२ पत्रुस 3:11 - लिम्बु11 हे़क्केलॽरिक् काक् पाःन्हाॽ मे़क्पाल्ले़ चोगुल्ले़ खिनिॽग सेसेबा नु साम्योबा हिङ्मन्नो वाॽमा पोङ्लो॥ Gade chapit la |
२ पत्रुस 3:11
27 Referans Kwoze
काक्नुःल्ले़ के़ये़क्पा पाःङ्ग ख्रिस्तरे़ कुसुनाइङ्ङिन् लाॽरुबा हिङ्मन्नो खिनिॽ वये़म्मे़ॽओ॥ हे़क्केःल्ले़ इङ्गाॽ खिनिॽओ ताआआङ् निनिङ्साङ् इग्र खिनिॽ याःम्बेओरक् खे़प्सुङ्साङ् खिनिॽ सुनाइङ्ङिल्ले़न् नसाःन्नो के़दङ्ङासिआङ् याम्बुधिक्काङ् याःम्बक् के़जोगुम्बा पाःन्निन् निसुङ्लो॥
ताङ्साङ्बो के़बप्पा के़रे़क् खेःम्सिक्पाहाॽ मे़मा मे़बेःक्लो, हे़क्क्याङ् ताङ्साङ्बान् किप्नाबा साप्ला थङ्मान् हे़क्के कित्छिङ् पेःक्लो॥ चे़ल्ले़क्सेल्ले़ कुबुङ्ङोनु इगे़ले़म्बा कुभे़क्वाहाॽ मुत्थाबा हे़क्के खे़म्ब्याङ् पएप्पाल्ले़ कुबुङ्ङोनु इगे़सुॽबा कुजाॽहाॽ मुत्थाबा हे़क्के ताङ्साङ्बोबा खेसे-खेःम्सिक्पाहाॽ मक्मे़धारो॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
कन् के़रे़क् पाःन्हाॽ चोगे़म्मे़ॽ, थेआङ्भे़ल्ले़ आल्लोबा ये़म्मिन् आक्तङ्बा चोक् फाॽआङ् के़निसुम्लो॥ आल्ल आनिॽ मिक् युःमोलाम् सोमाआङ् पोःक्मा ये़म् के़रे़आङ् वाॽ, थेआङ्भे़ल्ले़ तगि नसान् आजोगुम्बा ये़म्मिन्नुःल्ले़आङ् कुमनाहाॽ ताङ्से़ःप्से़ दाङ्बाल्ले़ कुनुःङ्मा युमा ये़म्मिन् आल्लो निःत्ताङ् वाॽ॥
कर दाङ्बान् नुःङ् युबा ये़न्निङ्ग से़न्दिक् के़घुःम्बान् खुःन्छे़ ताबा कुइसिक् हक्चघत् पोङ्लो॥ यम्बा इक्लाओ तरःङ्दिङ् ताङ्साक्पे़न् माबेःक्, हे़क्क्याङ् खे़प्मो के़बप्पाहाॽ काक् मिदिक्काङ् योःम्बेःक्, हे़क्क्याङ् इक्सादिङ् खाम्बेक् नु खे़प्मो के़वाॽबा काक् पाःन्हाॽआङ् मिःल्ले़ खाप्पुथ्यःङ् चोगुसिरो॥
Piblisite