२ सामुए़ल 13:18 - लिम्‍बु

¹⁸ हे़क्‍क्‍याङ् कुयाःम्‍बक् के़जोःक्‍पे़ल्‍ले़ खे़न् पाःक्‍खा लःत्तुदेसुआङ् लाम्‍धेःप्‍पे़न् ए़त्तु॥ तामारे़ल्‍ले़ मेःक्‍खिम् मे़न्‍जोःक्‍के के़वाॽमा हाङ्‌सामारे़ मे़जाक्‍खुबा कुभुङ् इसेःङ्‌बा साॽरिक् नुबा चाङ् चाक्‍खुआङ् वये़॥

२ सामुए़ल 13:18 Referans Kwoze

खासे़न्‍लोःम्‍बा 5:30

‘मे़नाप्‍तुसिबा चिगक्‌वाहाॽ मे़गोःत्तुर मे़याक्‍पिला, हे़क्‍क्‍याङ् खे़ङ्‌हाॽरे़ मे़भःक्‍खुर मे़याक्‍पिला, के़रे़क् ये़म्‍बित्‍छा थक्‍मा मे़न्‍छ्‌या थिक्, पोङ्‌मा सुक् सिसागे़न् मे़न्‍छ्‌या ने़त्‍छि, सिसराःल्‍ले़ कुलागि चाःम्‍मनाबा चाङ्‌हाॽ, कुभुङ् लक्‍मनाबा चाःम्‍मनाबा चाङ्‌हाॽ, कुभुङ् इसेःङ् लक्‍मनाबा तेःप्‍फुङ्‌हाॽ, आङ्‌गाॽ आसित्‍लाओ वाःप्‍मारे़ लागि कन्‍हाॽ के़रे़क् नाप्‍मनासिबा चिगक्‌वा कुइसिक् पोङ्‌लो॥’

तोलिङ्‌सोमु 37:3

याकुबे़न् काप्‍पोबा तुम्‍से़ल्‍ले़ युसुफे़न् कत्तुबाल्‍ले़ चोगुल्‍ले़ वेॽ कुस्‍साहाॽनुःल्‍ले़ यरिक् खुने़ॽ लुङ्‌माॽ तुक्‍तु॥ हे़क्‍क्‍याङ् याकुबे़ल्‍ले़ कुस्‍सा युसुफे़न् कुभुङ् इसेःङ्‌बा लत्‍छा केःम्‍बा लगेःत्‍थिक् तॽरु॥

तोलिङ्‌सोमु 37:32

हे़क्‍क्‍याङ् खे़न् नुबा कुभुङ् इस्‍सेःङ्‌बा लगेःत्तिन् खे़ङ्‌हाॽरे़ खुनिॽ पा याकुबरो मे़दारुआङ् मे़मे़त्तु, “कन् आनिगे खोसुम्‍बे़॥ ओमे़त्ते़साॽरे़ॽ, कन् के़स्‍साःल्‍ले़न्‍बि मेःम्‍बि?”

तोलिङ्‌सोमु 37:23

कल्‍ले़चोगुल्‍ले़ युसुफे़न् कुम्‍भुॽसिरे़ खुनिॽ पेसाङ् के़रे़ल्‍ले़ खुने़ॽ चाक्‍सुबा नुबा कुभुङ् इस्‍सेःङ्‌बा केःम्‍बा कुलगेःत्तिन् मे़भे़न्‍दु मे़बिरुआङ् मे़नाप्‍तु॥

खासे़न्‍लोःम्‍बा 3:23

खे़ब्‍याङ् एहुदरे़ याक्‍फाङ्‌ङोबा लाम्‍धेःत्‍हाॽ सुबुआङ् ए़त्तुध हे़क्‍क्‍याङ् लक्‍खुम्‍मो थासिङ् ये़॥

२ सामुए़ल 13:17

हे़क्‍क्‍याङ् खुने़ॽ कुयाःम्‍बक् के़जोक्‍पे़न् उःत्तुआङ् मे़त्तु, “कन् मे़न्‍छुमान् लःत्ते़देसे़ॽ॥ कन् लाःक्‍कात् लःत्ते़ॽआङ् लाम्‍धेःप्‍पे़न् ए़त्ते़ॽ॥”