२ सामुए़ल 13:22 - लिम्‍बु

²² कर अब्‍सालोमरे़ अमनोने़न् थेआङ् पान् मे़मे़त्तुन्॥ खुने़ॽ कुन्‍साॽ मे़न्‍छुमान् कुजाःत्‍थि तेसु पिरुबाल्‍ले़ चोगुल्‍ले़ अमनोने़न् चिःप्‍मा हेःक्‍तुरो॥

२ सामुए़ल 13:22 Referans Kwoze

तोलिङ्‌सोमु 31:24

खे़ब्‍याङ् से़न्‍दिक् से़प्‍माङ्‌मो अरामि लाबाने़न्‍नु निङ्‌वाॽफुमाङ्‌ङिन् थाःन्‍छिङ्, हे़क्‍क्‍याङ् खुने़ॽ मे़त्तु, “सिङ्‌सिङ् ये़क्‌ये़क् लॽरे़ॽ खे़ने़ॽ याकुबे़न् मे़भे़ःक्‍ते़न्‍ने़ॽ॥”

१ युहुन्‍ना 3:15

आत्तिल्‍ले़ नसानिबा फुॽनुसाॽ नु ने़ॽनुसाॽहाॽ चिःत्तुसिॽ, खे़ङ्‌ग मना के़से़प्‍पारो॥ हे़क्‍क्‍याङ् मना के़से़प्‍पा के़रे़क्‍ले़ मे़न्‍नुप्‍मनाबा हिङ्‌मन्‍निन् मे़ङ्‌घोसुन् फाॽआङ् खिनिॽ के़निसुम्‍लो॥

तोलिङ्‌सोमु 24:50

खे़ब्‍याङ् लाबाने़न् नु बतुएलरे़ नोगप् पिरे़छु, “कन् पाःन्‍निन् यहवे दाङ्‌बालाम् के़दाबारो, हे़क्‍केःल्‍ले़ आन्‍छिगे खे़ने़ॽ वेॽ पान् थेआङ् मे़प्‍मा मे़सुक्‍ने़छिगे़न्‍लो॥

१ युहुन्‍ना 2:11

कर नसानिबा फुॽनुसाॽ नु ने़ॽनुसाॽहाॽ के़जिःप्‍पाङ्‌ग खादाम्‍मो वाॽ, हे़क्‍क्‍याङ् खादाम्‍मो लाङ्‌घेःक्‍किल्‍ले़ खुने़ॽ आत्तान् ले़प्‍माङ् पेःक्‍ल पत् थेआङ् निङ्‌वाॽ मे़घोसुन्‍लो, थेआङ्‌भे़ल्‍ले़ खादाम्‍माल्‍ले़ खे़न् खामे़न्‍निःमनाबा चोगुदेसुआङ् वाॽरो॥

१ युहुन्‍ना 2:9

इङ्‌गाॽ से़न्‍दाङ्‌गे़न् ओःत्तिओ वाॽआ लॽरिक् के़बाःप्‍पाल्‍ले़ नसानिबा फुॽनुसाॽ नु ने़ॽनुसाॽहाॽ चिःत्तुसिॽने़ फाॽग्र खे़ङ्‌ग आल्‍ल थारिक्‍साङ् माक्‍चिगे़न् खादाम्‍मोए वाॽरो॥

एफिसि 4:31

के़रे़क् सिक्‍कुमा, सिक्‍पोःक्‍मा, याःक् ले़ॽमा, हयङ्‌किल्‍लिङ् चोःक्‍मा, चे़ॽया इङ्‌दो पाःप्‍मा हे़क्‍क्‍याङ् काक् परिक्‍पा मना चिःप्‍मा ले़रे़म्‍मे़ॽओ॥

एफिसि 4:26

खिनिॽ सिक् पोःक्‍साङ् लायो मे़जोगे़म्‍मिन्‍ने़ॽ॥ नाम्‍धामानुःल्‍ले़ तगिए खिनिॽ सिक्‍पोःक्‍मान् चिप्‍ल,

मत्ति 18:15

“नसानिबाधिक्‍ले़ खे़ने़ॽ के़दक्‍ले़ङ्‌वाओ लायो चोगुॽने़ फाॽग्र खे़ने़ॽरक् खे़ल्‍लो पेगे़ॽआङ् कुलायोन् ओसेःन्‍धाक्‍ते़ॽओ॥ खे़ल्‍ले़ के़बाःन्‍निन् खे़प्‍सुने़ फाॽग्र खे़न् नसानिबाल्‍ले़ कुनिङ्‌वाॽ के़दोःन्‍दुरो॥

