२ पत्रुस 3:17 - लिम्‍बु

¹⁷ खे़ल्‍ले़चोगुल्‍ले़ आमिःम् आन्‍जुम्‍से, खिनिॽग कन् पाःन्‍हाॽ निङ्‌वाॽ के़घोसुम्‍माङ् के़वयिबाल्‍ले़ चोगुल्‍ले़ सिङ्‌सिङ् ये़क्‌ये़क् लॽरे़म्‍मे़ॽओ॥ हे़क्‍केःल्‍ले़ फे़न्‍पान् के़जोःक्‍पाहाॽरे़ खुनिॽ इङ्‌ले़क्‍के पाःन्‍निल्‍ले़ खिनिॽ के़मे़न्‍भोःत्तिन्‍ल हे़क्‍क्‍याङ् खिनिॽ के़धुम्‍बा नसाःन्‍लाम् के़न्‍जोःन्‍दिन्‍लरो॥

२ पत्रुस 3:17 Referans Kwoze

हिब्रु 3:14

आनिॽ तगि नसान् आजोगुम्‍बा ये़म्‍मो खुने़ॽ ताःक्‍पो आजोगुम्‍बा कुइसिक् कुनुप्‍मो थारिक् नसाःन्‍साबा आबोङ्‌ने़ फाॽग्र ख्रिस्‍ते़न्‍नु लक्‍के़घोबा आबोःक्‍खे़आङ् आवाॽरो॥

कलस्‍सि 2:8

सिङ्‌सिङ् लॽरे़म्‍मे़ॽओ, मे़ःङ्‌ग्र मे़न्‍छाम् याप्‍मिरे़ मे़जोगुबा कुघे़म्‍गे़नुॽबा इङ्‌ले़क्‍पा निसाम्‍हाॽरे़ के़युक्‍तिॽरो॥ खे़न् निसाम्‍हाॽग ख्रिस्‍तलाम् मेःन्, कर मे़न्‍छाम्‍थाःक्‍लाम् के़युबा थिम् नु इक्‍सादिङ् खाम्‍बेःक्‍मोबा कुहेःक्‍सिङ्‌मोबा हने़बा खाहुन्‍लाम् के़दाबारक्‍लो॥

एफिसि 4:14

हे़क्‍केःल्‍ले़ आनिॽ अङे़ःक्‌वाहाॽ कुइसिक् कुनिङ्‌वाॽ के़बाःक्‍पा आम्‍बोङ्‌ने़न्॥ हे़क्‍क्‍याङ् वाभे़ल्‍ले़ङ्‌ङिल्‍ले़ हिप्‍तुआङ् वाःन्‍दुबा खःङ्‌बेन् कुइसिक् इङ्‌ले़क्‍के मनाहाॽरे़ खुनिॽ मुजाःप्‍पा फे़न् निसाम्‍मिल्‍ले़ आनिॽ ना कत्‍ना आन्‌वाःन्‍ने़न्‍लो॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

१ कोरन्‍थि 10:12

नुरिक् ये़प्‍पा के़लॽबे़न् सिङ्‌सिङ् ये़क्‌ये़क् लॽररो, मेःन्‍ने फाॽग्र खे़न् चोःन्‍लो॥

मत्ति 7:15

“इङ्‌ले़क्‍पा माङ्‌निङ्‌वाॽपान् के़बाःप्‍पाहाॽनु सिङ्‌सिङ् ये़क्‌ये़क् लॽरे़म्‍मे़ॽओ, खे़ङ्‌हाॽग लाःक्‍कात्‍लाम् मे़ल्‍लुक् कुइसिक् मे़ले़ङ्‌सिङ्‌ङाङ् खिनिॽओ मे़दारो, कर सिगाङ्‌ग खे़ङ्‌हाॽ किप्‍मा के़घुबा पराबासिरो॥

