१ तिमोथि 2:1 - लिम्‍बु

^1-2 हे़क्‍केःल्‍ले़, काक्‍नुःल्‍ले़ तगि, काक् मे़न्‍छाम् याप्‍मिहाॽरे़ खुनिॽ लागि हे़क्‍क्‍याङ् हाङ्‌हाॽ नु वेॽ युक्‍साबाहाॽरे़ खुनिॽ लागि निङ्‌वाॽफुमाङ्‌ङिल्‍लो पेलि, तुवाहाॽ, ये़क्‍पेलिगे़न् तुवाहाॽ नु हे़ना नोगे़न्‍हाॽ तोःम्‍मा फाॽआङ् इङ्‌गाॽ पेलि फाक्‍निङ्‌लो॥ हे़क्‍केलॽरिक् आनिॽ सनारुङ्‌ङो नु ये़म्‌ये़म्‌वा हिङ्‌मन्‍नो, हे़क्‍क्‍याङ् साम्‍निमो नु मिङ्‌सो इङ्‌धाङ्‌ङो हिङ्‌मा आसुक्‍लरो॥

१ तिमोथि 2:1 Referans Kwoze

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

याकुब 5:16

खे़ल्‍ले़चोगुल्‍ले़ खिनिॽ लायोहाॽ मे़त्तासिम्‍मे़ॽआङ् हिन्‍दे़म्‍मे़ॽओ, हे़क्‍क्‍याङ् दाङ्‌बाल्‍ले़ के़वेःन्‍दिर फाॽआङ् तुवा चोःक्‍का पिआसिम्‍मे़ॽओ॥ साम्‌योबा मनाःल्‍ले़ कुदुवान् मुक्‍साम्‍बा चोःक्‍काङ् यम्‍बा याःम्‍बक् चोगुॽरो॥

एफिसि 5:20

सदादिङ् काक् पाःन्‍हाॽरे़ लागि आनिॽ दाङ्‌बा ये़सु ख्रिस्‍तरे़ कुमिङ्‌ङो पानुदिङ् पाः निङ्‌वाॽफुमाङ्‌ङिन् नोगे़न् पिरे़म्‍मे़ॽ॥

२ तिमोथि 2:24

दाङ्‌बाल्‍ले़ के़से़वारोबान् खेमा मे़नुॽने़न्‍लो॥ खुने़ॽग काक् मे़न्‍छाम् याप्‍मिहाॽ लुङ्‌माॽ के़दुक्‍पा, हुॽमा के़सुक्‍पा, हे़क्‍क्‍याङ् निङ्‌वाॽ हाङ्‌गे़गे़म्‍सिङ्‌बा पोङ्‌मा पोङ्‌लो॥

१ तिमोथि 2:4

खुने़ॽग काक् मे़न्‍छाम् याप्‍मिहाॽरे़ से़क्‍खान् कुसिङ् मे़निःत्तुआङ् ताङ्‌मे़से़ःप्‍ल के़लॽबा निङ्‌वाॽ इःत्तुरो॥

फिलिप्‍पि 1:3

निङ्‌वाॽ इःत्‍निङ्‌बा ये़म् थप्‍मे इङ्‌गाॽ से़वा चोगुङ्‌बा निङ्‌वाॽफुमाङ्‌ङिन् नोगे़न् पिरुङ्‌लो,

हिब्रु 6:11

हे़क्‍क्‍याङ् खिनिॽ के़रे़क्‍ले़ निङ्‌साङ् के़जोगुम्‍बा पाःन्‍हाॽ से़क्‍खाए के़घोसुम्‍ल फाॽआङ् बा खे़न् याम्‍जाङ्‌वान् खिनिॽ हिङ्‌हिङ् थारिक् कत्ते़म्‍मे़ॽ के़लॽबा आनिगे निङ्‌वाॽ चोगुम्‍बे़ॽरो॥

तितस 3:2

हे़क्‍क्‍याङ् वेॽ आत्तिन् मनाहाॽरे़आङ् चे़ॽया पङ्‌मा मे़नुॽने़न्, खेमा थक्‍मा मे़नुॽने़न्, कर वेॽहाॽ लुङ्‌माॽ तुक्‍मासि पोङ् हे़क्‍क्‍याङ् काक् मनाहाॽनु नःम्‍नःम्‍माङ् वाॽमा पोङ् लॽरिक् खे़ङ्‌हाॽ मे़त्ते़से़ॽओ॥

