१ तिमोथि 3:2 - लिम्‍बु

² खे़ल्‍ले़चोगुल्‍ले़ लाम्‍लोबा याःम्‍बक् के़जोःक्‍पाङ्‌ग आप्‍तिक् मेःन्‍नेबा, थिक्‍लक् मेःत् के़गप्‍पा, निङ्‌वाॽ हाङ्‌गे़गे़म्‍सिङ्‌बा, नुःरिक्‍काङ् खासिङ् के़निःप्‍पा, मिङ्‌सो इङ्‌धाङ्‌साबा, तरे के़दोबा नु मनाहाॽ हुॽमा के़सुक्‍पा पोङ्‌मा पोङ्‌लो॥

१ तिमोथि 3:2 Referans Kwoze

२ तिमोथि 2:24

दाङ्‌बाल्‍ले़ के़से़वारोबान् खेमा मे़नुॽने़न्‍लो॥ खुने़ॽग काक् मे़न्‍छाम् याप्‍मिहाॽ लुङ्‌माॽ के़दुक्‍पा, हुॽमा के़सुक्‍पा, हे़क्‍क्‍याङ् निङ्‌वाॽ हाङ्‌गे़गे़म्‍सिङ्‌बा पोङ्‌मा पोङ्‌लो॥

रोमि 12:13

निङ्‌वाॽफुमाङ्‌ङिल्‍ले़ सेसे कुमनाहाॽ खुनिॽ चायोःम्‍बोओ कुभाॽ पिरे़म्‍सिम्‍मे़ॽ, तरे तोसे़म्‍सिम्‍मे़ॽओ॥

१ तिमोथि 5:9

तङ्‌बे तुक्‍किप्‍पाङ्‌धो के़गे़प्‍मा मेमेदुमाहाॽरे़ खुनिॽ मिङ्‌हाॽरक् मेमेदुमा मिङ्‌स्राओ साप्‍ते़ॽओ॥ खे़ङ्‌हाॽग थिक्‍ले़ङ्‌रक् मेःक्‍खिम् के़बोङ्‌मा

१ पत्रुस 4:9

हे़क्‍क्‍याङ् कानाक्‍नाक् मे़ल्‍लॽए तरे तोःआसिम्‍मे़ॽओ॥

१ पत्रुस 5:8

खिनिॽ सिङ्‌सिङ् ये़क्‌ये़क् नु चाङ्‌जाङ् लॽरे़म्‍मे़ॽ! खिनिॽ निङ्‌मि माफे़न्‍साम्‍मिन् के़हुःक्‍पा खिरिङ्‌बान् कुइसिक् आत्तिन् खोसुङ्‌ङाङ् लरुङ्‌देसुङ् लॽरिक् कोःत्तुर ताक्‍कन्‍लो॥

हिब्रु 13:2

हिम्‍मो के़दाबाहाॽ तरे मे़न्‍दोसिङ्‌ङे मे़बाङ्‌घे़म्‍सिम्‍मे़न्‍ने़ॽओ॥ कुभारे़ हे़क्‍के मे़जोगुल्‍ले़ निङ्‌वाॽ मे़ङ्‌घोए माङ्‌लाइङ्‌बाहाॽ तरे मे़दोसुसिआङ् वाॽरो॥

तितस 2:2

खदाक्‍मिहाॽग लुम्‍लुम्‍बा पोङ्‌मा, तुम्‍म्‍याहाङ् पोङ्‌मा लाॽरुसिबा, इङ्‌धाङ्‌साबा, निङ्‌वाॽ हाङ्‌गे़म्‍सिङ् के़जोःक्‍पा पोङ्‌मा, से़क्‍खाबा नसान् के़गप्‍पा, वेॽहाॽ लुङ्‌माॽ के़दुक्‍पा हे़क्‍क्‍याङ् नासि के़धःप्‍पा पोङ्‌मा पोङ् मे़त्ते़से़ॽओ॥

फिलिप्‍पि 2:15

हे़क्‍क्‍याङ् खिनिॽग सेसे नु फोत्‍या मेःन्‍नेबा निङ्‌वाॽफुमाङ्‌ङिल्‍ले़ कुस्‍सा के़बोःक्‍खिॽ, हे़क्‍क्‍याङ् कन् इक्‍साबा ताक्‍के़भे़ॽबा नु लायोबा मनाहाॽनु के़वयिल्‍ले़ खामाक्‍लुम्‍मो के़ओःप्‍पा ओःत्तिहाॽ कुइसिक् खे़ङ्‌हाॽ लुम्‍मो के़ओःत्तिॽरो॥

१ पत्रुस 4:7

काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥

हिब्रु 3:14

आनिॽ तगि नसान् आजोगुम्‍बा ये़म्‍मो खुने़ॽ ताःक्‍पो आजोगुम्‍बा कुइसिक् कुनुप्‍मो थारिक् नसाःन्‍साबा आबोङ्‌ने़ फाॽग्र ख्रिस्‍ते़न्‍नु लक्‍के़घोबा आबोःक्‍खे़आङ् आवाॽरो॥

