२ सामुए़ल 10:6 - लिम्बु6 दाउदे़न्नु मे़जोगुबा याःम्बक्के़न् साॽरिक् याम्गे़सिङ्बा ताप्फे़ःम्बा पोःक्खे़ के़लॽबा अम्मोनिहाॽरे़ कुसिङ् मे़निःत्तु, हे़क्क्याङ् खे़ङ्हाॽरे़ बेथरहोब नु सोबाबा निबोङ् हे़न्छिङ् थक्सुबाहाॽ खुन्छिॽ फाॽसे़ याःल्लिक् मे़दारुसि॥ खे़ङ्हाॽरे़ माकाबा हाङ्लाम् हे़न्छिङ्धिक् हे़क्क्याङ् तोबलाम्बा हे़न्छिङ् थिबोङ्ङाङ् ने़त्छि मनाहाॽ थङ् चोःक्मा के़भाॽबा याःल्लेक् मे़दारुसि॥ Gade chapit la |
२ सामुए़ल 10:6
24 Referans Kwoze
खे़ब्याङ् याकुबरे़ सिमियोन नु ले़बिन् मे़त्तुसि, “आनिॽ आयुङ्बा कनानि नु परिज्जिहाॽरे़ खुनिॽ कन् लाजेॽओ आङ्गाॽ ताप्फे़ःम्बा पोःक्खाङ्ल के़जोगे़छुआङ् आङ्गाॽ के़साक्पो थ्याङ्ल याप्मि के़याःन्दे़छि॥ आङ्गाॽ आमनाहाॽ मिसाक्लक् मे़वाॽ॥ खे़ङ्हाॽ के़रे़क् मे़भुङ्सिङ्ङाङ् आङ्गाॽ मे़सॽआआङ् ते़न्धङ् मे़जोगुल्ले़ग आङ्गाॽ आहिम्मोबा के़रे़क् थाप्पु थ्यःङ् मे़जोगिगे़रो॥”
खे़ङ्हाॽ के़से़ःप्पा के़नाङ्बा हाःत्ताङ् होःप्ते़, थेआङ्भे़ल्ले़ खे़ङ्हाॽ सिदोनलाम् माःङ्घा मे़वये़, हे़क्क्याङ् वेॽ आत्तिन्हाॽनुआङ् तुम्मा पेःक्मा होःप्ते़॥ खे़न् ये़क्यक्किन् बेथ-रहोब निःत्ताङ्बा ने़ने़बादे़न्नो ने़स्से़॥ दानबा थाःक्हाॽरे़ खे़न् ये़क्यक्किन् याम्मो मे़जोगुआङ् खे़प्मो युङ्मा मे़हेःक्ते़॥
खे़ल्ले़चोगुल्ले़ “सावले़न् पलिस्तिहाॽनु थङ् चोःक्मा हेःक्ते़रे़छ, हे़क्क्याङ् आल्ल पलिस्तिहाॽरे़ इस्राइलिहाॽ मे़जिःत्तुसि के़लॽबा इङ्घङ्ङिन् के़रे़क् इस्राइलिहाॽरे़ मे़घे़प्सु॥” आम्भा कन् थुत्तुरिःप्पालाम् मे़घे़प्सुबा इङ्घङ्ङिल्ले़ चोगुल्ले़ खे़ङ्हाॽ गिलगालबा सावलरे़ओ मे़जुप्से़ मे़द्ये़॥
खे़ङ्हाॽरे़ मोसान् नु हारुने़न् मे़मे़त्तुसि, “खिन्छिॽ थे़मा के़जोगुसिआङ् के़वाॽसि, यहवे दाङ्बे़ल्ले़ निसुआङ् वाॽ॥ खिन्छिॽ के़जोगुसिल्ले़ हाङ्ङिन् नु कुसुहाङ्युक्पाहाॽ आनिगे़नु खुन्छिॽ याःक्ले़ॽरे़आङ् वाॽ॥ खे़ल्ले़ लागि निङ्वाॽफुमाङ्ङिल्ले़ खिन्छिॽ खुम्दिङ् के़बिसिॽ॥ खे़न्छिॽ के़जोगुसिबाल्ले़ चोगुल्ले़ खे़ङ्हाॽरे़ आनिगे से़प्मारे़ लागि खे़माॽ चोःक्मा लाम् मे़घोसुआङ् वाॽ॥”
थेआङ्भे़ल्ले़ अन्लाधाहाॽ, अन्हाॽ नु यरिक् थक्सुबाहाॽरे़ खुन्छिॽ इक्ला लाइःक्ते़बान् यहवे दाङ्बे़ल्ले़ अरामिहाॽरे़ मे़घे़प्सुर याःन्दुसिआङ् वये़, कल्ले़चोगुल्ले़ खे़ङ्हाॽ खुन्छिॽ लुम्मो अक्खे मे़मे़त्छिङ्, “ओमे़त्ते़म् साॽरे़म्मे़, इस्राइलबा हाङ्ङिल्ले़ग आनिॽ फप्मारे़ लागि हित्ति नु मिस्र लाजेॽबा हाङ्हाॽ याःल्लेक् साङु तारुसिआङ् वाॽ॥”
खे़ल्ले़चोगुल्ले़ खे़ङ्हाॽ गदल्याहरे़ कुदुम्से़ मिस्पा मे़बे॥ कन् के़बेःक्पाहाॽ—नतन्याहःल्ले़ कुस्सा इस्माएले़न्, कारेहरे़ ने़प्फु कुस्सा योहानाने़न् नु जोनाथाने़न्, तन्हुमेतरे़ कुस्सा सरायाहःन्, नतोपाति एफैरे़ कुस्साहाॽ, माकातिरे़ कुस्सा याजन्याहःन् नु कन्हाॽ के़रे़क्ले़ खुन्छिॽ मनाहाॽ मे़वये़॥
अहितोपेलरे़ मे़त्तु, “हाङ्हिम् के़गोमा के़म्बारे़ कुमेत् पाःक्माहाॽनु इप्से़ॽ॥ हे़क्क्याङ् के़म्बा दाउदरे़ कुन्बो के़देसुबा साॽरिक् याम्गे़सिङ्बा ताप्फे़ःम्बा याःम्बक्किन् के़रे़क् इस्राइलबा मनाहाॽरे़ मे़घे़प्सुॽ, हे़क्क्याङ् खे़ने़ॽनु के़वाॽबाहाॽरे़ खुन्छिॽ हुक् आल्लसाङ् के़धुम्बा पोङ्॥”
Piblisite