6 खे़ल्ले़चोगुल्ले़ वेॽ मनाहाॽ हे़क्के आनिॽ इप्सि मेःन्, कर सिङ्सिङ् ये़क्ये़क् नु निङ्वाॽ हाङ्गे़म्सिङ्माओ वाॽमा पोङ्लो॥
खे़ल्ले़चोगुल्ले़ माङ्से़वा चोःक्मा फाॽआङ् निङ्वाॽओ यारिप् पोःक्खे़म्मे़ॽ, हे़क्क्याङ् निङ्वाॽइन् योधो मे़म्मे़त्ते वये़म्मे़ॽओ॥ ये़सु ख्रिस्ते़न् नुःङ् युःल्ले़ के़घोसुम्बा लुङ्गुम्मिन् कुलिङ्दो के़त्ल निङ्साङ् चोगे़म्मे़ॽओ॥
खे़ल्ले़चोगुल्ले़ खिनिॽआङ् आप्फाल्ले़साङ् यारिप् पोःक्खे़म्मे़ॽओ, थेआङ्भे़ल्ले़ खिनिॽ दाङ्बान् आप्फाल्ले़ युबे के़लॽबान् खिनिॽ निङ्वाॽ के़ङ्गत्तुम्मिन्लो॥
खे़ङ्हाॽ फोःक्खुसिर अक्खे मे़त्तुसि, “थेआङ् के़इप्सिर के़ने़स्सिबाबे? पोगे़म्मे़ॽआङ् हङ्साॽमो मे़ध्ये़ॽइगे़न्ल फाॽआङ् तुवा चोगे़म्मे़ॽ॥”
खिनिॽ सिङ्सिङ् ये़क्ये़क् नु चाङ्जाङ् लॽरे़म्मे़ॽ! खिनिॽ निङ्मि माफे़न्साम्मिन् के़हुःक्पा खिरिङ्बान् कुइसिक् आत्तिन् खोसुङ्ङाङ् लरुङ्देसुङ् लॽरिक् कोःत्तुर ताक्कन्लो॥
दाङ्बाल्ले़ पाःत्तुॽ, “नुरिक्काङ् खे़प्से़म्मे़ॽओ! इङ्गाॽग के़घुःप्पा कुइसिक् स्वाःत्ताङ् ताआरो॥ हात् मे़न्इम्मे सिङ्सिङ् वाॽआङ् कुदेःत् चाङ्हाॽ खुने़ॽनु कत्तु खे़ङ्ग मुॽइसाबारो, थेआङ्भे़ल्ले़ खे़न् ले़क्चाबे़धिःक् लाङ्घेःक्माआङ् सिरिङ्ममो थामा मे़बोङ्ने़ल्लो॥”
खे़न् कुलुङ्गुम्लाम्बा कन् इक्सादिङ् खाम्बेःक्मो लायोबा हिङ्मन् नु इक्सादिङ्बा ये़म्निङ्वाॽ तादाबा पाःन्हाॽ ले़प्मादेःमा पोङ् फाॽआङ् आहुॽसिङ्ङाङ् कन् हिङ्मन्नो निङ्वाॽ हाङ्गे़म्सिङ्मा, कुदोःप्मा नु साम्योबा हिङ्मन्नो हिङ्मा फाॽआङ् ओःन्धाक् आजोःक्लो॥
थेआङ्भे़ल्ले़ ओःत्तिःल्ले़ थोॽरुबा काक् पाःन्हाॽ निधाःप्लो॥ खे़ल्ले़चोगुल्ले़ कुभारे़ अक्खे मे़बाःत्तुॽ, “के़इम्बासे, सोरे़म्मे़ॽ! सिमे़न्लाम् पोगे़म्मे़ॽ, हे़क्क्याङ् ख्रिस्तरे़ कुओःत्तिन् खिनिॽओ ओःत्लो॥”
