२ पत्रुस 3:18 - लिम्‍बु

¹⁸ कर आनिॽ दाङ्‌बा नु से़न्‍लप्‍दाङ्‌बा ये़सु ख्रिस्‍तरे़ आबिबा ने़हिनिङ्‌वाॽओ नु कुलुङ्‌गुम्‍मो पोरे़म्‍मे़ॽओ॥ आल्‍लो नु सदादिङ् दाङ्‌बाल्‍ले़ कुमिमिदिङ् पोङ्‌लरो! आमे़न्॥

२ पत्रुस 3:18 Referans Kwoze

कलस्‍सि 1:10

हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥

एफिसि 4:15

खे़ल्‍ले़ कुले़क्‌वा मिःम्‍जिन्‍नु से़क्‍खा पान् आबाःत्तुम्‍मिल्‍ले़ आल्‍लसाङ् यरिक् आनिॽ काक् परिक्‍ले़ ख्रिस्‍ते़न् हे़क्‍केए आबोङ्, थेआङ्‌भे़ल्‍ले़ खुने़ॽए आनिॽ थे़गेक्‍पारो॥

१ पत्रुस 2:2

खारक् सागे़वाःन्‍छिङ्‌बा अङे़ःक्‌वाःल्‍ले़ नुःन् थुङ्‌मा कोःत्तुबा कुइसिक् निङ्‌वाॽफु पाःन्‍जाक्‍किल्‍ले़न् सुत्‍थो याम्‍साम्‍गे़न् नुःन् थुङ्‌मा निङ्‌वाॽ चोगे़म्‍मे़ॽओ, हे़क्‍केलॽरिक् खे़न्‍लाम्‍बा खिनिॽ से़न्‍लप्‍पो के़बोरिर के़बेगिॽरो॥

फिलिप्‍पि 3:8

खे़न्‍लक् मेःन्, कर आदाङ्‌बा ख्रिस्‍त ये़सुन् कुसिङ् निःप्‍मा खोमाङ्‌ग काक्‍नुःल्‍ले़ नुबा पान् पोःक्‍खे़बाल्‍ले़ काक् पाःन्‍हाॽग हने़बाए इःत्तुङ्‌ङाङ् खुने़ॽ कुलागि लाङ् हाक्‍तुङ्‌देसुङ्‌लो॥ ख्रिस्‍ते़न् खोमा फाॽआङ् इङ्‌गाॽ खे़ङ्‌हाॽ ताम्‍जिरक् इःत्तुङ्‌लो॥

एफिसि 1:17

आनिॽ दाङ्‌बा ये़सु ख्रिस्‍तरे़ मिमिदिङ्‌गे़न् कुम्‍बा निङ्‌वाॽफुमाङ्‌ङिल्‍ले़ खुने़ॽ कुयाःम्‍बेओ नुरिक्‍काङ् कुसिङ् निःप्‍मारे़ लागि सिक्‍कुम्‍दिङ् निङ्‌वाॽ के़बिबा नु निङ्‌वाॽफुमाङ्‌ङिन् ओसेःन्‍दाङ् के़जोःक्‍पा सेसेमाङ्‌ङिन् के़बिरिर फाॽआङ् तुवा चोःक्‍कारो॥

कलस्‍सि 3:10

हे़क्‍क्‍याङ् खिनिॽग कुसङ् सुत्‍नाःन् तेत् हे़क्‍के के़जाक्‍खुम्‍माङ् के़वयिॽरो॥ खिनिॽग नावागे़न् चइःत्‍दाङ्‌बा निङ्‌वाॽफुमाङ्‌ङिन् कुसिङ् के़निःत्तुम्‍माङ् खुने़ॽ कुइःत् हे़क्‍के के़बोःक्‍खिर के़बत्‍छिरो॥

२ पत्रुस 1:3

आबाङे कुमिमिदिङ् नु कुनो-कुदाओ याप्‍मि के़उःप्‍पे़न् नुरिक्‍काङ् कुसिङ् आनिःत्तुम्‍बाल्‍ले़ चोगुल्‍ले़ हिङ्‌मन्‍नो नु माङ्‌से़वा चोःक्‍माओ चाहाबा आजोःक्‍पा काक् पाःन्‍हाॽ निङ्‌वाॽफुमाङ्‌ङिल्‍ले़ कुमुक्‍साम्‍लाम्‍बा खुने़ॽ आबिॽरो॥