तितस 2:11

के़रे़क् मे़न्‍छाम् याप्‍मिहाॽरे़ से़न्‍लप् मे़घोसुर फाॽआङ् निङ्‌वाॽफुमाङ्‌ङिल्‍ले़ कुलुङ्‌गुम्‍मिन् ओसेःन्‍धाक्‍तुसिआङ् वाॽरो॥

१ तिमोथि 5:5

कर खुने़ॽ कम्‍ब्राङ् के़मे़प्‍पा हाःत्ताङ् के़होःप्‍मा मेमेदुमाल्‍ले़ हाराॽ निङ्‌वाॽफुमाङ्‌ङिन्‍नु निङ्‌साङ् चोगुनि, हे़क्‍क्‍याङ् से़न्‍दिक् ले़न्‍दिक् चक्‍मे़ल्‍लॽए खुने़ॽलाम् कुभाॽ खोसुङ्‌नि फाॽआङ् तुवा चोगुररो॥

१ कोरन्‍थि 15:3

थेआङ्‌भे़ल्‍ले़ इङ्‌गाॽ खोसुङ्‌बा के़रे़क्‍नुःल्‍ले़ के़ये़क्‍पा पाःन्‍निन् खिनिॽ हुक्‍सुप्‍निङ्‌ङाङ् वाॽरो—साम्‌योसाप्‍लाःल्‍ले़ पाःत्तुबा कुइसिक् ख्रिस्‍ते़न् आनिॽ लायोन् ले़प्‍मि पिसे़ स्‍ये़,

सेःक्‌युक्‍मिबाहाॽ 17:30

पेबा ये़म्‍मो निङ्‌वाॽफुमाङ्‌ङिल्‍ले़ मे़न्‍छाम् याप्‍मिहाॽरे़ मे़न्‍नि मे़न्‍धाए फे़न् याःम्‍बक् मे़जोगुबाओ खुम्‍दिङ् मे़बिरुन्‍सिन्, कर आल्‍ल खे़ङ्‌हाॽ आत्तान् पिसाङ्‌साङ् मनाहाॽ फे़न् याःम्‍बक् कुधिम् हिङ्‌मन्‍लाम् मे़हिन्‍ल फाॽआङ् इङ्‌जाङ् पिरुसिआङ् वाॽरो॥

१ थिस्‍सलोनिकि 3:12

हे़क्‍क्‍याङ् आनिगे खिनिॽ लुङ्‌माॽ तुक्‍कासिगे़बा हे़क्‍केए हाराॽ दाङ्‌बाल्‍ले़ खिनिॽ लुङ्‌माॽ तुक्‍सिङ्‌मा हे़क्‍क्‍याङ् काक् मे़न्‍छाम् याप्‍मिहाॽ लुङ्‌माॽ के़दुक्‍पा के़बोङ्‌बार के़बेःक्‍पा के़जोगिररो॥

रोमि 6:17

कर खिनिॽ लायोल्‍ले़ कुयोःक्‍पा के़बोःक्‍खिआङ् के़वयिसाङ्, आल्‍ल खिनिॽ के़हुॽआसिबा निसाम्‍मिन् सिक्‍लुङ्‌मोनुए के़इःप्‍पा के़नाःप्‍पा के़बोःक्‍खिआङ् के़वयिबाओ निङ्‌वाॽफुमाङ्‌ङिन् नोगे़न्‍लो॥

रोमि 1:8

काक्‍नुःल्‍ले़ तगि खिनिॽ के़रे़क्‍ले़ लागि से़वा चोगुङ्‌बा निङ्‌वाॽफुमाङ्‌ङिन् ये़सु ख्रिस्‍तलाम्‍बा नोगे़न् पिरुङ्‌लो, थेआङ्‌भे़ल्‍ले़ निङ्‌वाॽफुमाङ्‌ङो के़वाॽबा खिनिॽ नसाःन्‍निल्‍ले़ कुयाःम्‍बेओबा इङ्‌घङ्‌ङिन् इक्‍सादिङ् खाम्‍बेःक्‍मो काक् पिसाङ् से़रे़आङ् वाॽरो॥

निङ्‌वाॽफु साम्‍लोसुम् 72:19

मिमिदिङ्‌गे़न् कुमिङ्‌ङिन् सदादिङ् थाःङ्‌धाःङ् पोङ्‌लरो, हे़क्‍क्‍याङ् काक् इक्‍सादिङ् खाम्‍बेःक्‍मान् कुमिमिदिङ्‌ङिल्‍ले़ कुधिम् पोङ्‌लरो॥ आमिन्! आमिन्!

