२ सामुए़ल 1:23 - लिम्बु23 “सावल नु जोनाथाने़न् कुहिङ्वे़त् वये़सिल्ले़ नुबा नु लुङ्माॽ आदुक्तुक्पा वये़सिरो॥ खे़ङ्हाॽ हिङ्मा नु सिमाओआङ् मे़से़न्दे़सिन्लो॥ खे़ङ्हाॽ कक्कफिःक्मानुःल्ले़आङ् के़जाप्पा वये़सि, खिरिङ्बाहाॽनुःल्ले़आङ् के़धुम्बा वये़सिरो॥ Gade chapit la |
२ सामुए़ल 1:23
14 Referans Kwoze
हाबा खे़ल्ले़ याःन्दिक् नाम्धामानुःल्ले़ तगि ये़क्यक्कोबा मनाहाॽरे़ सिमसोने़न् अक्खे मे़मे़त्तुरो, “सक्वाघुनुःल्ले़ थेःन् लिम्माङ्बे? थे़रिङ्बे़न्नुःल्ले़ थेःन् थुम्माङ्बे?” सिमसोनरे़ खे़ङ्हाॽ मे़त्तुसि, “खिनिॽ आङ्गाॽ आगरःङ् पिप्माःन् के़न्धोःक्खुम्मिन्बा हे़क्केःल्ले़ खिनिॽ कन् आप्तोःक्किन् हम्मा के़न्छुक्तुम्ने़न्बा वये़रो॥”
गादबा कुभा कुभा मनाहाॽआङ् मुरे़क् खारे़क् थेआङ् के़होप्पा ये़ःङ्घादे़न्नो के़ने़बा यक्को दाउदे़न्नु फुङ्सिङ्से़ मे़द्ये़॥ खे़ङ्हाॽ मुक्के़गुबा थक्लिहाङ् मनाहाॽ मे़वये़ हे़क्क्याङ् थङ् चोःक्मारे़ लागि ताम्सिङ् मे़जोगे़आङ् मे़वये़, खे़ङ्हाॽरे़ खो नु लाःक् याङ्मा मे़सुक्तु॥ खे़ङ्हाॽ खिरिङ्बा कुइसिक् किप्मा के़घुबा नु कोःक्माहाॽओ पे़ःङ्वा हे़क्के के़जप्पा मे़जोगे़रो॥
जोनाथानरे़ मे़त्तु, “अक्तङ्बा मे़बोङ्ने़न्ल॥ खे़ने़ॽ के़न्छिने़न्॥ चुक्पा याःम्बक्साङ् यम्बा याःम्बक्साङ् आम्बारे़ आङ्गाॽ सेःन्मे़न्दोए याःम्बक् मे़जोगुन् के़लॽबा आनिङ्वाॽ निःन्धो वाॽ॥ आङ्गाॽ आम्बारे़ अक्तङ्बा पाःन्निन् आङ्गाॽलाम् आक्खेलॽरिक् चिक्खुबे? कन् पाःन्निन् से़क्खा मेःन्॥”
Piblisite