१ तिमोथि 4:3 - लिम्बु3 खे़ङ्हाॽरे़ग मेःक्खिम् चोःक्मा नु कुभा कुजा कुधि चामा थुङ्माआङ् मे़नुॽने़न् फाॽआङ् मनाहाॽ मे़हुॽरुसिरो, कर निङ्वाॽफुमाङ्ङिल्ले़ चामा फाॽआङ् चोगुबा चामा थुङ्माहाॽ नसाःन्साबा नु से़क्खा पान् के़निबाहाॽरे़ निङ्वाॽफुमाङ्ङिन् नोगे़न् पिमाआङ् चामा नुॽरो॥ Gade chapit la |
१ तिमोथि 4:3
30 Referans Kwoze
ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाङ् मे़बिरुबा पोङ्मा पोङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोङ्मा पोङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
थिक् ये़न्निन् वेॽसमा ये़न्नुःल्ले़आङ् के़ये़क्पा चोक् लॽरिक् के़इःप्पाल्ले़ दाङ्बान् इङ्धाङ् पिमारे़ लागि हे़क्के चोगुॽ॥ सा के़जाबाल्ले़ दाङ्बान् इङ्धाङ् पिमारे़ लागि हे़क्के चोगुॽ, थेआङ्भे़ल्ले़ खे़ल्ले़ निङ्वाॽफुमाङ्ङिन् नोगे़न् पिरुॽरो॥ सा मे़न्जाःम्नाबाल्ले़ दाङ्बान् इङ्धाङ् पिमारे़ लागि हे़क्के चोगुॽ, हे़क्क्याङ् खे़ल्ले़आङ् निङ्वाॽफुमाङ्ङिन् नोगे़न् पिरुॽरो॥
कर मेःक्खिम् के़जोगुॽने़ फाॽग्र लायो मे़बोङ्ने़ल्लो॥ हे़क्क्याङ् मेःक्खिम् मे़न्जोःक्के के़वाॽमाल्ले़आङ् मेःक्खिम् चोगुॽने़ फाॽग्र लायो मे़जोगुन्लो॥ कर मेःक्खिम् के़जोःक्पाहाॽरे़ कन् हिङ्मन्नो इनोगे़न् तुक्खेन् मे़दुमुॽरो॥ हे़क्क्याङ् इङ्गाॽग हे़क्तङ्बा तुक्खेओलाम्बा खिनिॽ ताङ्से़ःप्मानिङ् निङ्वाॽ चोगुङ्लो॥
वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न् कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मेःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥
कोःक्माओबा सिदुङ्जभा चोःक्मादे़न्नो खुने़ॽ चाजासे़ पेःक्मानुःल्ले़ तगिए पाङ्जुम्मो खे़न्छिॽ के़गे़त्छिर के़बत्छिल्ले़सा खुने़ॽ के़दुम्सुॽ॥ खुने़ॽ मे़ङ्गे़त्ते थारिक् मनाहाॽरे़ कुजा मे़न्जने़न्, थेआङ्भे़ल्ले़ खे़ॽयो के़जुम्बा मनाहाॽरे़ चामानुःल्ले़ तगि खुने़ॽ सिदुङ्जभाओ मुॽइसाम् थामा पोङ्॥ हे़क्क्याङ् खे़न्छिॽ खुने़ॽ आल्लोसा के़दुम्सुॽ॥”
Piblisite