१ तिमोथि 4:14 - लिम्‍बु

¹⁴ तुम्‍लाम्‍लोबाहाॽरे़ के़सम्‍दाङ् खुनिॽ हुक् मे़ने़स्‍सुल्‍ले़ माङ्‌निङ्‌वाॽपान्‍लाम् के़घोसुबा याम्‍साम्‍गे़न् पर्धाःम्‍मिन् हने़बा मे़इःत्ते़न्‍ने़ॽओ॥

१ तिमोथि 4:14 Referans Kwoze

२ तिमोथि 1:6

कन् नसाःन्‍निल्‍ले़ चोगुल्‍ले़ खे़ने़ॽ सम्‍दाङ् हुक् ने़स्‍सुङ् पिने़ल्‍ले़ निङ्‌वाॽफुमाङ्‌ङिल्‍ले़ के़बिरे़बा पर्धाःम्‍मिन् के़दिःप्‍पा मि कुइसिक् कत्ते़ॽओ फाॽआङ् मे़त्‍ने़ॽरो॥

१ तिमोथि 1:18

आस्‍सा तिमोथिए, कन् इङ्‌जाङ्‌ङिन् तगिनुसा के़याःम्‍बेओ माङ्‌निङ्‌वाॽपान् पोःक्‍खे़बा कुइसिक् कन् लक्‍पे़न्‍निन् खे़ने़ॽ पिने़रो॥ खे़ङ्‌हाॽ खे़ने़ॽ के़इःत्तुर के़नाःत्तुल्‍ले़ नुरिक्‍काङ् थङ् चोःक्‍मा हे़क्‍क्‍याङ् नो-नसान् नु सेसे खासिङ्‌ङिन् कप्‍मा के़सुक्‍तुॽरो॥ कुभा मनाहाॽरे़ कन् मे़नाॽरुआङ् खुनिॽ नसाःन्‍निन् मे़नुप्‍सुआङ् मे़वाॽरो॥

सेःक्‌युक्‍मिबाहाॽ 6:6

खे़ङ्‌हाॽरे़ सेःक्‌युक्‍मिबाहाॽरो मे़दारुसिरो॥ हे़क्‍क्‍याङ् सेःक्‌युक्‍मिबाहाॽरे़ खुनिॽ सम्‍दाङ् हुक् मे़ने़स्‍सु मे़बिरुसिर निङ्‌वाॽफुमाङ्‌ङिल्‍ले़ कुमुॽइसाम् मे़घोसुनि फाॽआङ् तुवा मे़जोगुरो॥

१ तिमोथि 5:22

माङ्‌से़वा याःम्‍बक्‍को लाम्‍लोबा सेःक्‌युक् चोःक्‍मारे़ लागि मनाहाॽ सम्‍दाङ् हुक् ने़मा याःम्‍बक्‍किन् हारा मे़जोगे़न्‍ने़ॽओ॥ हे़क्‍केलॽरिक् वेॽहाॽरे़ खुनिॽ लायोओ मे़न्‍धाए खे़ने़ॽग सेसेए वये़ॽओ॥

१ थिस्‍सलोनिकि 5:19

सेसेमाङ्‌ङिन् मे़अत्ते़म्‍मिन्‍ने़ॽओ॥

सेःक्‌युक्‍मिबाहाॽ 13:3

हे़क्‍केःल्‍ले़ याम्‍मो खे़ङ्‌हाॽरे़ चाने़त्तो मे़युङे़आङ् तुवा मे़जोगु, हे़क्‍क्‍याङ् खुनिॽ हुक्‍हाॽ बरनाबास नु पावलरे़ खुन्‍छिॽ सम्‍दाङ् मे़ने़स्‍सुआङ् तुवा मे़जोगु हे़क्‍क्‍याङ् मे़बाङ्‌घु मे़देसुसिरो॥

सेःक्‌युक्‍मिबाहाॽ 8:17

हे़क्‍क्‍याङ् पत्रुस नु युहुन्‍नारे़ खुन्‍छिॽ हुक्‍हाॽ सामरियासमा नसानिबाहाॽ सम्‍दाङ् ने़स्‍सु पिरे़त्‍छुआङ् खे़ङ्‌हाॽरे़ सेसेमाङ् मे़घोसुरो॥

