१ तिमोथि 3:15 - लिम्बु15 हे़क्केलॽरिक् इङ्गाॽ सुसाङ्ने़ फाॽग्र निङ्वाॽफुमाङ्ङिल्ले़ कुमनाहाॽनु आक्खेलॽरिक् वाॽमा पेःक्मा पोङ् फाॽआङ् खे़ने़ॽ कुसिङ् के़निःत्तुएरो॥ कुमनाहाॽग आजुनि निङ्वाॽफुमाङ्ङिल्ले़ कुसेसेहुप्लक्लो॥ खे़ङ्ग से़क्खाःल्ले़न् हाङ्सित्लाङ् नु ने़ःम्भोरो॥ Gade chapit la |
१ तिमोथि 3:15
55 Referans Kwoze
इस्राइलरे़ कुलागि यहवे दाङ्बे़ल्ले़ मोसान् इङ्जाङ् पिरुबा कुइसिक् खे़ने़ॽ खुने़ॽ कुइङ्जाङ्हाॽ नु कुधिम्हाॽ इःप्मा नाःप्मारे़ लागि सिङ्सिङ् ये़क्ये़क् के़लॽने़भग्र खे़ने़ॽ के़नुॽ के़दारो॥ के़धुम्बा नु हाङ्हाङ् के़लॽबा पोःक्खे़ॽ, मे़गिसे़न्ने़ॽ हे़क्क्याङ् कुनिङ्साङ् के़बुक्पा मे़बोःक्खे़न्ने़ॽ॥
हे़क्क्याङ् यहवे दाङ्बे़ल्ले़ अक्खे मे़त्ताङ्ङाङ् आङ्गाॽनु चोगुबा माङ्हुप्पिन् के़त्लरो—‘खे़ने़ॽ के़मुॽइदाङ्हाॽरे़ आक्खेलॽरिक् वाॽमा पोङ्ॽ फाॽआङ् निङ्वाॽ मे़इःत्तु हे़क्क्याङ् खे़ङ्हाॽरे़ खुन्छिॽ के़रे़क् सिक्लुङ्माॽ नु निङ्वाॽरे़ आङ्गाॽ आमिक्साओ नसाःन्साबा मे़बोङ्ङाङ् लाङ्मे़घेःक्ने़भग्र, इस्राइलबा हाङ्युक्नाओ युङ्मारे़ लागि खे़ने़ॽ आभे़ल्ले़आङ् मनामे़ःन्ने के़म्बोङ्ने़न्॥’
सेसेहुप्लक्कोबा लाम्लोबा मे़मे़त्तुसिबा याकुब, पत्रुस नु युहुन्नासिरे़ निङ्वाॽफुमाङ्ङिल्ले़ इङ्गाॽ चोगुङ्बा माङ्से़वाओ मुॽइसाम् थासुबा मे़निसुआङ् बरनाबासे़न् नु इङ्गाॽ मे़दाःक्ते़त्छिगे़रो॥ खे़ङ्हाॽ आन्छिगे थिम्मे़न्दङ् सुवाङ्हाॽओ सुनाइङ् इङ्भोसे़ पेःक्मा मे़दे़न्दे़ हे़क्क्याङ् खे़ङ्हाॽ यहुदिहाॽओ सुनाइङ् इङ्भोमा मे़दे़न्दे़रो॥
दाउदरे़ खुने़ॽ कुबेसाङ् के़ये़प्पा मनाहाॽ सेःन्दोसुसि, “कन् पलिस्तिःन् के़से़प्पा नु अक्तङ्बा कुनामे़न्छाॽ पाःन्निन् इस्राइललाम्बा के़घे़प्पा के़देबा मनाःल्ले़ आक्तङ्बा थुम्घो खोसुबे? कुहिङ्वे़त् निङ्वाॽफुमाङ्ङिल्ले़ कुधक्सुबाहाॽ कुनामे़न्छाॽ के़मे़प्पा कन् हर्दो मे़ङ्हे़क्मनाबा पलिस्तिःन् हाःप्पे?”
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
“आङ्गाॽ आहाङ्जुम् के़रे़क्पा मनाहाॽरे़ दानिए़लरे़ कुनिङ्वाॽफुमाङ्ङिन् मे़गिरुर हे़क्क्याङ् मिङ्सो इङ्धाङ् मे़बिरुर फाॽआङ् आङ्गाॽ कन् इङ्जाङ्ङिन् उवा चोगुङ्लो॥ “थेआङ्भे़ल्ले़ खुने़ॽग कुहिङ्वे़त् निङ्वाॽफुमाङ्लो, हे़क्क्याङ् खुने़ॽ सदादिङ् आभे़ल्ले़साङ् वाॽरो॥ खुने़ॽ कुहाङ्जुम्मिन् मे़मे़क्ने़न्लो खुने़ॽ कुहाङ्युक्किन् आभे़ल्ले़आङ् मे़नुप्ने़न्लो॥
कर खे़ङ्हाॽरे़ ‘यहवे दाङ्बे़ल्ले़ के़लिःप्पा कुगक्’ फाॽआङ् पेलिगे़न् पाःन्जाःन् आप्फाल्ले़आङ् ओगाप् मे़न्जोगुन्ल थेआङ्भे़ल्ले़ कुभारे़ खे़न् हे़क्के मे़जोगुने़भग्र आङ्गाॽ आइङ्घङ्ङिन् खे़ङ्हाॽरे़ खुन्छिॽ लागि से़क्खाए के़लिःप्पा कक् पोङ्ॽ॥ मनाहाॽरे़ कुहिङ्वे़त् निङ्वाॽफुमाङ्, मुक्साम्दाङ्बा यहवे दाङ्बे़ल्ले़ कुबाःन्जाक्किन् मे़इगुआङ् वाॽ॥
यर्मियाए, खे़प्से़ॽओ आइन् लत्छा लिमा सुक्मे़न्दे़प्मनाबा हाङ्यक् हे़क्तङ्बा के़धुम्बा चोःक्ने़आङ् वाॽरो खे़न् ये़क्यक्किङ्ग फे़न्जेॽ सित्लाङ् इग्र कासाःल्ले़न् लुङ्धाक् हे़क्तङ्बा चोक्लो यहुदाबा हाङ्हाॽ, सुहाङ्युक्पाहाॽ, निङ्वाॽफुसाम्बाहाॽ हे़क्क्याङ् मनाहाॽलुम्मो खे़ने़ॽ के़रे़क् लाजेःल्ले़ कुदक्ले़ङ्वाओ थधप् मे़ल्लॽए के़ये़प्लो॥
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
पोङ्मा सुक् खे़न् खाम्बाङ्ङो थङ् के़जोःक्पा थक्मोबे़ल्ले़ के़रे़क् कुबाःन्हाॽ यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़प्सुर, कुहिङ्वे़त् निङ्वाॽफुमाङ्ङिन् कुनामे़न्छाॽ मे़प्मारे़ लागि खे़न् खुने़ॽ कुन्दाङ्बा अस्सुरबा हाङ्ङिल्ले़ पाङ्घु फे़न्छुआङ् वये़, हे़क्क्याङ् यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् फे़ःक्तुर॥ कल्ले़चोगुल्ले़ के़हिङ्बाहाॽरे़ लागि आल्लसाङ् पेलिगे़न् तुवा तोःन्दे़ॽ॥”
Piblisite