१ तिमोथि 1:7 - लिम्‍बु

⁷ खे़ङ्‌हाॽरे़ग साम्‌योथिम् के़हुॽबा पोङ्‌मा खुनिॽ सिराॽथाङ्, कर खे़ङ्‌हाॽरे़ निस्‍सेरो फाॽआङ् मे़बाःत्तुबा पाःन्‍सुत्‍लाहाॽ आबाङे थेआङ् कुसिङ् मे़न्‍निःत्तुन्‍लो॥

१ तिमोथि 1:7 Referans Kwoze

रोमि 1:22

खे़ङ्‌हाॽरे़ आनिगे सिक्‍कुम्‍साबा वयिगे़ मे़लॽसाङ् खे़ङ्‌हाॽग अदङ् मे़बोःक्‍खे़रो॥

२ पत्रुस 2:12

कर कन् मनाहाॽरे़ग कुसिङ् मे़न्‍निःत्तेबा पाःन्‍हाॽरे़ तक्‍ले़ङ्‌वाओ माङ् चे़ॽयापान् मे़बाःत्तुॽरो॥ खे़ङ्‌हाॽ ते़म्‍मासिआङ् से़प्‍मासि फाॽआङ् सिक्‍कुम् निङ्‌वाॽ मेःन्‍ने के़धाप्‍पा थक्‍साहाॽ कुइसिक् मे़जोक्‍लो॥ कन् इङ्‌ले़क्‍के सिक्‍साम्‍बाहाॽ खे़न् थक्‍साहाॽ कुइसिःक्‍के मे़मे़क्‍लो॥

१ तिमोथि 6:4

खे़ङ्‌ग आङ्‌दिङ् लॽमारे़ यम्‍बा ले़ङ्‌सिङ्‌ङाङ् वाॽ, हे़क्‍क्‍याङ् खे़ल्‍ले़ थेआङ् मे़ले़स्‍सुन्‍लो॥ कर कुबुङ्‌ना कुसम्‍बा पाःन्‍सुत्‍लाओ पाःन्‍थक्‍काङ् खे़माॽ चोगुरो॥ हे़क्‍क्‍याङ् खे़न् पाःन्‍निल्‍ले़ नाहे़म्‍मा, खे़माॽ, चाःत्‍थि पेःक्‍मा नु ताप्‍फे़ःम्‍बा चप्‍चिहाॽरक् तारुरो॥

गलाति 3:5

खिनिॽ साम्‌योथिम्‍मिन् के़इःत्तुम् के़नाःत्तुम्‍माङ् मेःन्, कर के़घे़प्‍सुम्‍बा सुनाइङ्‌ङिन् नसान् के़जोगुम्‍बाल्‍ले़ए निङ्‌वाॽफुमाङ्‌ङिल्‍ले़ खिनिॽ सेसेमाङ्‌ङिन् के़बिरि हे़क्‍क्‍याङ् खिनिॽ लुम्‍मो निङ्‌वाॽ के़माबा याःम्‍बक् चोगुबारो॥

२ तिमोथि 3:7

खे़न् मे़न्‍छुमाहाॽ आक्‍खे़न् मे़हुॽसिङ्‌साङ् आप्‍फाल्‍ले़आङ् से़क्‍खान् कुसिङ् निःप्‍मा मे़न्‍छुक्‍तुन्‍लो॥

गलाति 3:2

खिनिॽनु पाःन्‍धिक् कुसिङ् निःप्‍मा आनिङ्‌वाॽ वाॽ—साम्‌योथिम्‍मिन् के़इःत्तुम् के़नाःत्तुम्‍माङ् सेसेमाङ्‌ङिन् के़घोसुम्‍बाबि इ सुनाइङ् के़घे़प्‍सुम्‍माङ् नसान् के़जोगुम्‍बालाम् के़घोसुम्‍बाबि?

गलाति 4:21

खिनिॽ साम्‌योथिम्‍मिल्‍ले़ कुयुक्‍को वाॽमा निङ्‌वाॽ के़जोगुम्‍बि? खे़प्‍से़म्‍मे़ॽओ! साम्‌योथिम्‍मिल्‍ले़ पाःत्तुबा पाःन्‍निन् कुसिङ् के़निःत्तुम्‍माङ् के़वयिॽबि?

मत्ति 15:14

हे़क्‍केःल्‍ले़ खे़ङ्‌हाॽरे़ खुनिॽ पाःन्‍निन् मे़घे़प्‍से़म्‍मिन्‍ने़ॽओ॥ खे़ङ्‌हाॽग मिक्‍फःम्‍बा लाम्‍लोबासिरो॥ मिक्‍फःम्‍बाल्‍ले़ मिक्‍फःम्‍बे़न् लाम्‍लोसुने़ फाॽग्र ने़प्‍माङ् लुम्‍बाःत्तो के़ङ्‌सि लाःत्‍छिॽरो॥”

सेःक्‌युक्‍मिबाहाॽ 15:1

कुभा ये़म् एगाङ् यहुदियालाम् एन्‍तिओक्‍को कुभा यहुदि नसानिबाहाॽ मे़द्‌ये़आङ् नसानिबा फुॽनुसाॽहाॽ अक्‍खे मे़मे़त्तुसिर निसाम् मे़हुॽरुसि, “मोसारे़ साप्‍तुबा साम्‌योथिम् साप्‍लाओबा साक्‍थिम् कुइसिक् हर्दो के़न्‍हे़गुम्‍मिन्‍ने़ फाॽग्र से़न्‍लप् खोमा के़न्‍छुक्‍तुम्‍मिल्‍लो॥”

मत्ति 21:27

खे़ल्‍ले़चोगुल्‍ले़ खे़ङ्‌हाॽरे़ ये़सुन् मे़मे़त्तु, “आनिगे मे़निसुम्‍बे़न्‍लो॥” हे़क्‍केःल्‍ले़ ये़सुरे़ खे़ङ्‌हाॽ मे़त्तुसि, “हे़क्‍केने़ फाॽग्र थे़मा युक्‍किल्‍ले़ अक्‍तङ्‌बा याःम्‍बक्‍हाॽ चोगुङ् खे़न् इङ्‌गाॽआङ् मे़मे़त्‍निङ्‌ङिन्‍लो॥”

लुका 2:46

सुम् ये़न्‍नो ये़सुन् माङ्‌हिम्‍मो यहुदि सिक्‍साम्‍बाहाॽ खे़प्‍सुसिर पान् सेःन्‍दोसुसिर युङे़बा तुमे़त्‍छुरो॥

याकुब 3:1

आमिःम् फुॽनुसाॽ नु ने़ॽनुसाॽसे, खिनिॽ लुम्‍मो यरिक् सिक्‍साम्‍बा पोङ्‌मा मे़गोःत्ते़म्‍मिन्‍ने़ॽओ, थेआङ्‌भे़ल्‍ले़ आनिॽ सिक्‍साम्‍बाहाॽ वेॽहाॽनुःल्‍ले़ के़साक्‍पा खासे़न्‍नो आधाःॽ के़लॽबान् के़निसुम्‍लो॥