२ युहुन्‍ना 1:6 - लिम्‍बु

⁶ हे़क्‍क्‍याङ् निङ्‌वाॽफुमाङ्‌ङिन् मिःम्‍जि मे़प्‍मा फाॽइन् खुने़ॽ कुइङ्‌जाङ्‌हाॽ के़इःप्‍पा के़नाःप्‍पा पोङ्‌मारो॥ तगिआङ्‌धो खिनिॽ काक्‍ले़ के़घे़प्‍सुम्‍बा इङ्‌जाङ्‌ङिन् बा कन्‍लो—खिनिॽ लुङ्‌माॽ तुक्‍सिङ्‌मा पोङ्‌लो॥

२ युहुन्‍ना 1:6 Referans Kwoze

१ युहुन्‍ना 5:3

निङ्‌वाॽफुमाङ्‌ङिन् मिःम्‍जि मे़प्‍मा फाॽइङ्‌ग कुइङ्‌जाङ्‌हाॽ इःप्‍मा नाःप्‍मारो॥ हे़क्‍क्‍याङ् खुने़ॽ कुइङ्‌जाङ्‌हाॽ आनिॽ लागि मे़साक्‍ने़न्,

१ युहुन्‍ना 2:24

हे़क्‍केःल्‍ले़ नसानिबा के़बोःक्‍खिआङ्‌धोए के़घे़प्‍सुम्‍बा सुनाइङ्‌ङिन् खिनिॽ सिक्‍लुङ्‌मो नुरिक्‍काङ् युक्‍खे़म्‍मे़ॽओ॥ हे़क्‍केलॽरिक् के़युक्‍खुम्‍ने़ फाॽग्र सदादिङ् पानुदिङ् पाः निङ्‌वाॽफुमाङ्‌ङिन्‍नु हे़क्‍क्‍याङ् आबुगे़न् कुस्‍साःन्‍नु सोरिक् के़वयिॽरो॥

१ युहुन्‍ना 2:5

कर निङ्‌वाॽफु पाःन्‍जाक्‍किन् के़इःप्‍पा के़नाःप्‍पाल्‍ले़ निङ्‌वाॽफुमाङ्‌ङिन् से़क्‍खाए साॽरिक् मिःम्‍जि मे़त्तुॽरो॥ हे़क्‍केलॽरिक् आनिॽ निङ्‌वाॽफुमाङ्‌ङिन्‍नु आवाॽ के़लॽबान् आनिसुम्‍लो॥

युहुन्‍ना 15:10

पानुदिङ् आम्‍बारे़ कुइङ्‌जाङ्‌ङिन् इःत्तुङ् नाःत्तुङ्‌ङाङ् इङ्‌गाॽ कुमिःम्‍जिओ वाॽआबा कुइसिक् इङ्‌गाॽ आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आमिःम्‍जिओ के़वयिबा पोङ्‌लो॥

युहुन्‍ना 14:15

“इङ्‌गाॽ याप्‍मि मिःम्‍जि के़मे़त्तिॽने़ फाॽग्र आइङ्‌जाङ्‌हाॽ के़इःत्तुम् के़नाःत्तुम्‍लो॥

युहुन्‍ना 15:14

खिनिॽ पिनिङ्‌बा आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आन्‍जुम् के़बोक्‍खिरो॥

युहुन्‍ना 14:21

हाःत्‍ले़ इङ्‌गाॽ आइङ्‌जाङ्‌हाॽ खे़प्‍सुआङ् इःत्तु नाःत्तुॽ, इङ्‌गाॽ याप्‍मि लुङ्‌माॽ के़दुक्‍पे़ङ्‌ग बा खे़न्‍नेरो॥ हाःत्‍ले़ इङ्‌गाॽ लुङ्‌माॽ तुक्‍का खे़ङ्‌ग पानुदिङ् आम्‍बारे़ लुङ्‌माॽ तुक्‍तुॽ, हे़क्‍क्‍याङ् इङ्‌गाॽआङ् लुङ्‌माॽ तुक्‍तुङ्‌ङाङ् खे़ल्‍लो ओसेःन्‍धाक्‍सिङ्‌ङारो॥”

१ युहुन्‍ना 5:15

हे़क्‍क्‍याङ् खुने़ॽ आप्‍फाल्‍ले़साङ् आनाःक्‍तुम्‍बा पाःन्‍हाॽ खे़प्‍सुॽ के़लॽबान् कुसिङ् आनिःत्तुम्‍ने़ फाॽग्र खुने़ॽ आनाःक्‍तुम्‍बा पाःन्‍निन् आबिॽएरो फाॽआङ् कुसिङ् आनिःत्तुम्‍लो॥

२ युहुन्‍ना 1:5

हे़क्‍क्‍याङ् आल्‍ल, आमिःम् तुम्‍म्‍याङ्‌हाङ्‌माए, आनिॽ काक् लुङ्‌माॽ तुक्‍कासि फाॽआङ् इङ्‌गाॽ पेलि फाक्‍ने़ॽरो॥ कन् कुसङ् इङ्‌जाङ्‌ग साप्‍निङ्‌बा मेःन्‍लो, कर कङ्‌ग तगिआङ्‌धोए आनिॽनु वये़रो॥

साम्‌योथिम् इङ् 13:4

खिनिॽग यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुलाम्‍मो लाङ्‌घेगे़म्‍मे़ॽ, खुने़ॽनु किसे़म्‍मे़ॽ, खुने़ॽ कुइङ्‌जाङ्‌हाॽ इःत्ते़म् नाःत्ते़म्‍मे़ॽ, खुने़ॽ कुबाःन्‍जाक्‍हाॽ खे़प्‍से़म्‍मे़ॽ, खुने़ॽ कुसे़वा याःम्‍बक् चोगे़म्‍मे़ॽ हे़क्‍क्‍याङ् खुने़ॽओए खिम्‍मासिम्‍मे़ॽ॥

युहुन्‍ना 14:23

ये़सुरे़ नोगप् पिरु, “हाःत्‍ले़ इङ्‌गाॽ मिःम्‍जि मे़त्ता, खे़ल्‍ले़ग इङ्‌गाॽ आनिसाम्‍मिन् इःत्तु नाःत्तुॽरो॥ पानुदिङ् आम्‍बारे़ खे़न् मिःम्‍जि मे़त्तुॽ हे़क्‍क्‍याङ् आन्‍छिगे ताःसिगे़आङ् खे़न्‍नु वाॽसिगे़रो॥

१ युहुन्‍ना 2:7

आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