२ सामुए़ल 13:23 - लिम्बु23 तङ्बेॽ ने़त्छि एगाङ् अब्सालोमरे़ के़रे़क् हाङ्साहाॽ एफ्राइम कुबेसाङ् बाल हासोर मे़प्नाबा ते़न्नो मे़ल्लुक् मुरिक् नःङ्मा तङ्नाम्मो उःत्तुसि॥ Gade chapit la |
२ सामुए़ल 13:23
13 Referans Kwoze
खुने़ॽ मुरे़क् खारे़क् थेआङ् के़होप्पादे़न्नो वेॽ चङ्हिम्हाॽ चोगु, हे़क्क्याङ् खुने़ॽ कोःक्मा फाङ्जङ् नु ने़ने़बादे़न् ने़प्माङ् पिसाङ् खुने़ॽ कुबित् कुधक्साहाॽ यरिक् कुलुप् मे़बोःक्खे़बाल्ले़ चोगुल्ले़ यरिक् वबाक्हाॽ तयुने़स्सु॥ कोःक्मा नु ते़म्बेॽओ खुने़ॽ कुयाःन्गे़मबा मनाहाॽ नु चे़ल्ले़क्सेॽ के़लेःप्पाहाॽआङ् मे़वये़, थेआङ्भे़ल्ले़ खुने़ॽ याःम्ममा इक्ताप्पो निङ्वाॽ के़बिबा वये़॥
खुने़ॽ आइन् यो पेआङ् यरिक् पित्हाॽ नु के़मे़ॽबा पित्सात्हाॽ हे़क्क्याङ् मे़ल्लुक्हाॽ सिदुङ्जभा तोःन्दुसिआङ् वाॽ॥ खुने़ॽ के़रे़क् हाङ्साहाॽ, थक्मोबाहाॽ नु निङ्वाॽफुसाम्बा अबियाथारे़न् साभःङ्जाओ उःत्तुसिआङ् वाॽ॥ हे़क्क्याङ् आल्लो आम्भा कन् ये़म्मो खे़ङ्हाॽ खुने़ॽनु सोरिक् मे़ज, मे़धुङुर अक्खे मे़लॽर मे़याक्, ‘हाङ् अदोनियाहन् कुधाःक् चाॽररो॥’
अबिगेले़न् हिम्मो नुःक्खे़आङ् त्ये़ःल्ले़ नाबालरे़ हिम्मो हाङ्ङिल्ले़ कुलागि यारिप् चोःक्मनाबा हे़क्केए यम्बा साभःङ्जा मे़जर मे़यागे़बा निसु॥ नाबाले़न् थिःल्ले़ मयुआङ् साॽरिक् कुनिङ्वाॽ त्ये़आङ् वये़॥ खे़न् साॽरिक् मयुआङ् वये़बाल्ले़ चोगुल्ले़ खे़ल्ले़ कुमेत् अबिगेलरे़ खुने़ॽ तानाम् थारिक् थेआङ् मे़जे़क्तुन्॥
Piblisite