कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
१ तिमोथि 4:1 - लिम्बु1 आल्ल सेसेमाङ्ङिल्ले़ नुरिक्काङ् आनिॽ अक्खे आमे़त्ते़आङ् आवाॽरो, ताःन्दि के़दाबा ये़म्मो कुभा मनाहाॽरे़ नसाःन्निन् मे़ले़रुआङ् इङ्ले़क्केबा फे़न्साम्हाॽरे़ मे़हुॽरुसिबा निसाम्बुङ्ङिन् मे़इःत्तु मे़नाःत्तुॽरो॥ Gade chapit la |
१ तिमोथि 4:1
64 Referans Kwoze
इङ्गाॽ कन् पाःन्हाॽ मे़त्निङ्, थेआङ्भे़ल्ले़ निङ्वाॽफुमाङ् मेःन्नेबा कुभा मनाहाॽ स्वाःत्ताङ् खिनिॽ लुम्मो मे़लासे़आङ् मे़वाॽरो॥ तगिसा माङ्निङ्वाॽपान् के़बाःप्पाहाॽरे़ खे़न् हे़क्तङ्बा मनाहाॽरे़ खुम्दिङ् मे़घोसुॽ लॽरिक् मे़बाःत्तुआङ् मे़वये़रो॥ खे़ङ्हाॽरे़ निङ्वाॽफुमाङ्ङिल्ले़ लुङ्माॽ आदुक्पाल्ले़ चोगुल्ले़ के़रे़क् ताप्फे़ःम्बा याःम्बक् चोःक्मा आबिॽ लॽरिक् मे़बाःत्तुॽ, हे़क्क्याङ् आनिॽ थिक्लक् हाङ् के़जोःक्पा नु दाङ्बा ये़सु ख्रिस्ते़न् नसान् चोःक्मा मे़न्दे़न्ने़न्लो॥
कर आनिॽग निङ्वाॽफुमाङ्ङिल्ले़ कुमनासिरो॥ हाःत्ले़ निङ्वाॽफुमाङ्ङिन् कुसिङ्निःत्तुॽ, खे़ल्ले़ आनिॽ पाःन्निन् खे़प्सुॽ, कर आत्तिन् निङ्वाॽफुमाङ्ङिल्ले़न् मेःन्, खे़ल्ले़ आनिॽ पाःन्निन् मे़घे़प्सुन्लो॥ अक्खेलॽरिक् से़क्खा के़बाःप्पा सेसेमाङ्ङिन् नु इङ्ले़क् के़बाःप्पा साम्मिन् कुसिङ् आनिःत्तुम्लो॥
आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
आनिगे सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ से़वा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोम्नाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
हे़क्क्याङ् खे़न् इक्सादिङ् खाम्बेःक्मो लन् थाङ्ङाङ् काक् पिसाङ्बा के़रे़क् मे़न्छाम् सुवाङ्हाॽ—“गोग” नु “मागोग” मे़प्मनाबा मे़न्छाम् सुवाङ्हाॽ—इङ्ले़क्तुसिआङ् निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्मारे़ लागि सुप्सुसिरो॥ खे़ङ्हाॽग आत्तात्तान्ने ये़ःङ्घा कुइसिक् निःप्मा सुक्मे़न्दे़प्मनाबा मे़जोक्लो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
खे़ने़ॽओ याम्मो आप्फाल्ले़आङ् सेमि मे़ओःत्ने़न्लो, हे़क्क्याङ् सिसामेःत् नु नालिसाङ्ङिल्ले़ खुन्छिॽ इक्लाःन्नाङ् खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥ खे़ने़ॽ के़ले़ङ्हङ्बाहाॽग इक्सादिङ् खाम्बेःक्मो मुक्साम्साबा नु के़इङ्बा के़धुम्बाहाॽ मे़वये़, हे़क्क्याङ् खे़ने़ॽ फे़न्साम् मुन्धुम्लाम् इक्सादिङ् खाम्बेःक्मोबा काक् मे़न्छाम् सुवाङ्हाॽ इङ्गे़ले़क्तुसिरो॥
