१ तिमोथि 6:11 - लिम्बु11 कर खे़ने़ॽ, निङ्वाॽफुमाङ्ङिल्ले़ कुमनाए, कन् पाःन्हाॽलाम् लाःत्लाःत् वये़ॽओ, हे़क्क्याङ् साम्योबा, साप्चुवाबा, नसाःन्साबा, मिःम्जिसाबा, नासि के़धःप्पा, हे़क्क्याङ् चुङ्जिगे़न् नःम्माल्ले़ कुधिम् पोङ्मा तम्सिङ् चोगे़ॽओ॥ Gade chapit la |
१ तिमोथि 6:11
40 Referans Kwoze
हे़क्क्याङ् नुबा याःम्बक्को मिङ्सो इङ्धाङ् के़घोमा पोङ्मा पोङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुब् नुबा याःम्बक्को निङ्वाॽ के़बिमा पोङ्मा पोङ्लो॥
निङ्वाॽफुमाङ्ङिल्ले़ कुमना एलिसाःल्ले़ कुसे़वारोबा गेहजिन् कुनिङ्वाॽओ अक्खे लॽरे़, “आङ्गाॽ आन्दाङ्बे़ल्ले़ग कन् आरामि नामाने़ल्ले़ फे़त्तुबा हुक्वाहाॽ मे़न्दाःक्के पनुनुरिक् खे़न् पाङ्घुदेसु॥ से़क्खाए यहवे दाङ्बे़न् कुहिङ्वे़त् वाॽबा कुइसिक् आङ्गाॽ माङ्हे़क्कासिङ्ङाआङ् पाःत्तुङ्ॽ, आङ्गाॽ लोःक्का पेःक्काआङ् खुने़ॽ सिॽरुङ् हे़क्क्याङ् खुने़ॽलाम् कुभा हुक्वाहाॽ ताःक्तुङ्ॽ॥”
आङ्गाॽ खे़ङ्हाॽ माङ्हिम्मो यिग्दल्याहःल्ले़ कुस्सा माङ्निङ्वाॽपान् के़बाःप्पा हानानरे़ कुस्साहाॽरे़ खुन्छिॽ याक्फाङ्ङो तारुङ्सिङ्॥ खे़न् याक्फाङ्ङिन् सुहाङ्युक्पाहाॽरे़ खुन्छिॽ याक्फाङ्ङिल्ले़ कुबेसाङ् सल्लुमले़ कुस्सा लाम्धेत् के़गोबा मासेयाहःल्ले़ कुयाक्फाङ्ङिल्ले़ कुधुङ्धाङ् ने़स्से़॥
पानुदिङ् कुम्बा दाउदरे़ कुसाम्योथिम् कुइसिक् पत्छे़आङ् थिक्याःन्धक् चाहागे़जोःक्पा याःम्बक् कुइसिक् निङ्वाॽफुसाम्बा सुम्हाॽ माङ्से़वा चोःक्मा याःम्बक्ले़ लागि हे़क्क्याङ् ले़बिहाॽ निङ्वाॽफुमाङ्ङिल्ले़ कुनारा फोमा साम्लो साम्मे़प्मा नु निङ्वाॽफुसाम्बाहाॽरे़ खुन्छिॽ याःम्बक्को फाॽमासिरे़ लागि खुने़ॽ युक्तिङ् चोगुसि॥ लाम्धेत् के़गोबाहाॽ खुन्छिॽ सुम्सुम् कुइसिक् के़रे़क् यम्बा लाम्धेःत्तो ये़प्मारे़ लागि खुने़ॽ युक्तिङ् चोगुसि, थेआङ्भे़ल्ले़ निङ्वाॽफुमाङ्ङिल्ले़ कुमना दाउदरे़ चोगुबा कुइङ्जाङ्ङिन् अक्तङ्बाए वये़॥
योसियाह हाङ्ङिल्ले़ सेःन्दोसुसि, “आङ्गाॽ निसुङ्बा कन् निङ्वाॽसोक् इःत्ते़न् थे़माबे?” खे़न् ये़क्यक्कोबा मनाहाॽरे़ खुने़ॽ मे़मे़त्तु, “कङ्ग निङ्वाॽफुमाङ्ङिल्ले़ कुमनाःल्ले़ कुइपुङ् मिक्सेःन्लो, खुने़ॽ यहुदालाम् फे़रे़आङ् बेथेलबा ले़त्ति तोःम्मादे़न्निल्ले़ कुदक्ले़ङ्वाओ आदाङ्बारे़ के़जोगुबा के़रे़क् याःम्बक्हाॽ माङ्निङ्वाॽपान् पाःत्तुआङ् वये़॥”
खे़ब्याङ् हाङ्ङिल्ले़ सुम्सिगेक्पा थक्पेबान् खुने़ॽ ङाबोङ् कुमनाहाॽनु सोरिक् पाङ्घुदेसु॥ कन् सुम्सिगेक्पा थक्पेबान् एलियाओ थाःङ् थोःक्सिङ्ङाङ् पे, हे़क्क्याङ् खुने़ॽ कुदगि थुङ्बोॽहजॽ युङ्सिङ्ङाङ् खुने़ॽ पेलि फाक्तु, “निङ्वाॽफुमाङ्ङिल्ले़ कुमनाए, आङ्गाॽ नु आदाङ्बारे़ कन् के़से़वारोबाहाॽ लुङ्माॽ आदुक्ते़ॽओ!