रोमि 16:18

थेआङ्‌भे़ल्‍ले़ कङ्‌हाॽरे़ग दाङ्‌बा ख्रिस्‍तरे़ कुसे़वा मे़न्‍जोगुन्, कर आबाङे खुनिॽ साप्‍पोःक्‍किल्‍ले़ लागिरक् से़वा मे़जोगुॽरो॥ खे़ङ्‌हाॽरे़ मना के़जम्‍बा नु मुर्ले़ःम्‍बा पाःन्‍हाॽरे़ कुदोःप्‍मा मनाहाॽ इङ्‌मे़ले़क्‍तुसिॽरो॥

खाहुन् 1:17

के़रे़क् पुहाॽरे़ मे़निसुरए इयुक्‍मासिग कुसुम् मे़न्‍दम्‍मनाबा थेनाधेरक् पोङ्‌लो॥

२ तिमोथि 4:15

खे़ने़ॽआङ् खे़न्‍नु सिङ्‌सिङ् ये़क्‌ये़क् वये़ॽ, थेआङ्‌भे़ल्‍ले़ खे़ल्‍ले़ आनिगे निसाम्‍मिन् साॽरिक् अत्तुरो॥

२ कोरन्‍थि 11:3

कर माफे़न्‍साम्‍मिल्‍ले़ कुइस्‍वामाओलाम् हवाःन् इङ्‌ले़क्‍ते़बा कुइसिःक्‍के खिनिॽ ख्रिस्‍तओ के़दोःन्‍दुम्‍बा मिःम्‍जिन् नु तोःन्‍दोम्‍बा निङ्‌वाॽइन् लाम्‍भोःत्तुॽ फाॽआङ् इङ्‌गाॽ किआरो॥

मत्ति 16:6

ये़सुरे़ खे़ङ्‌हाॽ मे़त्तुसि, “फरिसिहाॽ नु सदुकिहाॽरे़ खुनिॽ खरे़ःङ् के़भङ्‌बा सिदाॽलाम् सिङ्‌सिङ् लॽरे़म्‍मे़ॽओ॥”

सेःक्‌युक्‍मिबाहाॽ 2:42

हे़क्‍क्‍याङ् खे़ङ्‌हाॽ सेःक्‌युक्‍मिबाहाॽरे़ खुनिॽ निसाम्‍मिन् नु सेसे तङ्‌जुम्‍मो, हे़क्‍क्‍याङ् तुवा चोःक्‍मा नु मिःम् साभाङ्‌जा चामाओ चक्‍मे़ल्‍लॽए मे़बत्‍छे़रो॥

मत्ति 16:11

खरे़ःङ्‌ङिल्‍ले़ कुयाःम्‍बेओ इङ्‌गाॽ मे़त्‍निङ्‌बा मेःन् फाॽआङ् आल्‍लसाङ् कुसिङ् के़न्‍निःत्तुम्‍मिन्‍बि? कर फरिसिहाॽ नु सदुकिहाॽरे़ खुनिॽ खरे़ःङ् के़भङ्‌बा सिदाॽलाम् सिङ्‌सिङ् लॽरे़म्‍मे़ॽ फाॽआङ्‌ने़ हे़क्‍के मे़त्‍निङ्‌बारो॥”

सुफो 2:5

खे़ने़ॽ तगि मिःम्‍जि के़मे़त्ताङ्‌बा मिःम्‍जिलाम् आक्‍खे़म्‍म्‍याक् माःङ्‌घा के़बोक्‍खे़आङ् के़वाॽ खे़न् पाःन्‍निन् निङ्‌वाॽ इःत्ते़ॽ॥ खे़ने़ॽ लायोलाम् हिन्‍दे़ॽआङ् तगि के़जोगुबा हे़क्‍केए चोगे़ॽओ॥ खे़ने़ॽ के़लायोओनु के़न्‍नुःङ्‌ने़न्‍ने़ फाॽग्र इङ्‌गाॽ खे़ने़ॽओ ताआ हे़क्‍क्‍याङ् के़सेमियुङ्‌दे़न्‍निन् कुयुङ्‌दे़न्‍नोलाम् खे़त्तुङ्‌देसुङ्‌लो॥

