१ तिमोथि 1:17 - लिम्बु17 हे़क्क्याङ् मे़न्नुप्मनाबा हाङ्ङिन्, आजुनि नु आले़क्खा थिक्लक् निङ्वाॽफुमाङ्ङिन् मिङ्सो इङ्धाङ् नु मिमिदिङ् सदादिङ् पोङ्लरो॥ आमे़न्॥ Gade chapit la |
१ तिमोथि 1:17
48 Referans Kwoze
यहवे दाङ्बाए, पयम् यम्बा नु मुक्साम्मिन् आदाङ्बारे़न्नेरो, मिमिदिङ् नु हाङ्वा माङ्वान् आदाङ्बारे़न्नेरो, साङ्ग्राम्पेदाङ् नु इक्सादिङ् खाम्बेःक्मो के़वाॽबा के़रे़क् पाःन्हाॽ आदाङ्बारे़न्नेरो॥ हाङ्जुम्मिन्नाङ् आदाङ्बारे़न्नेरो, यहवे दाङ्बाए, के़रे़क् पाःन्हाॽ सम्धाङ् के़युङ्बा आदाङ्बा हाङ्ने़रो॥
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
थेआङ्भे़ल्ले़ इक्सादिङ् खाम्बेःक्माल्ले़ नावागे़न् चइःत् पोःक्खे़आङ्धोए निङ्वाॽफुमाङ्ङिल्ले़ निमे़न्दे़प्मनाबा कुसुम्बोःन्—मे़न्नुप्मनाबा कुमुक्साम् नु निङ्वाॽफुगे़न् नोस्रङ्ङिन्—नुरिक्काङ् निदे़त्ते़आङ् वाॽरो॥ खे़ङ्हाॽग नावागे़न् चइःत् पोःक्खे़बा पाःन्हाॽलाम्मे नुरिक्काङ् कुसिङ् निःत्ते़त्ते़आङ वाॽरो॥ हे़क्केःल्ले़ मे़न्छाम् याप्मिहाॽरे़ मे़न्निःम्ना लाम्सिङ्मा पान् थेआङ् होप्लो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
येसुअ, कादमिएल, बानि, हसबन्याह, सरेबियाह, होदियाह, सबन्याह हे़क्क्याङ् पतहियाह ले़बिहाॽरे़ मनाहाॽ मे़मे़त्तुसिरो— “ये़बे़म्मे़ॽआङ् खिनिॽ यहवे दाङ्बा निङ्वाॽफुमाङ्ङिन् कुनारा फोसे़म्मे़ॽओ! सदादिङ्ले़ लागि खुने़ॽ कुनारा फोसे़म्मे़ॽ! मनाहाॽरे़ मे़जोगुबा नाराफोमा याःम्बक्किल्ले़ खुने़ॽ पयम् यम्बा चोःक्पान् लाॽरु खे़म्दुबाग मेःन्लो, हे़क्केसाङ् के़रे़क्ले़ खुने़ॽ कुमिमिदिङ् इस्सेःङ्बा कुमिङ्ङिन् इङ्धाङ् पिरे़म्मे़ॽओ॥”
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
Piblisite