङिन् मुःत्ते़म्‍मे़ॽ हे़क्‍क्‍याङ् अक्‍खे पाःत्ते़म्‍मे़ॽआङ् अःक्‍ते़म्‍मे़ॽ, ‘सोलोमन हाङ्‌ङिल्‍ले़ कुधाःक् चाॽररो!’

२ सामुए़ल 19:10

कर आनिॽ हाङ् आजोगुम्‍बा अब्‍सालोम्‍मिन् थङ्‌ङो स्‍ये़आङ् वाॽ॥ खे़ल्‍ले़चोगुल्‍ले़ आल्‍ल दाउद हाङ्‌ङिन् नुःक्‍माआङ् ताःप्‍मा पोङ्‌ॽ॥”

२ सामुए़ल 14:30

हे़क्‍केःल्‍ले़ अब्‍सालोमरे़ कुसे़वारोबे़न् मे़त्तु, “योआबरे़ लत्‍छा कुबारि आङ्‌गाॽ आबारिःल्‍ले़ कुबेसाङ् ने़ःॽ, हे़क्‍क्‍याङ् खे़प्‍मो हःक्‍सि लिङ्‌लपत् फाॽआङ् खिनिॽ के़निसुम्॥ पेगे़म्‍मे़ॽ, हे़क्‍क्‍याङ् खे़प्‍मो मि थे़गे़म्‍मे़ॽ॥” खे़ल्‍ले़चोगुल्‍ले़ अब्‍सालोमरे़ कुसे़वारोबाहाॽरे़ खे़प्‍मो मि मे़याक्‍तु॥

२ सामुए़ल 13:28

अब्‍सालोमरे़ कुमनाहाॽ अक्‍तङ्‌बा इङ्‌जाङ् पिरुसि, “खे़प्‍से़म्‍मे़ॽ, अमनोने़न् सेजङ्‌वाःल्‍ले़ मयुॽ, हे़क्‍क्‍याङ् आङ्‌गाॽ ‘अमनोने़न् थगे़म्‍मे़ॽ’ मे़त्‍निङ्‌ङिल्‍ले़ खे़न् से़रे़म्‍मे़ॽ॥ मे़गिसे़म्‍मिन्‍ने़ॽ॥ कङ्‌ग आङ्‌गाॽ आइङ्‌जाङ्‌लो॥ थधप् मे़ल्‍लॽए हाङ्‌हाङ् लॽरे़म्‍मे़ॽ॥”

२ सामुए़ल 5:5

खुने़ॽ हेब्रोन युङे़आङ् यहुदाओ नुसि तङ्‌बेआङ् कुभ्रे़ःङ् हाङ्‌युक् चोगु, हे़क्‍क्‍याङ् यहुदा नु इस्राइल ने़प्‍माङ्‌ङो यरुसले़म युङे़आङ् सुम्‍बोङ्‌ङाङ् सुम्‍सि तङ्‌बेॽ थारिक् हाङ्‌युक् चोगु॥

२ सामुए़ल 2:11

हे़क्‍क्‍याङ् हे़ब्रोन्‍नो यहुदा सुवाङ् सम्‍धाङ् दाउदरे़ तङ्‌बेॽ नुसिआङ् कुभ्रे़ःङ् थारिक् हाङ्‌युक् चोगुरो॥

२ सामुए़ल 2:1

कन् एगाङ् दाउदरे़ यहवे दाङ्‌बे़न् अक्‍खे मे़त्तु, “आङ्‌गाॽ यहुदाबा लत्‍छा ये़क्‌यक्‍को पेःक्‍काबि?” हे़क्‍क्‍याङ् यहवे दाङ्‌बे़ल्‍ले़ मे़त्तु, “थो पेगे़ॽ॥” दाउदरे़ याम्‍मो सेःन्‍दोसु, “आत्तिन् ये़क्‌यक्‍को पेःक्‍काबे?” यहवे दाङ्‌बे़ल्‍ले़ याम्‍मो नोगप् पिरु, “थो हे़ब्रोन्‍नो पेगे़ॽ॥”

२ सामुए़ल 15:9

हाङ्‌ङिल्‍ले़ खुने़ॽ मे़त्तु, “नुरे़तासे़ॽर पेगे़ॽ॥” हन्‍नाङ् खे़न् हेब्रोन पे॥

१ हाङ् 1:11

खे़ब्‍याङ् नातानरे़ सोलोमनरे़ कुम्‍मा बतसेबान् सेःन्‍दोसु, “आनिॽ दाङ्‌बा दाउदरे़ निङ्‌वाॽ मे़ङ्‌घोए हग्‍गितरे़ कुस्‍सा अदोनियाहन् हाङ् पोःक्‍खे़ फाॽआङ् थे खे़ने़ॽ मे़म्‍घे़म्‍मे के़वाॽबि?