२ सामुए़ल 14:6 - लिम्‍बु

⁶ हे़क्‍क्‍याङ् आङ्‌गाॽ ने़प्‍फु आस्‍सा वये़सि, खे़ङ्‌हाॽ ते़म्‍बेॽओ चुङे़छि॥ खे़प्‍मो खे़ङ्‌हाॽ के़से़म्‍बा हाःत्ताङ् मे़होःप्‍ते़॥ थिक्‍किल्‍ले़ वेॽइन् हिप्‍तुआङ् से़रु॥

२ सामुए़ल 14:6 Referans Kwoze

लाम्‍दिक् 2:13

कुदाःन्‍दिक्‍मा खुने़ॽ पेःल्‍ले़ हिब्रु ने़त्‍छि आबाङे हिप्‍ने़त्‍छिर यागे़सिबा खुने़ॽ निसुसि॥ खे़ल्‍ले़ कुॽइगे़भे़म्‍बे़न् मे़त्तु, “खे़ने़ॽ आप्‍फेक् के़मना हिब्रुन् थेआङ् के़हिप्‍तुबा?”

तोलिङ्‌सोमु 4:8

कयिने़ल्‍ले़ कुन्‍साॽ हाबिल्‍ले़न् मे़त्तु, “फे़रे़ॽ आन्‍छिॽ प्‍याङ्‌सिगे़न् इक्‍ताप्‍पो पित्‍छि॥” हे़क्‍क्‍याङ् खे़ङ्‌हाॽ प्‍याङ्‌सिगे़न् इक्‍ताप्‍पो वये़सिल्‍ले़ कयिन्‍ने़ल्‍ले़ कुन्‍साॽ हाबिल्‍ले़न् हिप्‍तुआङ् से़रु॥

२ सामुए़ल 14:5

हाङ्‌ङिल्‍ले़ खे़न् सेःन्‍दोसु, “खे़ने़ॽ थे़मा तुक्‍खे के़दुमुआङ् वा?” खे़ल्‍ले़ पाःत्तु, “आदाङ्‌बे, आङ्‌गाॽग मिमेदुमाआरो॥ आङ्‌गाॽ आये़म्‍बा स्‍ये़आङ् वाॽरो॥

२ सामुए़ल 14:7

आल्‍ल अमे़त्ते़ना, के़रे़क् आङ्‌गाॽ आमनाहाॽ आङ्‌गाॽ आदक्‍ले़ङ्‌वाओ मे़बोगे़आङ् अक्‍खे मे़बाःत्तुॽ, ‘आबाङे कुन्‍साॽ के़से़प्‍पे़न् आनिगे हुक् आसुप्‍ते़ॽ हे़क्‍क्‍याङ् खे़ल्‍ले़ आबाङे कुन्‍साॽ से़रुबाल्‍ले़ चोगुल्‍ले़ आनिगे खे़न् से़रुम्‍बे़॥ हे़क्‍क्‍याङ् खुने़ॽ कुलक् के़घोबे़न्‍नाङ् से़रुम्‍बे़॥’ खे़ङ्‌हाॽरे़ हे़क्‍के मे़जोगुल्‍ले़ग लत्‍छाधिक् के़नम्‍बा मिहोःम्‍बे़न्‍नाङ् मे़से़रुॽ, हे़क्‍क्‍याङ् आङ्‌गाॽ आये़म्‍बाःल्‍ले़ कुमिङ्‌ङिन् मे़मासुल्‍ले़ कन् इक्‍सा खाम्‍बेःक्‍मो हाःत्ताङ् कुसाकुए मे़न्‌याःक्‍ने़ल्‍लो॥”

२ सामुए़ल 13:28

अब्‍सालोमरे़ कुमनाहाॽ अक्‍तङ्‌बा इङ्‌जाङ् पिरुसि, “खे़प्‍से़म्‍मे़ॽ, अमनोने़न् सेजङ्‌वाःल्‍ले़ मयुॽ, हे़क्‍क्‍याङ् आङ्‌गाॽ ‘अमनोने़न् थगे़म्‍मे़ॽ’ मे़त्‍निङ्‌ङिल्‍ले़ खे़न् से़रे़म्‍मे़ॽ॥ मे़गिसे़म्‍मिन्‍ने़ॽ॥ कङ्‌ग आङ्‌गाॽ आइङ्‌जाङ्‌लो॥ थधप् मे़ल्‍लॽए हाङ्‌हाङ् लॽरे़म्‍मे़ॽ॥”

२ सामुए़ल 13:29

हे़क्‍क्‍याङ् अब्‍सालोमरे़ कुमनाहाॽ मुरा मे़त्तुसिबा कुइसिक् अमनोने़न् मे़मे़त्तु॥ हे़क्‍केःल्‍ले़ के़रे़क् हाङ्‌साहाॽ हाराहारा खुन्‍छिॽ अदङ्‌हाॽओ मे़लासे़आङ् हिम्‍मो मे़बे॥