१ तिमोथि 4:13 - लिम्‍बु

¹³ इङ्‌गाॽ मे़न्‍दाए थारिक् सेसेहुप्‍लक्‍को साम्‌योसाप्‍ला निःप्‍मो, सुनाइङ् इङ्‌भोमाओ नु निसाम् हुॽमा याःम्‍बक्‍को निङ्‌वाॽ पिरे़ॽओ॥

१ तिमोथि 4:13 Referans Kwoze

सेःक्‌युक्‍मिबाहाॽ 6:4

चक्‍मे़ल्‍लॽए तुवा चोःक्‍मा नु निङ्‌वाॽफु पाःन्‍जाक्‍किन् इङ्‌भन्‌ चोःक्‍माओ नु हुॽमाओ ये़म् पिरुम्‍बे़ॽरो॥”

तितस 2:15

काक् युक्‍नु कन् पाःन्‍हाॽ हुॽरे़से़ॽ, हाङ्‌हाङ् मे़त्ते़से़ॽ, हे़क्‍क्‍याङ् फे़ःक्‍ते़से़ॽ॥ हे़क्‍केलॽरिक् आत्तिन्‍हाॽरे़आङ् खे़ने़ॽ कुनामे़न्‍छाॽ के़मे़न्‍मे़त्‍ने़न्‍लरो॥

२ तिमोथि 4:2

सुनाइङ् इङ्‌भोसे़ॽ॥ आप्‍फाल्‍ले़साङ् सुनाइङ् से़मा खे़ने़ॽग यारिप् पोःक्‍खे़आङ् वये़ॽओ॥ निङ्‌वाॽ हाङ्‌गे़म्‍सिङ्‌ल निसाम्‍नु मनाहाॽ नुरिक्‍काङ् खाहुन् पिरे़से़ॽ, फे़ःक्‍ते़से़ॽ, हे़क्‍क्‍याङ् हाङ्‌हाङ् मे़त्ते़से़ॽओ॥

१ तिमोथि 4:16

हे़क्‍क्‍याङ् खे़ने़ॽ आप्‍फेक् नु के़हुॽरुसिबा निसाम्‍मो सिङ्‌सिङ् लॽरे़ॽओ॥ चक्‍मे़ल्‍लॽए खे़प्‍मो पत्‍छे़ॽओ, थेआङ्‌भे़ल्‍ले़ हे़क्‍के के़जोगुने़ फाॽग्र खे़ने़ॽ आप्‍फेक् नु खे़ने़ॽ के़बान् के़घे़म्‍बाहाॽ ताङ्‌गे़से़ःप्‍तुसिॽरो॥

१ तिमोथि 4:6

कन् पाःन्‍हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्‍क्‍याङ् के़नाःत्तु के़इःत्तुबा से़क्‍खा निसाम् नु नसाःन्‍गे़न् पाःन्‍जाक्‍को के़हुॽसिङ्‌ल के़धाङ्‌ने़ फाॽग्र खे़ने़ॽग ख्रिस्‍त ये़सुरे़ नुबा कुसे़वारोबा के़बोङ्‌लो॥

सेःक्‌युक्‍मिबाहाॽ 17:11

बेरियासमा मनाहाॽग थिस्‍सलोनिकाबा मनाहाॽनुःल्‍ले़आङ् साॽरिक् खुनिॽ निङ्‌वाॽ के़हम्‍बा मे़जोगे़॥ खे़ङ्‌हाॽरे़ साॽरिक् नुःरिक्‍काङ् ये़सुरे़ कुयाःम्‍बेओ सुनाइङ् मे़घे़प्‍सुआङ् थिक्‌याःन्‍धक् पावलरे़ पाःत्तुबान् से़क्‍खाबि मेःम्‍बि फाॽआङ् साम्‌योसाप्‍लाओ मे़गोःत्तु मे़निरुरो॥

युहुन्‍ना 5:39

खिनिॽग साम्‌योसाप्‍लान् नुःरिक्‍काङ् के़निसुम्‍लो थेआङ्‌भे़ल्‍ले़ खे़प्‍मोलाम् मे़न्‍नुप्‍मनाबा हिङ्‌मन् खोसुम्‍बे़ फाॽआङ् निङ्‌वाॽ के़इःत्तुम्, कर खे़न् साम्‌योसाप्‍लाःल्‍ले़ए इङ्‌गाॽ आयाःम्‍बेओ तोःन्‍दि के़बिरिॽरो॥

यहोसु 1:8

साम्‌योथिम् इङ्‌जाङ्‌ङोबा कन् साप्‍पन्‍निन् खे़ने़ॽ के़म्‍ब्राओलाम् मे़माने़न्‍ल, कर ले़न्‍दिक् से़न्‍दिक् से़वा चोगे़ॽ हे़क्‍क्‍याङ् खे़प्‍मो साप्‍ते़आङ् के़बप्‍पा के़रे़क् पाःन्‍हाॽ सिङ्‌सिङ् ये़क्‌ये़क्‍काङ् इःत्ते़ ने़त्तुॽ, खम्‍भ्‍याङ् खे़ने़ॽ के़रे़क् के़लाम्‍मो थो के़बोःक्‍काङ् कुलिङ्‌दो के़गे़प्‍पा के़बोङ्‌ॽ॥

