२ सामुए़ल 11:21 - लिम्‍बु

²¹ यरुबबेसेतरे़ कुस्‍सा अबिमेलेक्‍के़न् हाःत्‍ले़ से़रु? खे़न् लत्‍छा मे़न्‍छुमाःल्‍ले़ लुङ्‌सुम्‍मे़न् लुङ्‌धाक्‍लाम् मक्‍थासुआङ् से़रुआङ् वये़ मेःम्‍बि? हे़क्‍क्‍याङ् खुने़ॽ तेबेसओ स्‍ये़आङ् वये़ मेःम्‍बि? खिनिॽ थेआङ् लुङ्‌धाक्‍किल्‍ले़ कुबेसाङ् के़बेगिबा?’ पाःत्तुने़भग्र खे़ने़ॽ अक्‍खे मे़त्ते़ॽ, ‘आदाङ्‌बारे़ के़से़वारोबा हित्ति उरियाःन्‍नाङ् स्‍ये़॥’”

२ सामुए़ल 11:21 Referans Kwoze

खासे़न्‍लोःम्‍बा 7:1

यरुब-बाल, खुने़ॽ गिदोन मे़मे़त्तु, हे़क्‍क्‍याङ् खुने़ॽनु के़वाॽबा के़रे़क् मनाहाॽ आन्‍देन् तानाम्‍सा मे़बोगे़आङ् हरोदबा च्‍वाःत् वाबुन्‍दाक्‌वाओ साःङ्‌गाहिम्‍हाॽ मे़घिङ्‌घु॥ मिद्‌यानिहाॽरे़ग इस्राइलिहाॽरे़ खुन्‍छिॽ थोहाङ् ले़प्‍माङ् मोरे कोःक्‍माबा ने़ने़बादे़न्‍नो साःङ्‌गाहिम्‍हाॽ मे़जोगु॥

२ सामुए़ल 3:34

खे़ने़ॽ के़हुक् इमे़ङ्‌घेःङ्‌ङे पत्‍छे़, खे़ने़ॽ के़लाङ्‌ङो फे़न्‍जेॽ सिक्रि मे़बत्‍छे़न्, खे़ने़ॽग कुॽइके़भे़ॽबाहाॽरे़ खुन्‍छिॽ हुक्‍को के़ध्‍ये़बा कुइसिक् के़गे़ङे़रो॥” हे़क्‍केःल्‍ले़ याम्‍मो के़रे़क् मनाहाॽ मे़हाबे़॥

२ सामुए़ल 3:27

हे़क्‍क्‍याङ् अबनेरे़न् हेब्रोन नुःक्‍खे़, हे़क्‍केःल्‍ले़ योआबरे़ सिबिॽआङ् ताॽगे़जे़ङ्‌बा ले़ङ्‌सिङ्‌ङाङ् खुने़ॽनु लाम्‍धेःप्‍पाल्‍ले़ नाहाङ् ले़प्‍माङ् तेॽरुआङ् पे, हे़क्‍क्‍याङ् खुने़ॽ कुन्‍साॽ असाहेले़ल्‍ले़ कुले़क्‌वा हुङ्‌से़ अबनेरे़न् कुस्‍साप्‍पोःक्‍को थुबुआङ् से़रु॥

खासे़न्‍लोःम्‍बा 6:32

खे़ल्‍ले़ याःन्‍दिक् खे़ङ्‌हाॽरे़ गिदोनरे़ कुमिङ् यरुब-बाल मे़मे़त्तु॥ थेआङ्‌भे़ल्‍ले़ खे़न् बालरे़ कुले़त्ति तोःम्‍मादे़न्‍निन् खुने़ॽए यस्‍सुआङ् ने़रो, खे़ङ्‌हाॽरे़ अक्‍तङ्‌बा मिङ् मे़वाःत्तु, खे़ल्‍ले़ कुबेन्, “कन् मनाःल्‍ले़ कुदक्‍ले़ङ्‌वाओ बाल माङ्‌ङिन् आप्‍फेक् थक्‍ल॥”

यसैया 14:10

खे़ङ्‌हाॽ के़रे़क् थिक्‍हुप् मे़बोङ्‌ङाङ् मे़बाःत्तुरो, ‘आल्‍ल खे़ने़ॽआङ् आनिगे कुइसिक् मे़न्‍धुम्‍मनाबा के़बोक्‍खे़आङ् के़वाॽरो, खे़ने़ॽ आनिगे हे़क्‍तङ्‌बाए के़बोःक्‍खे़रो॥’

निङ्‌वाॽफु साम्‍लोसुम् 39:8

आलायोहाॽलाम्‍बा से़ःप्‍ताङ्‌ङे़ॽओ, अदङ्‌हाॽरे़ कुनामे़न्‍छाॽ मे़प्‍मा मे़ङ्‌घोआन्‍लरो॥

२ सामुए़ल 11:17

हे़क्‍क्‍याङ् ये़क्‌यक्‍पा मनाहाॽ चघप् मे़लःन्‍दे़आङ् योआबे़न्‍नु थङ् चोःक्‍मा मे़हेःक्‍ते़, हे़क्‍क्‍याङ् दाउदरे़ कुभा कुधक्‍सुबाहाॽ मे़स्‍ये़॥ हित्ति उरियाःन्‍नाङ् स्‍ये़॥

२ सामुए़ल 11:20

हे़क्‍क्‍याङ् हाङ्‌ङिन् कुसिक् पोःक्‍काङ् अक्‍खे पाःत्तुने़भग्र, ‘थङ् पोःक्‍खे़ल्‍ले़ खिनिॽ थेआङ् ये़क्‌यक्‍किल्‍ले़ कुबेसाङ् के़बेगिबा? लुङ्‌धाक्‍लाम्‍बा तोङ् मे़आबु फाॽआङ् खिनिॽ ले़मा के़बोङ्‌बा वये़मे़न्॥

२ सामुए़ल 11:22

खे़न् इङ्‌घङ् के़देॽबा मनान् थासिङ्, हे़क्‍क्‍याङ् दाउदे़न् वये़बा ते़न्‍नो त्‍ये़, हे़क्‍क्‍याङ् योआबरे़ इङ्‌जाङ् पिरुबा कुइसिक् इङ्‌घङ् चे़क्‍तु॥