हाराॽ ख्रिस्तरे़ कुबाःन्जाक्किल्ले़ खिनिॽ सिक्लुङ्मान् तिम्माङ् वाॽररो॥ खिनिॽ बा कन् पाःन्जाक्किल्ले़ हुॽआसिम्मे़ॽ, हे़क्क्याङ् काक् सिक्कुम्दिङ् निङ्वाॽओ सुजा पिआसिम्मे़ॽओ॥ हे़क्क्याङ् से़वा चोःक्मा साम्लोहाॽ, याम्साम्गे़न् साम्लोहाॽ नु सेसेमाङ्लाम् के़दाबा साम्लोहाॽ साम्गे़मे़त्तुम्मिल्ले़ खिनिॽ सिक्लुङ्मोनुए निङ्वाॽफुमाङ्ङिन् नोगे़न् पिरे़म्मे़ॽओ॥
१ तिमोथि 4:6 - लिम्बु6 कन् पाःन्हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्क्याङ् के़नाःत्तु के़इःत्तुबा से़क्खा निसाम् नु नसाःन्गे़न् पाःन्जाक्को के़हुॽसिङ्ल के़धाङ्ने़ फाॽग्र खे़ने़ॽग ख्रिस्त ये़सुरे़ नुबा कुसे़वारोबा के़बोङ्लो॥ Gade chapit la |
१ तिमोथि 4:6
39 Referans Kwoze
कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुरिक्काङ् कुसिङ् के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥
खे़ने़ॽ आङ्गाॽनु के़बारे़रो हे़क्क्याङ् के़रे़क् के़बाःन्जाःक्किन् कुजानुरे़र खे़प्सुङ्लो॥ यहवे दाङ्बा मुक्साम्दाङ्बा निङ्वाॽफुमाङ्ङे, आङ्गाॽ खे़ने़ॽ के़मिङ् तक्तुङ्लो हे़क्क्याङ् के़बाःन्जाःक्हाॽरे़ चोगुल्ले़ आसिक्लुङ्मान् सःत्ते़रो खे़ब्याङ् आङ्गाॽ साॽरिक् आनिङ्वाॽ त्ये़रो॥
हे़क्केःल्ले़ आनिगे लुम्मो पोःक्खे़बा के़रे़क् पाःन्हाॽ कोःम्भो चोगुङ्ङाङ् वाॽआ हे़क्क्याङ् खे़ने़ॽ के़लागि साप्मा नुबा पोङ् के़लॽबान् इङ्गाॽआङ् इःत्तुङ्लो, हे़क्केःल्ले़ खे़ने़ॽ के़हुॽसिङ्बा काक् पाःन्हाॽ से़क्खाए लॽरिक् कुसिङ् के़निःत्तुर फाॽआङ् थे़प्पे़त् साप्तुङ् पिने़आङ् वाॽआरो॥
खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिमालिङ्धोओ के़राङ्लो॥
Piblisite