२ कोरन्‍थि 8:6

हे़क्‍केःल्‍ले़ तितसरे़ए खिनिॽओ तगि हे़क्‍के चोःक्‍मा सुजा के़बिरिबाल्‍ले़ चोगुल्‍ले़ खे़न् नुबा याःम्‍बक्‍किन् चोःक्‍मा सुप्‍मारे़ लागि कुभाॽ के़बिरिर फाॽआङ् खुने़ॽ पेलि फाक्‍तुम्‍बे़रो॥

एफिसि 3:13

खे़ल्‍ले़चोगुल्‍ले़ खिनिॽ लागि इङ्‌गाॽ तुमुङ्‌बा इनोगे़न् तुक्‍खेन् के़निसुम्‍मिल्‍ले़ खिनिॽ निङ्‌साङ् मे़बुक्‍ने़न्‍ल कर खे़ङ्‌ग खिनिॽ इङ्‌धाङ् के़घोसुम्‍बा हे़क्‍के इःत्ते़म्‍मे़ॽओ फाॽआङ् पेलि फाक्‍निङ्‌लो॥

ए़ज्रा 6:10

खिनिॽ खे़न् चोगे़म्‍मे़ॽ हे़क्‍क्‍याङ् साङ्‌ग्राम्‍पेदाङ्‌बा निङ्‌वाॽफुमाङ्‌ङिल्‍ले़ ताःक्‍तुबा सिदुङ्‌जभाहाॽ खे़ङ्‌हाॽरे़ ओगाप् चोःक्‍मा मे़सुक्‍तुर हे़क्‍क्‍याङ् आङ्‌गाॽ नु आङ्‌गाॽ आस्‍साहाॽरे़ मुॽइसाम् खोमारे़ लागि पेलिगे़न् तुवा मे़जोगुर॥

यर्मिया 29:7

आङ्‌गाॽ आत्तिन् ये़क्‌यक्‍को खिनिॽ के़म्‍दे़म्‍सि के़म्‍देॽरिर चोःक्‍निङ्‌ङाङ् पाङ्‌निङ्, खे़प्‍मो सुक्‍खेवारे़ लागि याःम्‍बक् चोगे़म्‍मे़ॽ॥ खे़ल्‍ले़ लागि यहवे दाङ्‌बान् पेलि फाक्‍ते़म्‍मे़ॽ थेआङ्‌भे़ल्‍ले़ खे़प्‍मोबाहाॽ मे़नुॽ मे़दाने़भग्र खिनिॽआङ् के़नुरि के़दासिॽ॥”

एफिसि 6:18

के़रे़क् ये़म्‍हाॽओ के़रे़क् परिक्‍ले़न् तुवा नु ये़क्‍पेलिहाॽ सेसेमाङ्‌ङिल्‍ले़ लाम्‍गे़लोसिबा कुइसिक् तुवा चोगे़म्‍मे़ॽ॥ कन् पाःन्‍निन् निङ्‌वाॽ इःत्ते़म्‍मे़ॽर सिङ्‌सिङ् ये़क्‌ये़क्‍काङ् निङ्‌वाॽफुमाङ्‌ङिल्‍ले़ सेसे कुमनाहाॽरे़ लागि तुवा चोःक्‍मा पिमासि मे़ले़रे़म्‍मिन्‍ने़ॽओ॥

फिलिप्‍पि 4:6

आत्तिन् पाःन्‍नोआङ् निङ्‌साम्‍मो मे़ध्‍ये़म्‍मिन्‍ने़ॽओ, कर के़रे़क् पाःन्‍हाॽरे़ लागि निङ्‌वाॽफुमाङ्‌ङिन् नोगे़न् पिरे़म्‍मे़ॽर तुवा नु ये़क्‍पेलिलाम्‍बा निङ्‌वाॽफुमाङ्‌ङो खिनिॽ पेलिहाॽ तोःन्‍दे़म्‍मे़ॽओ॥