१ तिमोथि 4:3

खे़ङ्‌हाॽरे़ग मेःक्‍खिम् चोःक्‍मा नु कुभा कुजा कुधि चामा थुङ्‌माआङ् मे़नुॽने़न् फाॽआङ् मनाहाॽ मे़हुॽरुसिरो, कर निङ्‌वाॽफुमाङ्‌ङिल्‍ले़ चामा फाॽआङ् चोगुबा चामा थुङ्‌माहाॽ नसाःन्‍साबा नु से़क्‍खा पान् के़निबाहाॽरे़ निङ्‌वाॽफुमाङ्‌ङिन् नोगे़न् पिमाआङ् चामा नुॽरो॥

लुका 1:6

खे़ङ्‌हाॽ ने़प्‍माङ् निङ्‌वाॽफुमाङ्‌ङिल्‍ले़ कुनिमाओ साम्‌योबा वये़त्‍छिआङ् नुरिक्‍काङ् साम्‌योथिम् के़इःप्‍पा के़नाःप्‍पा नु यहवे दाङ्‌बाल्‍ले़ के़रे़क् कुइङ्‌जाङ् के़घे़म्‍बा वये़त्‍छिरो॥

यसैया 56:10

इस्राइलबा कम्‍ब्राङ्‌बाहाॽ मिक्‍फःम्‍बा मे़जोक्‍लो, खे़ङ्‌हाॽ के़रे़क् सिक्‍कुम् निङ्‌वाॽ मेःन्‍नेबा मे़जोक्‍लो॥ खे़ङ्‌हाॽ हमा मे़न्‍छुक्‍मनाबा के़बा कोःत्‍चो कुसिक् मे़लॽरो, हाबा ले़म्‍बे़त् ने़मा नु इम्‍मारक् खुन्‍छिॽ सिराॽधाङ्‌लो॥

लुका 2:36

हे़क्‍क्‍याङ् खे़प्‍मो आसेर सुवाङ्‌बा फनुए़लरे़ कुस्‍सा हन्‍ना मे़प्‍मनामा माङ्‌निङ्‌वाॽपान् के़बाःप्‍मा साम्‌योनिमा नु से़वारोमाधिक् वये़॥ खे़न् कुमेःक्‍खिम् पोःक्‍खे़आङ् नुसि (७) तङ्‌बे थारिक् कुये़म्‍बाःन्‍नु सोरिक् वये़त्‍छि हे़क्‍क्‍याङ् कुये़म्‍बाॽइन् मासिङ्‌ङाङ् मेमेदुमा पोःक्‍खे़आङ् वये़रो॥

१ तिमोथि 3:8

बा हे़क्‍केलॽरिक् सेसेहुप्‍लक्‍पा माङ्‌सेवारोबाहाॽग नो ये़प्‍ले़क्‍साबा नु निङ्‌वाॽइरे़ खोःप्‍तुसिबा पोङ्‌मा पोङ्‌लो॥ खे़ङ्‌हाॽ यरिक् थि के़धुङ्‌बा नु फे़न् लाम्‍मोलाम् याङ् के़धक्‍पा पोङ्‌मा मे़नुॽने़न्‍लो॥

१ तिमोथि 3:12

माङ्‌सेवारोबाङ्‌ग थिक्‍लक् मेःत् के़गप्‍पा, नुरिक्‍काङ् हिन्‍जाॽबित्‍छा नु हिम्‍सयङ् कम्‍ब्राङ् मे़प्‍मा के़सुक्‍पा पोङ्‌मा पोङ्‌लो॥

१ तिमोथि 5:10

हे़क्‍क्‍याङ् नुबा याःम्‍बक्‍को मिङ्‌सो इङ्‌धाङ् के़घोमा पोङ्‌मा पोङ्‌लो॥ खे़ङ्‌ग हिन्‍जाॽबित्‍छाहाॽ नुःरिक्‍काङ् कम्‍ब्राङ् के़मे़प्‍मा, लाम्‍दिःक्‍पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्‍मा, इनोगे़न् तुक्‍खेओ के़वाॽबाहाॽ कुभाॽ के़बिमा, हे़क्‍क्‍याङ् नुब् नुबा याःम्‍बक्‍को निङ्‌वाॽ के़बिमा पोङ्‌मा पोङ्‌लो॥

१ तिमोथि 5:22

माङ्‌से़वा याःम्‍बक्‍को लाम्‍लोबा सेःक्‌युक् चोःक्‍मारे़ लागि मनाहाॽ सम्‍दाङ् हुक् ने़मा याःम्‍बक्‍किन् हारा मे़जोगे़न्‍ने़ॽओ॥ हे़क्‍केलॽरिक् वेॽहाॽरे़ खुनिॽ लायोओ मे़न्‍धाए खे़ने़ॽग सेसेए वये़ॽओ॥