१ तिमोथि 4:11 - लिम्‍बु

¹¹ कन् पाःन्‍हाॽरे़ कुयाःम्‍बेओ इङ्‌जाङ् पिरे़से़ॽआङ् हुॽरे़से़ॽओ॥

१ तिमोथि 4:11 Referans Kwoze

१ तिमोथि 6:2

नसानिबा दाङ्‌बा के़गप्‍पा से़वारोबाहाॽरे़ खुनिॽ दाङ्‌बाहाॽ हाराॽ इङ्‌धाङ् खोमा सुम्‍बोधाबा मे़जोक् फाॽआङ् मे़इःत्तुररो॥ खे़ङ्‌हाॽग नसाःन्‍नो खुनिॽ फुॽनुसाॽसिरो॥ खे़ल्‍ले़चोगुल्‍ले़ खे़ङ्‌हाॽरे़ग नुःरिक्‍काङ् खुनिॽ नसानिबा दाङ्‌बाहाॽरे़न् से़वा मे़जोगुररो, थेआङ्‌भे़ल्‍ले़ खुनिॽ याःम्‍बक्‍कोलाम् इन्‍धा के़घोबाहाॽग लुङ्‌माॽ तुक्‍सिङ्‌मनाबा नसानिबा फुॽनुसाॽसिएरो॥ कन् पाःन्‍हाॽ खे़ने़ॽ खे़न् से़वारोबाहाॽ हुॽमासि पोङ् हे़क्‍क्‍याङ् खे़न् पाःन्‍हाॽ चोक् पाङ्‌मासि पोङ्‌लो॥

१ तिमोथि 5:7

कन् पाःन्‍हाॽआङ् नुरिक्‍काङ् निसाम् पिरे़से़ॽओ॥ हे़क्‍केलॽरिक् खे़ङ्‌हाॽ आप्‍तिक् मेःन्‍ने मे़हिङ्‌ङाङ् मे़वाॽनिरो॥

तितस 2:15

काक् युक्‍नु कन् पाःन्‍हाॽ हुॽरे़से़ॽ, हाङ्‌हाङ् मे़त्ते़से़ॽ, हे़क्‍क्‍याङ् फे़ःक्‍ते़से़ॽ॥ हे़क्‍केलॽरिक् आत्तिन्‍हाॽरे़आङ् खे़ने़ॽ कुनामे़न्‍छाॽ के़मे़न्‍मे़त्‍ने़न्‍लरो॥

तितस 3:8

कन् पाःप्‍मनाबान् से़क्‍खाएरो॥ कन् पाःन्‍हाॽओ चक्‍मे़ल्‍लॽए पत्‍छे़ॽओ, हे़क्‍केलॽरिक् निङ्‌वाॽफुमाङ्‌ङिन् नसान् के़जोःक्‍पाहाॽरे़ सिङ्‌सिङ्‌ङाङ् नुबा याःम्‍बक् चोःक्‍मा पोङ्‌लो॥ कन् पाःन्‍हाॽग काक् मे़न्‍छाम्‍गे़न् याप्‍मिरे़ लागि नुबा नु कुभाॽ के़बिबा पाःन्‍लो॥

२ तिमोथि 4:2

सुनाइङ् इङ्‌भोसे़ॽ॥ आप्‍फाल्‍ले़साङ् सुनाइङ् से़मा खे़ने़ॽग यारिप् पोःक्‍खे़आङ् वये़ॽओ॥ निङ्‌वाॽ हाङ्‌गे़म्‍सिङ्‌ल निसाम्‍नु मनाहाॽ नुरिक्‍काङ् खाहुन् पिरे़से़ॽ, फे़ःक्‍ते़से़ॽ, हे़क्‍क्‍याङ् हाङ्‌हाङ् मे़त्ते़से़ॽओ॥