19 ने़त्छि इग्र सुम्सि मनाहाॽरे़ मे़बिरुबा तोःन्दिहाॽ खे़प्से़आङ्लक् तुम्लाम्लोबाहाॽ मे़धिक्तुसिबा आप्तिक्किन् ओमे़त्ते़ॽओ॥
कर खे़ने़ॽ के़बाःन्निन् मे़घे़प्सुन्ने़ फाॽग्र खे़ने़ॽनु वेॽ थिक्पा इग्र ने़प्फु तेॽरे़से़ॽआङ् याम्मो पेगे़ॽ, थेआङ्भे़ल्ले़ साम्योसाप्लाःल्ले़ पाःत्तुबा कुइसिक्, ‘ने़प्फु इग्र सुम्सि तोःन्दिहाॽरे़ खुनिॽ तगि के़रे़क् पाःन्हाॽरे़न् निःन्धो चोःक्मा पोङ्लो॥’
कुभारे़ कुआप्तिक् इग्र कुभे़न् याःम्बक्को लत्छारक् तोःन्दिल्ले़ पाःत्तुबा पाःन्नो हाःत्ताङ् साम्बान् मे़गुःत्ते़म्मिन्ने़ॽ॥ ने़त्छि इग्र सुम्सि तोःन्दिहाॽरे़ मे़बाःत्तुबा पाःन्नोलाम्बारक् आप्तिक्किन् निःन्धो चोःक्मा सुक्ते़त्॥
कङ्ग खिनिॽओ ताआबा सुम्सिगेक्पा ये़म् पोङ्लो॥ साम्योसाप्लाओ अक्खेलॽरिक् साप्ते़आङ् पत्, “ने़प्छि इग्र सुम्सिरे़ तोःन्दि मे़बिरुआङ्लक् काक् पाःन्हाॽ कुजे़क् पोङ्लो॥”
तुम्लाम्लोबाङ्ग फोत्या मेःन्नेबा नु थिक्लक् मेःत् के़गप्पा पोङ्मा पोङ्॥ हे़क्क्याङ् कुस्साहाॽआङ् खर्मे़न्दक् नु पान् मे़ङ्घे़म्मनाबा मेःन्, कर नसानिबा पोङ्माए पोङ्लो॥
से़प्मनाबा मनान् ने़त्छि इग्र सुम्सि के़निबा तोःन्दिओरक् से़रे़म्मे़ॽ॥ लत्छारक् के़निबा तोःन्दिओ आत्तिन्नाङ् मे़से़रे़म्मिन्ने़ॽ॥
मोसारे़ कुसाम्योथिम्मिन् के़नाॽबा मनान् ने़त्छि इग्र सुम्सिरे़ मे़बिरुबा पर्माङ्गि वाॽने़ फाॽग्र लुङ्माॽ तुक्सिङ्मा मेःन्ने सिमा पोङ्॥
“इङ्गाॽ खे़ङ्हाॽ ‘आप्तिक्साबाहाॽरे़ खुने़ॽ मे़गुःत्तुबा आप्तिक्ले़ कुदक्ले़ङ्वाओ नाङ्सिङ्मा सुये़म् मे़म्बिए आप्तिक् के़गुःप्पाहाॽ खे़न् हुक्सुप्मा रोमि थिम् होप्लो’ लॽरिक् मे़त्तुङ्सिङ्लो॥
खिनिॽ साम्योथिम्मो ने़प्फु मनाहाॽरे़ थिक् पाःन्नो तङ्सिआङ् तोःन्दि पिसुने़ फाॽग्र खे़न् तोःन्दिन् से़क्खाए पोङ्लो लॽरिक् साप्ते़आङ् पत्लो॥
हे़क्केःल्ले़ खे़ङ्हाॽरे़ कुभाॽ याङ्ङिन् मे़भोक्खुआङ् बरनाबास नु सावलरे़ खुन्छिॽ हुक्लाम् खे़न् फाॽयाङ्ङिन् यहुदियासमा सेसेहुप्लक्कोबा तुम्लाम्लोबाहाॽ मे़हाक्तुसिरो॥
हे़क्केःल्ले़ सुहाङ्गे़म्बा पिलातसरे़ लाःक्कात् लःन्दे़आङ् मे़त्तुसि, “कन् मनाःल्ले़ कुदक्ले़ङ्वाओ थे आप्तिक् के़दारुम्माङ् के़वयिॽबे?”
तुम्लाम्लोबाहाॽरे़ के़सम्दाङ् खुनिॽ हुक् मे़ने़स्सुल्ले़ माङ्निङ्वाॽपान्लाम् के़घोसुबा याम्साम्गे़न् पर्धाःम्मिन् हने़बा मे़इःत्ते़न्ने़ॽओ॥
हे़क्क्याङ् नुबा याःम्बक् के़जोःक्पा, कुनो-कुबिॽओ सुनाइङ् इङ्भोमा नु पेलिगे़न् पाःन्जाक् हुॽमाओ साॽरिक् याम्बुधिक् के़जोःक्पा तुम्लाम्लोबाहाॽ कुभाॽ नु मिङ्सो इङ्धाङ् खोमा लाॽरुसिरो॥