काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
१ तिमोथि 6:12 - लिम्बु12 मे़न्नुप्मनाबा हिङ्मन्ले़न् थुम्घो खोमा फाॽआङ् नसाःन्ले़न् थङ्ङिन् नुरिक्काङ् थक्ते़ॽओ॥ यरिक् तोःन्दिहाॽ तगि खे़ने़ॽ नसाःन्निन् नुरिक्काङ् ते़न्दिङ् के़जोगुल्ले़ निङ्वाॽफुमाङ्ङिल्ले़ खे़न् मे़न्नुप्मनाबा हिङ्मन्निन् के़बिरे़आङ् के़वये़रो॥ Gade chapit la |
१ तिमोथि 6:12
39 Referans Kwoze
आस्सा तिमोथिए, कन् इङ्जाङ्ङिन् तगिनुसा के़याःम्बेओ माङ्निङ्वाॽपान् पोःक्खे़बा कुइसिक् कन् लक्पे़न्निन् खे़ने़ॽ पिने़रो॥ खे़ङ्हाॽ खे़ने़ॽ के़इःत्तुर के़नाःत्तुल्ले़ नुरिक्काङ् थङ् चोःक्मा हे़क्क्याङ् नो-नसान् नु सेसे खासिङ्ङिन् कप्मा के़सुक्तुॽरो॥ कुभा मनाहाॽरे़ कन् मे़नाॽरुआङ् खुनिॽ नसाःन्निन् मे़नुप्सुआङ् मे़वाॽरो॥
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
कन् माङ्से़वा याःम्बक्कोलाम् खिनिॽ आक्तङ्बा के़जोगिॽ के़लॽबान् वेॽहाॽ ओसेःन्गे़धाक्तुम्सिम्माङ् के़वयिॽरो॥ खिनिॽ ख्रिस्तरे़ कुसुनाइङ्ङिन् नसान् के़जोगुम्माङ् इङ्जाङ्गे़म्बा के़बोःक्खिबान्, हे़क्क्याङ् के़गत्तुम्बा पाःन्हाॽ खिनिॽ निङ्वाॽ के़हन्दुम्माङ् के़रे़क् के़हाःत्तुम्सिम्बान् मे़निसुबाल्ले़ चोगुल्ले़ मनाहाॽरे़ निङ्वाॽफुमाङ्ङिल्ले़ कुनारा मे़भोसुॽरो॥
आमिःम् आन्जुम्से, आनिॽ के़रे़क्ले़ आघोसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोङ्बा निसुङ्लो॥
Piblisite