साम्‌योथिम् इङ् 17:19

खे़न् साम्‌योथिम्‍मोबा के़रे़क् पाःन्‍हाॽ नु कन् थिम्‍हाॽ सिङ्‌सिङ् ये़क्‌ये़क्‍काङ् इःप्‍मा नाःप्‍मारे़ लागि खे़न् साप्‍लाथःङ्‌मे़न् खुने़ॽ कत्तुर खम्‍भ्‍याङ् खुने़ॽ कुहिङ्‌हिङ् थारिक् आप्‍फाल्‍ले़साङ् निरुर, हे़क्‍केलॽरिक् खुने़ॽ यहवे दाङ्‌बा कुनिङ्‌वाॽफुमाङ्‌ङिन् किप्‍मा हुॽसिङ्‌ल॥

१ कोरन्‍थि 14:26

फुॽनुसाॽ नु ने़ॽनुसाॽसे, आल्‍ल इङ्‌गाॽ अक्‍खे पाःत्तुङ्‌लो॥ खिनिॽ सेसेहुप्‍लक्‍को के़जुप्‍सिल्‍ले़ लत्‍थिक्‍किल्‍ले़ साम्‍लो कत्तुॽ, वेॽसमाल्‍ले़ निसाम् कत्तुॽ, वेॽसमाल्‍ले़ निङ्‌वाॽफुमाङ्‌ङिल्‍ले़ पिरुबा ओसेःन्‍दाङ् पान् कत्तुॽ, वेॽसमाल्‍ले़ वेॽ पाःन्‍दाङ् कत्तुॽ हे़क्‍क्‍याङ् वेॽसमाल्‍ले़ वेॽ पाःन्‍दाङ्‌ङिन् पाःन्‍ले़ङ्‌मा पर्धाःम् कत्तुॽरो॥ कन् के़रे़क् पाःन्‍हाॽ सेसेहुप्‍लक्‍किल्‍ले़न् याम्‍साम्‍गे़न् थोबो चोःक्‍मा फाॽआङ् ओगप्‌ चोःक्‍मा पोङ्‌लो॥

१ कोरन्‍थि 14:3

कर माङ्‌निङ्‌वाॽपान् के़बाःप्‍पाल्‍ले़ग मे़न्‍छाम् याप्‍मिहाॽ के़धुम्‍बा चोःक्‍मा, हाङ्‌हाङ् मे़प्‍मा हे़क्‍क्‍याङ् सक्‍मा याक्‍मा याःम्‍बक् चोगुरो॥

१ कोरन्‍थि 14:6

आमिःम् फुॽनुसाॽ नु ने़ॽनुसाॽसे, इङ्‌गाॽ खिनिॽओ वेॽ पाःन्‍दाङ्‌ङो पाःत्तार ताआल्‍ले़ थे इन्‍धाःङ् के़घोसुम्‍बे? कर ओसेःन्‍दाङ् पाःन्, इग्र ने़हिनिङ्‌वाॽ पाःन्, इग्र माङ्‌निङ्‌वाॽपान् इग्र निसाम्‌रे़ पाःन्‍जाक्‍किन् तारुङ्‌ङिल्‍ले़ खिनिॽ लागि कुभाॽ पोङ्‌लो॥

रोमि 12:8

मनाहाॽ हाङ्‌हाङ् मे़प्‍मासि पर्धाःम् के़गप्‍पाल्‍ले़ हाराॽ हाङ्‌हाङ् मे़त्तुसिर, मनाहाॽ फाॽमा पर्धाःम् के़गप्‍पाल्‍ले़ हाराॽ कुनिङ्‌वाॽ हन्‍दुआङ् फाॽरुसिर, लाम्‍लोबा पोङ्‌मा पर्धाःम् के़गप्‍पाल्‍ले़ हाराॽ निङ्‌वाॽ पिरुआङ् मनाहाॽ लाम्‍लोसुसिर, मनाहाॽ लुङ्‌माॽ तुक्‍मा पर्धाःम् के़गप्‍पाल्‍ले़ हाराॽ पसःत्‍सःत्‍ल लुङ्‌माॽ तुक्‍तुसिररो॥

२ तिमोथि 3:15

खे़ने़ॽ के़जुःक्‍ते़आङ्‌धो नुरिक्‍काङ् सेसे साम्‌योसाप्‍ला के़ले़स्‍सुआङ् के़वाॽरो॥ बा कन् पाःन्‍हाॽओलाम् ख्रिस्‍त ये़सुन् नसान् चोःक्‍मा खोगे़दे़प्‍पा से़न्‍लप्‌रे़न् सिक्‍कुम्‍दिङ् निङ्‌वाॽइन् के़घोसुॽरो॥