खाहुन्‍साबा 7:9

खिम्‍मो के़साक्‍के़न्‍निन् ओसेःन्‍धाङ् मे़जोगे़न्‍ने़ॽओ॥ सिक्‍कुमा पाःन्‍निन् खासिङ् मे़न्‍निःप्‍मनाबाहाॽरे़ खुनिॽ तेःङ्‌लो॥

खाहुन् 26:24

कुनिङ्‌वाॽ के़जिःप्‍पा मनान् कुबाःन्‍निल्‍ले़ थेःक्‍सिङ्‌लो, कर कुसिक्‍लुङ्‌मोग खे़ल्‍ले़ इङ्‌ले़क् पाःन्‍निन् युक्‍खुरो॥

खाहुन् 25:9

के़हिम्‍बेसाङ्‌बे़न्‍नु खे़माॽ तुःन्‍देॽहाॽ पाःन्‍धङ् के़जोगुल्‍ले़, वेॽ मनाःल्‍ले़ कुनिःन्‍धो पाःन्‍नो इङ्‌ले़क् मे़मे़त्ते़न्‍ने़ॽओ॥

खाहुन् 10:18

आत्तिल्‍ले़ खुने़ॽओ चिःत्‍छिङ्‌मान् चिक्‍खु कत्तुॽ, खे़ल्‍ले़ कुम्‍ब्रान् इङ्‌ले़क्‍पा चोक्‍लो, हे़क्‍क्‍याङ् हाःत्‍ले़ हने़बा पाःन्‍हाॽ से़सुॽ, खे़न् अदङ्‌लो॥

तोलिङ्‌सोमु 31:29

खे़ने़ॽ हान्‍ति के़बोङ्‌ल चोःक्‍मा मुक्‍साम् आङ्‌गाॽ कत्तुङ्॥ कर मिःप्‍मा युसिक् के़म्‍बारे़ कुनिङ्‌वाॽफुमाङ्‌ङिल्‍ले़ आङ्‌गाॽ अक्‍खे मे़त्ताङ्, ‘सिङ्‌सिङ् ये़क्‌ये़क् लॽरे़ॽ, खे़ने़ॽ याकुबे़न् मे़भे़ःक्‍ते़न्‍ने़ॽ॥’

१ युहुन्‍ना 3:10

निङ्‌वाॽफुमाङ्‌ङिल्‍ले़ कुस्‍साहाॽ नु माफे़न्‍साम्‍मिल्‍ले़ कुस्‍साहाॽओ मे़न्‍दङ्‌मना पाःन्‍निन् आम्‍भा कन्‍लो—आत्तिल्‍ले़ साम्‌योथिम् कुइसिक् नुबा याःम्‍बक् मे़जोगुन् हे़क्‍क्‍याङ् नसानिबा फुॽनुसाॽ नु ने़ॽनुसाॽहाॽ लुङ्‌माॽ मे़दुक्‍तुसिन् खे़ङ्‌ग निङ्‌वाॽफुमाङ्‌ङिल्‍ले़ कुस्‍सा मेःन्‍लो॥

१ युहुन्‍ना 3:12

खिनिॽग कयिने़न् हे़क्‍के मे़बोःक्‍खे़म्‍मिन्‍ने़ॽओ॥ खे़ङ्‌ग माफे़न्‍साम्‍मिल्‍ले़न् वये़आङ् खे़ल्‍ले़ आबाङे कुन्‍साॽइन् से़रुरो॥ थेआङ् से़रुबाभे़ल्‍ले़ खे़ल्‍ले़ आबाङे कुयाःम्‍बक्‍हाॽ ताप्‍फे़ःम्‍बा चोगे़, कर कुन्‍साॽरे़ कुयाःम्‍बक्‍हाॽ साम्‌योबा चोगे़॥

२ सामुए़ल 13:21

दाउद हाङ्‌ङिल्‍ले़ कन् के़रे़क् पाःन्‍हाॽ खे़प्‍सुआङ् साॽरिक् कुसिक् पोगे़॥

खाहुन् 26:26

खे़ल्‍ले़ वेॽहाॽ खाःम्‍मासि कुनिङ्‌वान् चिङ्‌मा सुक्‍तुरो, कर खे़ल्‍ले़ ताप्‍फे़ःम्‍बा कुयाःम्‍बक्‍हाॽ के़रे़क्‍लो ओसेःन्‍दाङ् पोङ्‌लो॥