हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
२ पत्रुस 2:6 - लिम्बु6 निङ्वाॽफुमाङ्ङिल्ले़ लायो कुधिम् सदोम नु गमोरा ये़क्यक्हाॽआङ् मिधिक्खुआङ् खाप्पुथ्यःङ् चोगुसिआङ् खे़न् ये़क्यक्हाॽरे़ कुमिङ् मासुरो॥ निङ्वाॽफुमाङ्ङिल्ले़ खुने़ॽ नसान् मे़न्जोःक्मनाबा खे़न् याप्मिहाॽरे़न् आक्तङ्बा हिङ्गत् पोङ् के़लॽबा कुबि चोगुसिआङ् वाॽरो॥ Gade chapit la |
२ पत्रुस 2:6
20 Referans Kwoze
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
खे़ब्याङ् खाम्बाङ्ङिन् हम्बाःङ् पाःक्खे़आङ् खे़ङ्हाॽ कोरहःन् नु ङाबोङ् मनाहाॽ सोसोरिक् मे़लासे़ मे़घे़रे़, खे़न् ये़म्मो मिधुङ्दिङ् मिराःक्के़ल्ले़ कोरहःन् के़दिम्बा २५० मनाहाॽ खाप्पुथ्यःङ् मे़बोःक्खे़आङ् वये़॥ खे़ङ्हाॽ इस्राइलि सुवाङ्हाॽरे़ खुन्छिॽ लागि साम्दिङ्ले़ कुबि मे़बोःक्खे़॥
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
“एफ्राइमए, आङ्गाॽ खे़ने़ॽ आक्खेलॽरिक् ले़प्मा सुक्ने़ग! इस्राइलए, आक्खेलॽरिक् निङ्मिहाॽरे़ खुन्छिॽ हुक्को थामा सुक्ने़बे? खे़ने़ॽ आभेलॽरिक् अदमान् हे़क्के ले़प्मा सुक्ने़बे? आङ्गाॽ आभेलॽरिक् सबोयिमे़न् हे़क्तङ्बा चोःक्मा सुक्ने़बे! आङ्गाॽ आसिक्लुक्मे़न् आङ्गाॽ आसिगाङ्ङे नुःक्तुङ्ङाङ् वाॽरो॥ आङ्गाॽ साॽरिक् आलुङ्माॽ स्याःत् के़लॽबा पोःक्खाङ्ङाङ् वाॽआरो॥
खे़ङ्हाॽग खुन्छिॽ आबाङे याम्साम्मिन् हान्ति चोगुर थारिक् लायो के़जोःक्पाहाॽरे़ खुनिॽ साङ्ते़रे़ःङ्सिरो॥ खे़न् साङ्ते़रे़ःङ्हाॽलाम् ले़त्ति तोःम्मादे़न्निन् पम्मारे़ लागि ले़प्पे़प्पा फे़ःत्छे़म्मे़ॽआङ् चोगे़म्मे़ॽ, थेआङ्भे़ल्ले़ खे़ङ्हाॽ यहवे दाङ्बे़ल्ले़ कुदगि मे़दोन्दुबाल्ले़ चोगुल्ले़ सेसेबा चोक्॥ इस्राइलिहाॽरे़ खुन्छिॽ लागि खे़न् मिक्सेन् पोङ्ल॥”
हे़क्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिगे़ॽ के़लॽरिबि? मेःन्लो! खिनिॽग खे़मायङ्सङ् थारिक् के़ध्ये़ॽइरो॥ थेआङ्भे़ल्ले़ खिनिॽ पाङ्जुम्मो चोगे़बा हे़क्तङ्बा निङ्वाॽ के़माबा याःम्बक्हाॽ सदोम ये़क्यक्को चोगे़आङ् वये़ल्ले़ग खे़न् ये़क्यक्किङ्ग आइन् थारिक् ने़स्से़बामे़न्!
Piblisite