सेःक्‌युक्‍मिबाहाॽ 19:6

पावलरे़ खुनिॽ सम्‍दाङ् हुक् ने़स्‍सु पिरुसिल्‍ले़ सेसेमाङ्‌ङिन् खुनिॽ सम्‍दाङ् थ्‍ये़आङ् खे़ङ्‌हाॽ वेॽ पाःन्‍दाङ्‌हाॽ नु माङ्‌निङ्‌वाॽपान् मे़बारे़रो॥

सेःक्‌युक्‍मिबाहाॽ 11:30

हे़क्‍केःल्‍ले़ खे़ङ्‌हाॽरे़ कुभाॽ याङ्‌ङिन् मे़भोक्‍खुआङ् बरनाबास नु सावलरे़ खुन्‍छिॽ हुक्‍लाम् खे़न् फाॽयाङ्‌ङिन् यहुदियासमा सेसेहुप्‍लक्‍कोबा तुम्‍लाम्‍लोबाहाॽ मे़हाक्‍तुसिरो॥

सेःक्‌युक्‍मिबाहाॽ 22:5

मानिङ्‌वाॽफुसाम्‍बा नु काक् ये़जुम्‍भोबा मनाहाॽरे़ कन् पाःन्‍निन् कुसिङ् मे़निःत्तुआङ् मे़वाॽरो॥ खे़ङ्‌हाॽलाम् इङ्‌गाॽ दमस्‍कसओ के़वाॽबा यहुदि फुॽनुसाॽहाॽरे़ खुनिॽ ते़म्‍मा युक् के़बिबा सक्‍इङ्‌घङ्‌हाॽआङ् खोसुङ्‌ङाङ् इङ्‌गाॽ खे़प्‍मो कन् ये़सु ख्रिस्‍ते़न् नसान् के़जोःक्‍पा मनाहाॽ यरुसले़म्‍मो ते़म्‍मा ताःप्‍मासिआङ् खुम्‍दिङ् पिमासि फाॽआङ् दमस्‍कसओ पेगाङ्‌लो॥

१ तिमोथि 4:15

खे़ने़ॽ कन् मुरा मे़त्‍ने़बा पाःन्‍हाॽ नुरिक्‍काङ् इःत्ते़ नाःत्ते़ॽआङ् चक्‍मे़ल्‍लॽए खे़प्‍मो पत्‍छे़ॽओ॥ हे़क्‍के के़जोगुल्‍ले़ वेॽ मनाहाॽरे़ खे़ने़ॽ के़जोगुबा थोबोःन् मे़निसुररो॥

१ तिमोथि 5:17

हे़क्‍क्‍याङ् नुबा याःम्‍बक् के़जोःक्‍पा, कुनो-कुबिॽओ सुनाइङ् इङ्‌भोमा नु पेलिगे़न् पाःन्‍जाक् हुॽमाओ साॽरिक् याम्‍बुधिक् के़जोःक्‍पा तुम्‍लाम्‍लोबाहाॽ कुभाॽ नु मिङ्‌सो इङ्‌धाङ् खोमा लाॽरुसिरो॥

१ तिमोथि 5:19

ने़त्‍छि इग्र सुम्‍सि मनाहाॽरे़ मे़बिरुबा तोःन्‍दिहाॽ खे़प्‍से़आङ्‌लक् तुम्‍लाम्‍लोबाहाॽ मे़धिक्‍तुसिबा आप्‍तिक्‍किन् ओमे़त्ते़ॽओ॥

१ तिमोथि 6:12

मे़न्‍नुप्‍मनाबा हिङ्‌मन्‍ले़न् थुम्‍घो खोमा फाॽआङ् नसाःन्‍ले़न् थङ्‌ङिन् नुरिक्‍काङ् थक्‍ते़ॽओ॥ यरिक् तोःन्‍दिहाॽ तगि खे़ने़ॽ नसाःन्‍निन् नुरिक्‍काङ् ते़न्‍दिङ् के़जोगुल्‍ले़ निङ्‌वाॽफुमाङ्‌ङिल्‍ले़ खे़न् मे़न्‍नुप्‍मनाबा हिङ्‌मन्‍निन् के़बिरे़आङ् के़वये़रो॥