२ पत्रुस 2:10 - लिम्बु10 अक्तङ्बाहाॽग आबाङे फे़न्निङ्वाॽ कुइसिक् याम्दादाओ के़वाॽबा नु दाङ्बाल्ले़ कुयुक्किन् के़नाॽबा मनासिरो॥ खे़न् आधिङ्गानि नु आङ्दिङ् के़लॽबा मनाहाॽरे़ग साङ्ग्राम्पेदाङ्ङो के़वाॽबाहाॽ हिनाःम् मे़प्मासि मे़ङ्गिने़न्लो॥ Gade chapit la |
२ पत्रुस 2:10
38 Referans Kwoze
इङ्गाॽ कन् पाःन्हाॽ मे़त्निङ्, थेआङ्भे़ल्ले़ निङ्वाॽफुमाङ् मेःन्नेबा कुभा मनाहाॽ स्वाःत्ताङ् खिनिॽ लुम्मो मे़लासे़आङ् मे़वाॽरो॥ तगिसा माङ्निङ्वाॽपान् के़बाःप्पाहाॽरे़ खे़न् हे़क्तङ्बा मनाहाॽरे़ खुम्दिङ् मे़घोसुॽ लॽरिक् मे़बाःत्तुआङ् मे़वये़रो॥ खे़ङ्हाॽरे़ निङ्वाॽफुमाङ्ङिल्ले़ लुङ्माॽ आदुक्पाल्ले़ चोगुल्ले़ के़रे़क् ताप्फे़ःम्बा याःम्बक् चोःक्मा आबिॽ लॽरिक् मे़बाःत्तुॽ, हे़क्क्याङ् आनिॽ थिक्लक् हाङ् के़जोःक्पा नु दाङ्बा ये़सु ख्रिस्ते़न् नसान् चोःक्मा मे़न्दे़न्ने़न्लो॥
थेआङ्भे़ल्ले़ याम्बोःप्मा याःम्बक् के़जोःक्पा, आजिःन्जिःम्बा याःम्बक् के़जोःक्पा नु खिःम्ब्राक्पा आत्तिन्हाॽरे़आङ् ख्रिस्त नु निङ्वाॽफुमाङ्ङिल्ले़ खुन्छिॽ हाङ्जुम्मो लक् मे़ङ्घोसुन् फाॽआङ् खिनिॽ नुरिक्काङ् कुसिङ् के़निःत्तुम्मेरो॥ खे़न् खिःम्ब्राक्पाङ्ग नावाइत्ला से़वा के़जोःक्पाएरो॥
ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाङ् मे़बिरुबा पोङ्मा पोङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोङ्मा पोङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
खे़ल्ले़चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा ये़प्ले़क्हाॽग नावाइत्लान् माङ्घःम्नाबारो॥ खिनिॽ खे़न् काक् युक्ते़म्मे़ॽओ॥
ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लक् मे़ङ्घोसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु के़इम्बा,
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
आल्ल हाङ्ङिल्ले़ खे़ङ्हाॽरे़ खुन्छिॽ पाःन्निन् मे़घे़प्सुम्बान् के़रे़क् इस्राइलिहाॽरे़ मे़निसु, खे़ब्याङ् खे़ङ्हाॽरे़ हाङ्ङिन् अक्खे मे़मे़त्तुरो— “दाउदलाम् आनिगे लक्खोमो थे़मा वाॽआङ्बे? यिसैरे़ कुस्साओ आनिॽ खोमा लक् थे वाॽआङ्बे? इस्राइलिसे, खिनिॽ आप्फेक् साःङ्गाहिम्मो पेगे़म्मे़ॽओ, दाउदए, खे़ने़ॽ आप्फेक् के़हिम्मिन् ओमे़त्ते़ॽओ!” कल्ले़चोगुल्ले़ इस्राइलिहाॽ खुन्छिॽ आप्फेक् आप्फेक् हिम्मो मे़बे,
खे़प्मो सेबा मे़प्नाबा कुॽइगे़भे़म्बा मनाधिक् वये़, खुने़ॽ बेन्यामिन बिक्रि मे़प्नाबे़ल्ले़ कुस्सा वये़॥ खे़ल्ले़ सादाङ्ङिन् मुक्खु, हे़क्क्याङ् अःक्ते़र पाःत्तु, “दाउदओ आनिॽ थे़मा लक् वाॽबे? यिसैरे़ कुस्साःल्लो आनिॽ थेआङ् युक् आङ्गत्तुम्मिन्! इस्राइलिसे खिनिॽ आबाङे हिम्हिम् पेगे़म्मे़ॽ!”
कर खे़प्मो सावलरे़ कुदक्ले़ङ्वाओ के़बाःप्पा मनाहाॽआङ् मे़वये़, खे़ङ्हाॽरे़ अक्खेआङ् मे़बाःत्तु, “कन् मनाःल्ले़ आभेलॽरिक् आनिॽ से़ःप्मा आसुक्पे?” खे़ङ्हाॽरे़ सावले़न् कुनामे़न्छाॽ मे़मे़त्तुर किनाःन्दि मे़बिरु, हे़क्क्याङ् खुने़ॽ कुलागि थेआङ् सुङ् मे़न्दारुन्॥ कर सावलरे़ थेआङ् मे़बाःत्तुन्॥
खे़न् ये़म्मोबा मनाहाॽग आप्फेक्लक् मिःम्जि के़मे़त्छिङ्बा, याङ्साकुन्धेरक् मिःम्जि के़मे़प्पा नु आप्फेक्लक् यम्बासिगे़ फाॽआङ् निङ्वाॽ के़इःप्पा, आङ्दिङ् के़लॽबा हे़क्क्याङ् मना चाःत्थि के़देबा मे़बोङ्लो॥ खे़ङ्हाॽग पामाहाॽरे़ खुनिॽ पाःन्नो मे़म्बप्मनाबा, ओबे़ के़जोगु के़बिराङ्बे़ फाॽआङ् निङ्वाॽ मे़न्इःप्मनाबा, हे़क्क्याङ् साम्यो मे़न्इःप्मनाबा आजिःन्जिःम्बा मे़बोङ्लो॥
Piblisite