१ पत्रुस 5:9

खिनिॽ नसाःन्‍नो के़धुम्‍बा पोःक्‍खे़म्‍मे़ॽआङ् खे़न् अत्ते़म्‍मे़ॽओ, थेआङ्‌भे़ल्‍ले़ इक्‍सादिङ् खाम्‍बेःक्‍मो खाराक् खिनिॽ फुॽनुसाॽ नु ने़ॽनुसाहाॽरे़आङ् खिनिॽ के़दुमुम्‍बा इनोगे़न् तुक्‍खे हे़क्‍तङ्‌बा तुक्‍खेन् मे़दुमुर मे़वाॽ के़लॽबान् के़निसुम्‍लो॥

कलस्‍सि 2:5

थेआङ्‌भे़ल्‍ले़ इङ्‌गाॽग खिनिॽनु माःङ्‌घा वाॽआसाङ् आनिङ्‌वाॽइन् खिनिॽनु सोरिक्‍के वाॽरो॥ हे़क्‍क्‍याङ् हिङ्‌मा के़बोङ्‌बा हिङ्‌मन्‍नो के़हिङिबा नु ख्रिस्‍तओबा नसाःन्‍नो यो-धो मे़ल्‍लॽए के़वयिबा खे़प्‍सुङ्‌ङाङ् साॽरिक् सःत्तारो॥

फिलिप्‍पि 3:2

हर्दो हे़क्‍मा के़बाङ्‌बाहाॽनु सिङ्‌सिङ् लॽरे़म्‍मे़ॽओ, थेआङ्‌भे़ल्‍ले़ खे़ङ्‌हाॽग किप्‍मा के़घुबा ख्‍याबा हे़क्‍तङ्‌बासिरो॥

युहुन्‍ना 16:4

कन् पाःन्‍हाॽ ताःन्‍दि खिनिॽओ के़त्तिल्‍ले़ इङ्‌गाॽ साम्‍दिङ् पिनिङ्‌बा पाःन्‍निन् खिनिॽ निङ्‌वाॽ के़इःत्तुम्‍ल फाॽआङ् अक्‍खे मे़त्‍निङ्‌ङाङ् वाॽआरो॥ तगिग कन् पाःन्‍हाॽ मे़मे़त्‍निङ्‌ङिन्‍लो थेआङ्‌भे़ल्‍ले़ इङ्‌गाॽग खिनिॽनुए वयाङ्‌लो॥”

गलाति 5:4

खिनिॽ निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा पोङ्‌मा फाॽआङ् साम्‌योथिम्‍मिन् के़इःप्‍पा के़नाःप्‍पाहाॽ ख्रिस्‍तलाम् के़से़न्‍दि, निङ्‌वाॽफुमाङ्‌ङिल्‍ले़ कुलुङ्‌गुम्‍लाम् माःङ्‌घा के़बोःक्‍खिआङ् के़वयिॽरो॥

२ पत्रुस 2:7

हे़क्‍क्‍याङ् निङ्‌वाॽफुमाङ्‌ङिल्‍ले़ कुनिमाओबा साम्‌योबा लुःते़ङ्‌ग से़ःप्‍तुरो॥ खुने़ॽग खे़न् ये़म्‍मोबा मनाहाॽरे़ मे़जोगुबा खुनिॽ ताप्‍फे़ःम्‍बा ये़प्‍ले़क्‍हाॽ निसुआङ् कुनिङ्‌वाॽ तुगे़आङ् वये़रो॥

२ पत्रुस 3:1

आमिःम् आन्‍जुम्‍से, खिनिॽ हाक्‍निङ्‌बा कन् निसिगेक्‍पा सक्‍इङ्‌घङ्‌लो॥ कन् ने़प्‍माङ् सक्‍इङ्‌घङ्‌ङो निङ्‌वाॽसुम् चोःक्‍निङ् पिनिङ्‌ल खिनिॽ निङ्‌वाॽइन् चाङ्‌जाङ्‌वा चोःक्‍मा पिमा कोःत्तुङ्‌बारो॥