२ सामुए़ल 11:8 - लिम्‍बु

⁸ खे़न् एगाङ् दाउदरे़ उरियान् मे़त्तु, “खे़ने़ॽ यो के़हिम्‍मो पेगे़ॽआङ् सप्‍मा ने़स्‍से़ॽ॥” खे़न् हाङ्‌हिम्‍लाम्‍बा लःन्‍दे़आङ् हाङ्‌ङिल्‍ले़ खे़ल्‍ले़ कुएगाङ् कुएगाङ् चे़सुङ् हाङुदेसु॥

२ सामुए़ल 11:8 Referans Kwoze

तोलिङ्‌सोमु 18:4

आङ्‌गाॽ च्‍वाःत्‍चिॽ फे़त्तुङ् हे़क्‍क्‍याङ् खिनिॽ लाङ् वाहप्‍ते़म्‍मे़ॽ, हे़क्‍क्‍याङ् हाबा कन् सिङ्‌बुङ्‌ङिल्‍ले़ कुसिःक्‍तो नाःम्‍सिङ्‌ङाम्‍मे़ॽओ॥

हिब्रु 4:13

निङ्‌वाॽफुमाङ्‌ङिल्‍ले़ कुनिमाओलाम्‍बा काक् नावागे़न् चइःत्तो थे़माःन्‍नाङ् चिङ्‌सिङ्‌मा मे़सुक्‍ने़न्‍लो॥ खुने़ॽ कुदगि काक् पाःन्‍हाॽ नुरिक्‍काङ् निधाःप्‍लो, हे़क्‍क्‍याङ् आनिॽ आजोगुम्‍बा काक् पाःन्‍हाॽरे़न् खारात् खुने़ॽए आनिॽ पिमा पोङ्‌लो॥

लुका 12:2

मे़धाःप्‍ने़न्‍ल फाॽआङ् ते़प्‍ते़आङ् के़वाॽबा पान् इग्र कुसिङ् निःत्‍मे़दे़त्‍ने़न्‍ल फाॽआङ् माॽरे़आङ् के़वाॽबा पान् थेआङ् होप्‍लो॥

लुका 7:44

हे़क्‍क्‍याङ् ये़सुन् खे़न् मे़न्‍छुमाॽइन् ले़प्‍माङ् हिसिङ्‌ङाङ् सिमोन्‍निन् मे़त्तु, “सिमोने, इङ्‌गाॽ खे़ने़ॽ के़हिम्‍मो त्‍याङ्‌ङिल्‍ले़ लाङ् वाहप्‍मा च्‍वाःत् के़म्‍बिराङ्‌ङिन्, कर कन् मे़न्‍छुमाॽइल्‍ले़ आलाङ्‌ङिन् कुमिक्‌वाःल्‍ले़ वाहप्‍तुआङ् कुधे़गेःक्‍इःल्‍ले़ तुगुआङ् वाॽरो॥

यसैया 29:15

यहवे दाङ्‌बालाम् के़जिङ्‌सिङ्‌बाआङ् स्‍वाःत् निङ्‌सेक् के़जोःक्‍पाहाॽ, खामाक्‍मो याःम्‍बक् के़जोःक्‍पाहाॽ, हे़क्‍क्‍याङ् “हाःत्‍ले़ आनिगे निसिगे़बे? हाःत्‍ले़ निङ्‌वाॽ खोसुबे?” फाॽआङ् निङ्‌वाॽ के़इःप्‍पाहाॽ मे़जिःत्ते़ मे़स्‍ये़रो॥

निङ्‌वाॽफु साम्‍लोसुम् 55:21

खे़ल्‍ले़ कुबाःन्‍निङ्‌ग कुघे़म् के़नुॽबा चोःक्‍साङ् कुनिङ्‌वाॽइन्‍ग ताप्‍फे़ःम्‍बा चोक्‍लो॥ खे़ल्‍ले़ कुबाःन्‍निन् चुन्‍जुम्‍बा चोःक्‍साङ् खे़ङ्‌ग खागे़सुक्‍पा ताभे कुइसिक् चोक्‍लो॥

निङ्‌वाॽफु साम्‍लोसुम् 44:21

से़क्‍खासाङ् निङ्‌वाॽफुमाङ्‌ङिल्‍ले़ निङ्‌वाॽ खोसुबा वये़मे़न्‍लो, थेआङ्‌भे़ल्‍ले़ खुने़ॽग निङ्‌वाॽ सिगाङ्‌बा सिबिॽ पाःन्‍हाॽ निसुरो॥

निङ्‌वाॽफु साम्‍लोसुम् 12:2

खे़ङ्‌हाॽ के़रे़क् आबाङे इङ्‌ले़क् पान् मे़मे़त्‍छिङ्‌लो, मुर्ले़ःम्‍बा पान् मे़बाःत्ताङ् आबाङे इङ्‌मे़ले़क्‍सिङ्‌लो॥

तोलिङ्‌सोमु 43:34

खे़ङ्‌हाॽरे़ खुन्‍छिॽ लक्‍किन् युसुफरे़ कुजामाने़त्तो लाम्‍बा मे़धाबु मे़बिरुसिआङ् वये़॥ कर बे़न्‍जामिने़ल्‍ले़ कुलक्‍किन् खुन्‍छिॽ के़रे़क्‍ले़ लक्‍किन्‍नुःल्‍ले़ ङासिले़ङ् यारिक् यल्‍लिक् योरे़॥ अक्‍खेलॽरिक् खे़ङ्‌हाॽरे़ युसुफे़न्‍नु सोरिक् मे़ज मे़धुङुआङ् ये़ये़ मे़लॽरे़॥

तोलिङ्‌सोमु 43:24

खे़न् मनाःल्‍ले़ खे़ङ्‌हाॽ युसुफरे़ कुहिम्‍सिगाङ् तेॽरुसि, हे़क्‍क्‍याङ् खुन्‍छिॽ लाङ् वाहप्‍मारे़ लागि च्‍वाःत् पिरुसि, हे़क्‍क्‍याङ् खुन्‍छिॽ अदङ्‌हाॽआङ् कुजा पिरुसि॥

तोलिङ्‌सोमु 19:2

“आदाङ्‌बासे, खिन्‍छिॽ चुङ्‌जिगे़न् से़वारोबाल्‍ले़ कुहिम्‍मो फे़रे़छे़ॽआङ् आइन् से़न्‍दिक् खे़प्‍मोए याःक्‍ते़छे़ॽ॥ खिन्‍छिॽ लाङ्‌हुक् वाहप्‍ते़छे़ॽ हे़क्‍क्‍याङ् तानाम्‍सा पोगे़त्‍छे़आङ् पेगे़त्‍छे़॥” खे़ङ्‌हाॽरे़ मे़त्ते़छु, “मेःन्, आन्‍छिगे से़न्‍दिक् लाःक्‍कात् लक्‍खुम्‍मोए इम्‍सिगे़॥”