थिक्सिगेक्पा किप्मा के़घुबा थक्साःल्ले़ कुले़क्वा खे़न् किप्मा के़घुबा थक्साःल्ले़ निङ्वाॽ के़माबा याःम्बक्हाॽ चोःक्मा खोसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेक्पा किप्मा के़घुबा थक्साःल्ले़ कुमिङ्सो कुधाःङ्सोओ नावाइत्ला चोक् पाङ्घुसिरो॥
हे़क्क्याङ् कन् मिन्देॽलाम् मे़न्छिःम्ना वेॽ मनाहाॽ आबाङे मे़जोगुबा फे़न्याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःम्ना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न् नावाइत्लाहाॽ से़वा चोःक्मा मे़ल्ले़रुन्लो॥
सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुरिक्काङ् खे़प्से़म्मे़ॽआङ् कुसिङ् निःत्ते़म्मे़ॽओ! के़नाःम्बे़न् इङ्गाॽ चिङ्मनाबा मन्नाःन् पिरुङ्लो॥ हे़क्क्याङ् खे़न् फगे़लॽबा लुङ्धिक्काङ् पिरुङ्लो॥ खे़प्मो कुसङ् मिङ् साप्ते़आङ् पत्लो, खे़न् के़घोबाल्ले़रक् कुसिङ् निःत्तुॽरो॥’”
खे़प्मो एपिक्युरि नु स्तोकि सिक्साम्बाहाॽआङ् खुने़ॽनु पान् मे़धक्ते़रो॥ कुभा अक्खे मे़मे़त्छिङ्, “कन् अॽअबाल्ले़ थे़माःन् पाःत्तुबे?” वेॽहाॽरे़ अक्खे मे़मे़त्तु, “कल्ले़ग कुसङ् वेॽ साम्माङ्ज्याङ् नु माङ् पान् चे़क्खु पाःत्तुबा हे़क्के लॽरो॥” पावलरे़ ये़सुन् नु सिमे़न्लाम् याम्मो हिङ्मारे़ कुयाःम्बेओ इङ्भन् चोगुबाल्ले़ खे़ङ्हाॽरे़ अक्खे मे़बाःत्तुबारो॥
खे़न् काप्पोबा माङ्निङ्वाॽपान् के़बाःप्पे़ल्ले़ नुगप् पिरु, “आङ्गाॽआङ् खे़ने़ॽ हे़क्केए लत्छा माङ्निङ्वाॽपान् के़बाःप्पाआ॥ यहवे दाङ्बे़ल्ले़ कुबाःन्जाक्लाम् खे़ने़ॽ आङ्गाॽनु सोरिक् चासे़ थुङ्से़ आहिम्मो ताःप्मारे़ लागि माङ्लाइङ्बा थिक्ले़ आङ्गाॽ मे़त्ताङ्ङाङ् वाॽ॥” (कर खे़न् काप्पोबा मनाःल्ले़ खुने़ॽ मे़त्तुबा कन् पाःन्निन् इङ्ले़क् वये़॥)
खे़न् आनिगे वयिगे़बाओ त्ये़आङ् पावलरे़ कुभॽइःन् फाःक्खुआङ् आबाङे कुलाङ् कुहुक्को इघेःङ्सिङ्ल अक्खेलॽरिक् पाःत्तु, “सेसेमाङ्ङिल्ले़ अक्खे पाःत्तुॽ, ‘कन् फॽइ दाङ्बान् यरुसले़म्मो यहुदि लाम्लोबाहाॽरे़ मे़दे़म्सुआङ् अक्खेलॽरिक् इमे़घेःक्खु, हे़क्क्याङ् थिम्मे़न्दङ् सुवाङ्हाॽरे़ खुनिॽ हुक्को हुक्मे़सुप्तुॽ॥’”
Piblisite