२ पत्रुस 2:14 - लिम्बु14 खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥ Gade chapit la |
खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
कन् पाःन्निल्ले़ कुयाःम्बेओग पावलरे़ बा अक्खेलॽरिक्के कुसक्इङ्घङ्हाॽओ साप्तुआङ् वये़॥ खुने़ॽ साप्तुबा कुभा पाःन्हाॽ कुसिङ् निःप्मा साक्लो॥ थेआङ् मे़ल्ले़मनाबा नु हिल्लिक्लिक्पा मनाहाॽरे़ग खे़न् पाःन्निल्ले़ कुबेन् मे़ले़क्खुआङ् मे़वाॽरो॥ खे़ङ्हाॽरे़ वेॽ साम्योसाप्लाओ के़बप्पा पाःन्हाॽरे़ कुबेन्नाङ् बा हे़क्केलॽरिक्के मे़ले़क्खुआङ् मे़वाॽ॥ हे़क्के मे़जोगुबाल्ले़ चोगुल्ले़ खे़ङ्हाॽरे़ खुनिॽ मे़क्मान् आबाङे मे़दारुरो॥
आनिगे सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ से़वा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोम्नाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—काप्पोबा नु थाङ्बे़न् आमनाहाॽरे़ खुन्छिॽ याम्साम्हाॽ चे़न्नो के़धामा मे़न्छुमाहाॽ मे़जिःत्ते़ मे़स्ये़रो॥ खे़ङ्हाॽरे़ खुन्छिॽ हुक्हाॽओ कित्चाक् माक्पे़न्छाप्हाॽ के़घेःक्खुम्माङ् पत् हे़क्क्याङ् कित्चाक् पःत्थाङ्हाॽरे़ के़दे़प्तुम्सिम्माङ् के़जोगुम्सिम्ॽ॥ थे खिनिॽ आप्फेक् सम्धाङ् मे़क्मासिमा मे़न्दाःत्ते वेॽहाॽ इजोओ थामा सुक्मे़दे़त् फाॽआङ् के़इःत्तुम्बि?
(खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग मेमेदुमाहाॽ इङ्गे़ले़क्तुम्सिम्माङ् खुनिॽ हिम्धाःङ्हाॽ के़नाप्तुम्सिम्, कर नुबा ओसेःन्धाक्सिङ्मारे़ लागि केःम्ब केःम्बा तुवा के़जोगुम्॥ खे़ल्ले़चोगुल्ले़ खिनिॽ खुम्दिङ्ङिङ्ग से़क्खासाङ् साॽरिक् किप्मा के़घुबा पोङ्लो॥)