१ तिमोथि 1:3 - लिम्बु3 इङ्गाॽ मे़सेदोनिया थुम्मो पेगाङ्ङिल्ले़ खे़ने़ॽ पेलि फाक्ने़बा कुइसिक् खे़ने़ॽ एफिससओ ए याःक्ते़ॽओ॥ खे़प्मो कुभा मनाहाॽरे़ इङ्ले़क्पा निसाम् मे़हुॽरुसिर मे़याक्॥ खे़ङ्हाॽ हे़क्के चोःक्मा मे़बाङ्घे़से़न्ने़ॽओ॥ Gade chapit la |
१ तिमोथि 1:3
24 Referans Kwoze
हे़क्केसाङ् खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोङ्—खे़ने़ॽग इजेबेल मे़प्मनामा मे़न्छुमाॽइन् नासि के़धःत्तुआङ् के़वाॽरो॥ खे़ल्ले़ आबाङे निङ्वाॽफुमाङ्ङिल्ले़ माङ्निङ्वाॽपान् के़बाःप्माआ लॽरिक् मे़त्छिङ्लो॥ कर इङ्गाॽ आसे़वारोबाहाॽ याम्बोःप्मा याःम्बक् चोःक्मा नु नावाइत्लाहाॽओ तोःम्मनाबा चाहाॽ चामा हुॽरुसिआङ् इङ्ले़क्तुसि॥
हे़क्केसाङ् खे़ने़ॽ के़दक्ले़ङ्वाओ कुभा पान् पाःप्माए पोङ्लो—खिनिॽओ कुभारे़ग माङ्निङ्वाॽपान् के़बाःप्पा बालामरे़ कुनिसाम्मिन् मे़नाःत्तुआङ् मे़वाॽरो॥ उन्छोन् बालामरे़ग इस्राइलिहाॽ लायोओ मे़धार फाॽआङ् नावाइत्लाओ तोःम्मनाबा चा चामा नु याम्बोःप्मा याःम्बक् चोःक्मा बालाक हाङ्ङिन् हुॽरुआङ् वये़रो॥
आमिःम् फुॽनुसाॽ नु ने़ॽनुसाॽसे, ये़मे़न्दङ् के़दाःप्पाहाॽ मिक्चो मे़त्ते़म्सिम्मे़ॽ फाॽआङ् पेलि फाक्निङ्लो॥ खे़ङ्हाॽरे़ग खिनिॽ के़हुॽआसिबा से़क्खा पाःन्निल्ले़ कुदक्ले़ङ्वाओ इङ्ले़क्पा पाःन्निन् मे़हुॽरुसिआङ् मनाहाॽ खुनिॽ नसाःन्नो मे़घसुसिरो॥ अक्तङ्बा मनाहाॽनु माःङ्घाए वये़म्मे़ॽ,
थेआङ्भे़ल्ले़ खिनिॽओ मे़दाआङ् कुभारे़ग आनिगे इङ्भोसुम्बे़बा ये़सुन् नुःल्ले़आङ् वेॽसमा ये़सुन् इङ्मे़भोसुॽने़ फाॽग्र, इग्र के़घोसुम्बा सेसेमाङ्ङिन्नुःल्ले़आङ् वेॽसमान् के़घोसुम्ने़ फाॽग्र, इग्र याम्मो ते़न्दिङ् के़जोगुम्बा सुनाइङ्ङिन्नुःल्ले़आङ् वेॽसमा सुनाइङ्ङिन् के़दाःक्तुम्ने़ फाॽग्र खे़न् पाःन्हाॽ के़धरुम्माङ् ते़न्दिङ् के़जोगुम्लो॥
Piblisite