२ पत्रुस 1:7 - लिम्‍बु

⁷ साप्‍चुवाओ फुॽनुसाॽ लुङ्‌माॽ तुक्‍सिङ्‌मान्, हे़क्‍क्‍याङ् फुॽनुसाॽ लुङ्‌माॽ तुक्‍सिङ्‌मो मिःम्‍जिन् योॽरे़म्‍मे़ॽओ॥

२ पत्रुस 1:7 Referans Kwoze

हिब्रु 13:1

आल्‍ल नसानिबा फुॽनुसाॽ नु ने़ॽनुसाॽ के़बोःक्‍खिबाल्‍ले़ चोगुल्‍ले़ चक्‍मे़ल्‍लॽए लुङ्‌माॽ तुक्‍कासिम्‍मे़ॽओ॥

रोमि 12:10

लत्‍थिक् हिम्‍मोबा फुॽनुसाॽ ने़ॽनुसाॽ कुइसिक् लुङ्‌माॽ तुक्‍कासिम्‍मे़ॽ॥ आबाङेनुःल्‍ले़ यरिक् वेॽहाॽ मिङ्‌सो इङ्‌धाङ् पिरे़म्‍सिम्‍मे़ॽ॥

१ थिस्‍सलोनिकि 3:12

हे़क्‍क्‍याङ् आनिगे खिनिॽ लुङ्‌माॽ तुक्‍कासिगे़बा हे़क्‍केए हाराॽ दाङ्‌बाल्‍ले़ खिनिॽ लुङ्‌माॽ तुक्‍सिङ्‌मा हे़क्‍क्‍याङ् काक् मे़न्‍छाम् याप्‍मिहाॽ लुङ्‌माॽ के़दुक्‍पा के़बोङ्‌बार के़बेःक्‍पा के़जोगिररो॥

गलाति 6:10

खे़ल्‍ले़चोगुल्‍ले़ आनिॽ सुये़म् आघोसुम्‍मिल्‍ले़ काक् मनाहाॽ नुरिक् मे़प्‍मासि पोङ्‌लो॥ कुनो-कुबिॽओग आनिॽ नसानिबा हिम्‍सयङ्‌हाॽ नुरिक् मे़प्‍मासि पोङ्‌लो॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

१ युहुन्‍ना 3:16

ये़सु ख्रिस्‍ते़ङ्‌ग आनिॽ ले़क्‌वा स्‍ये़बाल्‍ले़ से़क्‍खाबा मिःम्‍जिन् आक्‍तङ्‌बा चोक् फाॽआङ् कुसिङ् आनिःत्तुम्‍लो॥ आनिॽआङ् नसानिबा फुॽनुसाॽ नु ने़ॽनुसाॽहाॽरे़ खुनिॽ ले़क्‌वा सिमाआङ् यारिप् पोङ्‌मा पोङ्‌लो॥

१ युहुन्‍ना 3:14

आनिॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ आदुक्‍सिङ्‌बाल्‍ले़ चोगुल्‍ले़ आनिॽग सिमे़न्‍लाम् मे़न्‍नुप्‍मनाबा हिङ्‌मन्‍नो आजत्‍छिङ्‌ङाङ् आवाॽ फाॽआङ् आनिसुम्‍लो॥ कर आत्तिल्‍ले़ वेॽहाॽ लुङ्‌माॽ मे़दुक्‍तुसिन्, खे़ङ्‌ग आल्‍लोसाङ् सिमे़न्‍नोए वाॽरो॥

१ पत्रुस 2:17

काक् मनाहाॽ मिङ्‌सो इङ्‌धाङ् पिरे़म्‍सिम्‍मे़ॽ, वेॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ तुक्‍ते़म्‍सिम्‍मे़ॽ, किसे़म्‍मे़ॽर निङ्‌वाॽफुमाङ्‌ङिन् इङ्‌धाङ् पिरे़म्‍मे़ॽ हे़क्‍क्‍याङ् हाङ् के़जोक्‍पे़न् मिङ्‌सो इङ्‌धाङ् पिरे़म्‍मे़ॽओ॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

कलस्‍सि 3:14

हे़क्‍क्‍याङ् कन् के़रे़क्‍नुःल्‍ले़ यरिक् लुङ्‌माॽ तुक्‍कासिम्‍मे़ॽओ॥ खे़ल्‍ले़ए खिनिॽ थिक्‍हुप् पोङ्‌मा कुलिङ्‌दो के़गे़त्तिॽरो॥

१ पत्रुस 3:8

कुनुप्‍मो, खिनिॽ निङ्‌वाॽओ काक् थिक्‍हुप् पोःक्‍खे़म्‍मे़ॽ, लुङ्‌माॽ तुक्‍कासिम्‍मे़ॽ, मिःम्‍जि मे़त्तासिम्‍मे़ॽ, हाङ्‌हाङ्‌वा ओसेःन्‍धाक्‍कासिम्‍मे़ॽ हे़क्‍क्‍याङ् चुङ्‌जिगे़न् नःम्‍नःम् पोःक्‍खे़म्‍मे़ॽओ॥

१ थिस्‍सलोनिकि 5:15

खिनिॽ आत्तिल्‍ले़आङ् ताप्‍फे़ःम्‍बाल्‍ले़ कुले़क्‌वा ताप्‍फे़ःम्‍बा मे़जोगे़म्‍मिन्‍ने़ॽ, कर खिनिॽ लुम्‍मो हे़क्‍क्‍याङ् वेॽहाॽनुआङ् नुबा मे़त्‍छिङ्‌मा सदादिङ् तम्‍सिङ् चोगे़म्‍मे़ॽओ॥