१ तिमोथि 6:14 - लिम्बु14 आनिॽ दाङ्बा ये़सु ख्रिस्ते़न् याम्मो ओसेःन् मे़न्धाक्सिङ्ङे थारिक् के़घोसुबा खे़न् इङ्जाङ्ङिन् इःत्ते़ नाःत्ते़र सेसे नु आप्तिक् मेःन्ने कत्ते़ॽओ॥ Gade chapit la |
१ तिमोथि 6:14
28 Referans Kwoze
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
फुॽनुसाॽ नु ने़ॽनुसाॽसे, आनिॽ दाङ्बा ये़सु ख्रिस्तरे़ कुनुःङ्मा युमे़न् नु खुने़ॽओ आनिॽ काक् नसानिबा फुङ्सिङ्माल्ले़ कुयाःम्बेओ, दाङ्बारे़ कुयुःमे़न् पोःक्खे़ चुरे़ फाॽआङ् वेॽहाॽरे़ मे़बाःत्तुबा पाःन्निन् निङ्वाॽ इःप्माआङ् लुङ्माॽ सोःम्मा मेःन्लो लॽरिक् पेलि फाक्कासिगे़रो॥ हे़क्केलॽरिक् कुभारे़ग आनिगे़लाम्बा के़दाबा माङ्निङ्वाॽपान्, इङ्भन्, हे़क्क्याङ् साप्तुम्बे़बा सक्इङ्घङ्ङिल्ले़ कुबेन् पिर्बेःन् मे़इःत्तु मे़बाःत्तुरो॥
दाउदरे़ कुस्सा सोलोमने़न् अक्खेआङ् मे़त्तु, “के़धुम्बा नु हाङ्हाङ् के़लॽबा पोःक्खे़ॽ हे़क्क्याङ् कन् याःम्बक्किन् चोगे़ॽ॥ मे़गिसे़न्ने़ॽ हे़क्क्याङ् के़निङ्साङ् मे़बुगे़न्ने़ॽ, थेआङ्भे़ल्ले़ यहवे दाङ्बा निङ्वाॽफुमाङ्, आङ्गाॽ आनिङ्वाॽफुमाङ्ङिन् खे़ने़ॽनु वाॽ॥ यहवे दाङ्बे़ल्ले़ कुहिम्मोबा कुमाङ्सेवा याःम्बक्किल्ले़ लागि के़रे़क् चाहा के़जोःक्पा याःक्बक्हाॽ खे़ने़ॽ मे़न्जोक् मे़न्छुःत्ते थारिक् खुने़ॽ के़न्नाॽने़न् हे़क्क्याङ् लाप्पाङ् के़म्भुने़न्॥
Piblisite