२ हाङ् 1:3 - लिम्बु3 कर यहवे दाङ्बे़ल्ले़ कुमाङ्लाइङ्बे़ल्ले़ तिस्बि एलियान् मे़त्तु, “खे़ने़ॽ पेगे़ॽआङ् सामरियाबा हाङ्ङिल्ले़ कुइङ्साबाहाॽ तुमे़से़ॽ हे़क्क्याङ् खे़ङ्हाॽ सेःन्दोसे़से़ॽ, ‘थे इस्राइलओ निङ्वाॽफुमाङ् होःप्पाङ् एक्रोनबा माङ् बाल-जिबबओ सुजा नाःक्से़ के़बेगिर के़बत्छिबि?’ Gade chapit la |
२ हाङ् 1:3
21 Referans Kwoze
खे़ब्याङ् नामाने़न् नु खुने़ॽ कुसे़वारोबाहाॽ के़रे़क् निङ्वाॽफुमाङ्ङिल्ले़ कुमनाओ मे़नुःक्खे़ मे़बे॥ खे़ङ्हाॽ के़रे़क् खुने़ॽ कुदगि मे़ये़म्सिङ् हे़क्क्याङ् नामानरे़ पाःत्तु, “इस्राइलओरक् निङ्वाॽफुमाङ् वाॽ के़रे़क् इक्सादिङ् खाम्बेःक्मो हाःत्ताङ् निङ्वाॽफुमाङ् होप् फाॽआङ् आल्ल आङ्गाॽ निङ्वाॽ खोसुङ्॥ चिसाजि आल्ल खे़ने़ॽ के़से़वारोबालाम् कुभा हुक्वा ताःक्ते़ॽओ॥”
खे़ङ्हाॽरे़ खुने़ॽ नुगप् मे़बिरु, “आनिगे तुम्से़ मनाधिक् त्ये़आङ् मे़त्तिगे़, ‘खिनिॽ के़बाङ्बा हाङ्ङे़ओ पेगे़म्मे़ॽ, हे़क्क्याङ् खुने़ॽ अक्खे मे़त्ते़म्मे़ॽ, यहवे दाङ्बे़ल्ले़ अक्खे पाःत्तुॽ—थे इस्राइलओ निङ्वाॽफुमाङ् होप्पाल्ले़ चोगुल्ले़ एक्रोनबा माङ् बाल-जिबबे़न् सुजा नाःक्से़ खे़ने़ॽ मनाहाॽ के़बाङ्घुसिर के़बप्पि? कल्ले़चोगुल्ले़ खे़ने़ॽ के़ने़बा के़इप्नाओलाम् के़म्बोःक्ने़न्ॽ॥ खे़ने़ॽ से़क्खाए के़सिरो!’”
आल्ल अहज्याहन् सामरियाओ थाःङ्समा याक्फाङ्ङोबा हङ्हङ् के़लॽबा पेधाःप्पोलाम् मु मक्थ्ये़, हे़क्क्याङ् खुने़ॽ साॽरिक् यम्बा काःन्दे़॥ कल्ले़चोगुल्ले़ खुने़ॽ इङ्साबाहाॽ अक्खे मे़त्तुसिआङ् पाङ्घुदेसुसि, “पेगे़म्मे़ॽआङ् एक्रोनबा माङ् बाल-जिबबे़न् सुजा नाःक्ते़म्मे़ॽ, आङ्गाॽ कन् काःन्दाङ्बोलाम् वेःप्मा सुक्काबि मे़सुक्कान्बि॥”
सिदुङ्जभा तोःम्मा ये़म्मो माङ्निङ्वाॽपान् के़बाःप्पा एलियान् तगि पेआङ् पेलिगे़न् तुवा चोगु, “यहवे दाङ्बा, अब्राहाम, इसहाक नु इस्राइलबा निङ्वाॽफुमाङ्ङे, इस्राइलओ खे़ने़ॽ निङ्वाॽफुमाङ्ने़रो, हे़क्क्याङ् आङ्गाॽग खे़ने़ॽ के़से़वारोबाआरो, खे़ब्याङ् कन् के़रे़क् याःम्बक्हाॽ खे़ने़ॽ के़इङ्जाङ् कुइसिक् आङ्गाॽ चोगुङ्ङाङ् वाॽ फाॽआङ् आइन् निङ्वाॽ खोसे़ॽओ॥
आइन्बा ये़न्नो यहवे दाङ्बाल्ले़ खे़ने़ॽ आहुक्को के़धासे़आङ् वाॽ, हे़क्क्याङ् आङ्गाॽ से़त्ने़आङ् के़धेगेःक्किन् खक्तुङ्ॽ॥ आइन्बा कन् ये़न्नो पलिस्तिहाॽरे़ खुनिॽ कुसिवे़त् थक्हाॽ ताङ्साङ्बोबा पुहाॽ नु खाम्बेःक्कोबा थक्साहाॽ चामा पिरुङ्सिङ्ॽ, हे़क्क्याङ् इस्राइलओ निङ्वाॽफुमाङ् वाॽरे़छ फाॽआङ् इक्सादिङ् खाम्बेःक्मो के़रे़क् पिसाङ्बा मनाहाॽरे़ कुसिङ् मे़निःत्तुरो॥
आल्ल इस्राइलबा हाङ्ङिल्ले़ आप्फेक् कुजाङ्ङिन् थे़ःक्खुबा पाःन्निन् निङ्वाॽफुमाङ्ङिल्ले़ कुमना एलिसाःल्ले़ खे़प्सु, खे़ब्याङ् खुने़ॽ कन् इङ्घङ्ङिन् हाङ्ङिन् हाक्तु, “आदाङ्बारे़ थेआङ् के़जाङ्ङिन् के़धे़ःक्खुबाबे? खे़न् मनान् आङ्गाॽओ फे़न्ल, हे़क्क्याङ् खे़ल्ले़ इस्राइलओ माङ्निङ्वाॽपान् के़बाःप्पा थिक् वाॽरे़त्छ फाॽआङ् निङ्वाॽ खोसुॽ॥”
आङ्गाॽ कन् चोगुङ्ॽ, थेआङ्भे़ल्ले़ आङ्गाॽ मे़नाॽराङ्ङाङ् वाॽ, हे़क्क्याङ् सिदोनिहाॽरे़ खुन्छिॽ अस्तोरेत माङ्ङिन्, मोआबबा माङ् कमोसे़न् नु अम्मोनिहाॽरे़ खुन्छिॽ माङ् मोलेखे़न् खे़ङ्हाॽरे़ से़वा मे़मे़त्तुआङ् वाॽ, हे़क्क्याङ् आङ्गाॽ आलाम्मो खे़ङ्हाॽ लाङ्मे़ङ्घेःक्ने़न् आङ्गाॽ आनिमो आत्तिन् पाःन्निन् कुदोःप्मा चोक् खे़न्नाङ् मे़न्जोगुन्ॽ, सोलोमनरे़ कुम्बा दाउदरे़ चोगुबा हे़क्के आङ्गाॽ आसाम्योबा थिम्हाॽआङ् मे़न्इःत्तुन् मे़न्नाःत्तुन्॥
Piblisite