खे़ब्याङ् खुने़ॽ थक्पेबाधिक् खे़ल्ले़ ङाबोङ् कुमना सुम्हाॽनु सोरिक् एलियाओ पाङ्घुदेसु॥ कोःक्माल्ले़ कुसम्धाङ् के़युङ्बार के़वाॽबा एलियाओ खे़न् थक्पेबान् थोःक्सिङ्ङाङ् थो पे, हे़क्क्याङ् खुने़ॽ एलियान् मे़त्तु, “निङ्वाॽफुमाङ्ङिल्ले़ कुमनाए, हाङ्ङिल्ले़ पाःत्तु, ‘खे़ने़ॽ यो थासिङ् ये़ॽओ!’”
निङ्वाॽफुमाङ्ङिल्ले़ कुमनान् इस्राइलबा हाङ् आहाबरे़ओ त्ये़आङ् खुने़ॽ मे़त्तु, “यहवे दाङ्बे़ल्ले़ अक्खे पाःत्तुॽ—‘यहवे दाङ्बे़ङ्ग कोःक्माहाॽओबा माङ्, ने़ने़बादे़न्नोबा माङ् मेःन् फाॽआङ् अरामिहाॽरे़ मे़इःत्तुॽ॥ कल्ले़चोगुल्ले़ आङ्गाॽ कन् आत्तातान्ने यरिक् थक्सुबाहाॽ खे़ने़ॽ के़हुक्को थासुङ्सिङ्ॽ, हे़क्क्याङ् आङ्गाॽए यहवे दाङ्बाआ फाॽआङ् खे़ने़ॽ निङ्वाॽ के़घोसुॽ॥’”
आल्ल खुने़ॽ लाम्दिःक्कोलाम् के़नुःक्पा के़भे़प्पा खे़न् माङ्निङ्वाॽपान् के़बाःप्पे़ल्ले़ कन् पाःन्निन् खे़प्सु, खे़ब्याङ् खुने़ॽ पाःत्तु, “खुने़ॽग यहवे दाङ्बे़ल्ले़ कुबाःन्जाक् खे़प्मा मे़न्दे़म्मनाबा निङ्वाॽफुमाङ्ङिल्ले़ हाबा खे़न् कुमनाःन्लो॥ यहवे दाङ्बे़ल्ले़ खुने़ॽ थे़रिङ्बे़न् पिरुरे़त्छ, हे़क्क्याङ् यहवे दाङ्बे़ल्ले़ कुबाःन्जाक्किल्ले़ साम्दिङ् पिरुबा कुइसिक् खे़न् थे़रिङ्बे़ल्ले़ खुने़ॽ फुयुआङ् से़रुरे़त्छ॥”
कर कुसे़वारोबे़ल्ले़ मे़त्तु, “खा, आनिङ्वाॽ सुम्लॽरे़, कन् पाङ्जुम्मो निङ्वाॽफुमाङ्ङिल्ले़ लत्छा कुमिङ् के़इङ्बा कुमनाधिक् वाॽ॥ खुने़ॽग कप्मोबा के़रे़क् मनाहाॽरे़ मिङ्सो इङ्धाङ् मे़बिरुॽ, थेआङ्भे़ल्ले़ खुने़ॽ पाःत्तुबा के़रे़क् पाःन्हाॽ के़त्॥ आन्छिॽ पित्छिआङ् खे़न्निन् कोःत्छु॥ आन्छिॽ आत्तिन् लाम् पोङ्माआङ् अदङ् कोःत्छे़ पेःक्माबोङ् के़लॽबा पाःन्निन् आमे़त्छिॽ॥”
खुने़ॽ कुएगाङ् कुएगाङ् कुधाःक्कोबा वेॽहाॽ—समायाह, अज्रेल, मिललै, गिललै, माऐ, नतनेल, यहुदा, हनानिन् नु कुन्जुम्हाॽ मे़धासिङ्॥ निङ्वाॽफुमाङ्ङिल्ले़ कुमना दाउद हाङ्ङिल्ले़ मे़त्तुसिबा हे़क्के खे़ङ्हाॽरे़ खुन्छिॽ हुक्को मुक्लाहाॽ मे़याङ्सिङ्ङाङ् मे़वये़॥ साम्योथिम्साम्बा ए़ज्रान् खे़ङ्हाॽरे़ खुनिॽ लाम्लोबा वये़॥
ले़बिहाॽ कुलुप् कुलुप् मे़हासिङ्ङाङ् मे़वये़॥ खे़न् लुप्पोबा लाम्लोबाहाॽ हसब्याह, सरेबियाह हे़क्क्याङ् कादमिएलरे़ कुस्सा येसुआ मे़वये़॥ निङ्वाॽफुमाङ्ङिल्ले़ कुमना दाउद हाङ्ङिल्ले़ पिरुसिबा इङ्जाङ् कुइसिक् ये़म्धिक्ले़ पाःल्लोबा मे़ज्ये़र ने़प्फु लुप्हाॽरे़ निङ्वाॽफुमाङ्ङिन् कुनारा मे़भोसु हे़क्क्याङ् नुगे़न् मे़बिरु॥
कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुरिक्काङ् कुसिङ् के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥
Piblisite