२ कोरन्‍थि 4:6

थेआङ्‌भे़ल्‍ले़ खादाम्‍मो ओःत्तिःन् ओःत्‍ल फाॽआङ् के़बाःप्‍पा निङ्‌वाॽफुमाङ्‌ङिल्‍ले़ ख्रिस्‍तरे़ कुनाराओ के़ओःप्‍पा निङ्‌वाॽफुमाङ्‌ङिल्‍ले़ कुमिमिदिङ्‌ले़न् ने़हिनिङ्‌वाॽइन् कुसिङ् निःप्‍मा आसुक्‍तुम्‍ल फाॽआङ् आनिगे सिक्‍लुङ्‌मो खुने़ॽ कुओःत्तिन् ओःप्‍पाङ्‌घुआङ् वाॽरो॥

२ तिमोथि 4:18

दाङ्‌बाल्‍ले़ इङ्‌गाॽ काक् फे़न् पाःन्‍नोलाम् से़ःप्‍पाआङ् साङ्‌ग्राम्‍पेदाङ्‌बा कुहाङ्‌जुम्‍मो कम्‍ब्राङ् मे़त्तार तेॽआरो॥ दाङ्‌बाल्‍ले़ कुमिमिदिङ्‌ङिन् सदादिङ् नु सदादिङ् पोङ्‌निरो॥ आमे़न्॥

युहुन्‍ना 17:3

खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥

निङ्‌वाॽफु साम्‍लोसुम् 92:12

साम्‌योबाहाॽ खे़बक्‍सिङ् हे़क्‍के चिनॽनॽ मे़लॽमे़धाङ्‌लो, हे़क्‍क्‍याङ् ले़बनाननोबा साम्‍माङ्‌सिङ् हे़क्‍के खे़ङ्‌हाॽ मे़बोमे़धाङ्‌लो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

रोमि 11:36

थेआङ्‌भे़ल्‍ले़ खुने़ॽलाम्‍बा काक् पाःन्‍हाॽग ताःॽ, खुने़ॽ कुमुक्‍साम्‍मिल्‍ले़ काक् पाःन्‍हाॽ पोःक्‍खे़आङ् वाॽ, हे़क्‍क्‍याङ् काक् पोःक्‍खे़बा पाःन्‍हाॽ खुने़ॽ कुलागिए पोःक्‍खे़आङ् वाॽरो॥ सदादिङ् सदादिङ् खुने़ॽ कुमिमिदिङ् पोङ्‌लरो! आमे़न्॥

सुफो 1:6

हे़क्‍क्‍याङ् खुने़ॽ कुनिङ्‌वाॽफुमाङ् नु पानुदिङ् कुम्‍बारे़ लत्‍छा कुहाङ्‌जुम्‍मो कुसे़वा के़जोःक्‍पा निङ्‌वाॽफुसाम्‍बा आजोगे़आङ् आवाॽरो॥ हाराॽ ये़सु ख्रिस्‍तओ मिमिदिङ् नु मुक्‍साम् सदादिङ् सदादिङ् पोङ्‌लरो! आमे़न्॥

यहुदा 1:25

ये़सु ख्रिस्‍तलाम् आनिॽ से़न्‍लप् के़बिबा थिक्‍लक् निङ्‌वाॽफुमाङ्‌ङिन् मिमिदिङ्, हाङ्‌युक्, मुक्‍साम् हे़क्‍क्‍याङ् युक्‍किन् तोलिङ्‌सोमुआङ्‌धो सदादिङ् सदादिङ् खोमा लाॽरुरो! आमे़न्!

२ पत्रुस 1:11

अक्‍खेलॽरिक् आनिॽ दाङ्‌बा नु से़न्‍लप्‍दाङ्‌बा ये़सु ख्रिस्‍तरे़ मे़न्‍नुप्‍मनाबा कुहाङ्‌जुम्‍मो लाःप्‍मारे़ लागि लाम्‍दाःक्‍मा के़बिरिरो॥

२ पत्रुस 2:20

कर खे़ङ्‌हाॽरे़ दाङ्‌बा नु से़न्‍लप्‍दाङ्‌बा ये़सु ख्रिस्‍ते़न् कुसिङ् मे़निःत्तुआङ् इक्‍सादिङ् खाम्‍बेःक्‍मोबा आजिःन्‍जिःम्‍बा पाःन्‍लाम् मे़लन् हे़क्‍क्‍याङ् याम्‍मो मे़नुःङ् मे़बेःक्‍ने़ फाॽग्र खे़ङ्‌हाॽरे़ लागि तगिनुःल्‍ले़आङ् कुनुप्‍मोग साॽरिक् ताप्‍फे़ःम्‍बा पोङ्‌लो॥

२ पत्रुस 1:8

थेआङ्‌भे़ल्‍ले़ कन् सुम्‍बोधा पाःन्‍हाॽ के़योॽरुम्‍ल के़बिगिने़ फाॽग्र खे़न् पाःन्‍हाॽरे़ आनिॽ दाङ्‌बा ये़सु ख्रिस्‍ते़न् कुसिङ् के़निःत्तुम्‍बा खिनिॽ साम्‍जिक्‍को कुसि मे़न्‌याःम्‍मनाबा नु कुजाॽ मे़म्‍भम्‍मनाबा पोङ्‌मालाम् ताङ्‌गे़से़ःप्‍तिॽरो॥

मत्ति 28:20

इङ्‌गाॽ इङ्‌जाङ् पिनिङ्‌बा के़रे़क् पाःन्‍हाॽ इःप्‍मा नाःप्‍मा हुॽरे़म्‍सिम्‍मे़ॽओ॥ ओमे़त्ते़म्‍मे़ॽओ, इङ्‌गाॽग इक्‍सादिङ् खाम्‍बेःक्‍माल्‍ले़ कुनुप्‍मो थारिक्‍के खिनिॽनु सदादिङ् वाॽआरो॥”

मत्ति 6:13

हङ्‌साॽमो आन्‍धासे़न्‍ने़ॽओ, कर माफे़न्‍साम्‍लाम् आसे़ःप्‍ते़ॽओ॥ ((थेआङ्‌भे़ल्‍ले़ हाङ्‌जुम्, मुक्‍साम् नु मिमिदिङ्‌ङिन् सदादिङ् खे़ने़ॽइन्‍नेरो॥))’

मलाकि 4:2

कर आङ्‌गाॽनु के़गिबा हे़क्‍क्‍याङ् आमिङ्‌ङे़न् मिङ्‌सो इङ्‌धाङ् के़बिबा सम्‍धाङ्‌ग नाम्‍मिन् फिरिरिना लिङ्‌बा कुइसिक् साम्‌योनिमाल्‍ले़ तुक्‍मा लाःक्‍मालाम् वेःप्‍मा नु नुॽमादामे़न् तारुआङ् ताःॽ॥ हे़क्‍क्‍याङ् पित्‍थाःङ्‌ङो के़ये़प्‍पा पित्‍साःत्ते़न् ले़प्‍मे़ल्‍ले़ चाराम्‍मादे़न्‍नो पित्‍चाक् पित्‍चाक् पिन्‍ल लाःक्‍कात् पेःक्‍पा कुइसिक् खे़निॽआङ् लाःक्‍कात् के़लःन्‍दिरो॥

होसे 14:5

आङ्‌गाॽ इस्राइलिहाॽरे़ लागि सेःक्‌वा हे़क्‍तङ्‌बा पोङ्‌ङारो, आङ्‌गाॽ ले़क्‌वा फुङ् कुइसिक् फे़क्‍कारो ले़बनानबा साम्‍माङ्‌सिङ् हे़क्‍के खे़ल्‍ले़ कुसाःप् लेःत्‍छिङ्‌लो॥

युहुन्‍ना 5:23

खे़ल्‍ले़चोगुल्‍ले़ काक् मनाहाॽरे़ पानुदिङ् पा निङ्‌वाॽफुमाङ्‌ङिन् इङ्‌धाङ् मे़बिरुबा कुइसिःक्‍के कुस्‍सान्‍नाङ् मे़बिरुररो॥ कर आबुगे़न् कुस्‍सान् इङ्‌धाङ् मे़म्‍बिमनाबाल्‍ले़ग कुस्‍सा के़बाङ्‌बा पानुदिङ् पा निङ्‌वाॽफुमाङ्‌ङिन्‍नाङ् इङ्‌धाङ् मे़बिरुन्‍लो॥”

२ पत्रुस 1:2

आनिॽ निङ्‌वाॽफुमाङ्‌ङिन् नु दाङ्‌बा ये़सु ख्रिस्‍तरे़ खुन्‍छिॽ याःम्‍बेबा साम्‍जिक्‍कोलाम् लुङ्‌गुम् नु सनारुङ्‌ङिन् आत्तात्तान्‍ने यरिक् के़घोःम्‍सुम्‍लरो॥