हे़क्केःल्ले़ पोगे़ॽओ, सिमा के़जोःक्पाआङ् के़दाङ्बा के़याक्पा खिनिॽ नसाःन्निन् के़धुम्बा चोगे़म्मे़ॽओ, थेआङ्भे़ल्ले़ आनिङ्वाॽफुमाङ्ङिल्ले़ कुनिमाओ खिनिॽ याःम्बक्हाॽ कुलिङ्दो मे़ङ्गे़त्ते वाॽबान् इङ्गाॽ निसुङ्॥
काक् पाःन्हाॽरे़ कुनुप्मान् निःत्ताङ्ङे त्ये़आङ् वाॽरो॥ खे़ल्ले़चोगुल्ले़ खिनिॽ तुवा चोःक्मा के़सुक्तिर फाॽआङ् सेसे निङ्वाॽ नु चाङ्जाङ्ङाङ् वये़म्मे़ॽओ॥
खिनिॽ सिङ्सिङ् ये़क्ये़क् लॽरे़म्मे़ॽओ॥ नसाःन्नो मे़म्मुन्ने वये़म्मे़ॽओ॥ मे़ङ्गिःम्नाबा नु के़धुम्बा पोःक्खे़म्मे़ॽआङ्
हे़क्क्याङ् मे़न्छुमाहाॽरे़आङ् सिङ्सिङ्ङाङ् नुःरिक्काङ् चाङ्हाॽ मे़जाक्खुररो॥ हे़क्क्याङ् ओलिओलिबा थाःक् फमा, साम्म्याङ् नु वेॽ इमे़ल्लुङ्बा वाःत्ति, हे़क्क्याङ् इमे़ल्लुङ्बा चाङ्हाॽरे़ मे़न्जोःक्सिङ्ङिल्ल,
ले़म्सुवाबा पोङ्मे़ल्ले़ मुरुक् खारुक् मिक्युमा तारुरो, के़ले़म्बा मनान् साक्मे़न्जा वमे़न्धुङ् वाॽमा पोङ्लो॥
बा हे़क्केलॽरिक्के थाङ्बे़न्हाॽ निङ्वाॽ हाङ्गे़म्सिङ् के़जोःक्पा पोङ्मा पोङ् फाॽआङ् खाहुन् पिमासि पोङ्लो॥
खे़ल्ले़चोगुल्ले़ लाम्लोबा याःम्बक् के़जोःक्पाङ्ग आप्तिक् मेःन्नेबा, थिक्लक् मेःत् के़गप्पा, निङ्वाॽ हाङ्गे़गे़म्सिङ्बा, नुःरिक्काङ् खासिङ् के़निःप्पा, मिङ्सो इङ्धाङ्साबा, तरे के़दोबा नु मनाहाॽ हुॽमा के़सुक्पा पोङ्मा पोङ्लो॥
चक्मे़ल्लॽए निङ्वाॽफुमाङ्ङिन् नोगे़न् पिरे़म्मे़ॽर सिङ्सिङ् ये़क्ये़क्काङ् तुवा चोगे़म्मे़ॽओ॥
के़रे़क् ये़म्हाॽओ के़रे़क् परिक्ले़न् तुवा नु ये़क्पेलिहाॽ सेसेमाङ्ङिल्ले़ लाम्गे़लोसिबा कुइसिक् तुवा चोगे़म्मे़ॽ॥ कन् पाःन्निन् निङ्वाॽ इःत्ते़म्मे़ॽर सिङ्सिङ् ये़क्ये़क्काङ् निङ्वाॽफुमाङ्ङिल्ले़ सेसे कुमनाहाॽरे़ लागि तुवा चोःक्मा पिमासि मे़ले़रे़म्मिन्ने़ॽओ॥
के़रे़क् ये़म्मो आप्फाल्ले़साङ् कन् के़दाबा पाःन्नोलाम् खे़त्छिङ्मा पेःक्मा मुक्साम् के़घोसुम्ल हे़क्क्याङ् मे़न्छाम्साःल्ले़ कुदगि ये़प्मा के़सुक्पा के़बोःक्खिर फाॽआङ् सिङ्सिङ् लॽरे़म्मे़ॽर तुवा चोगे़म्मे़ॽओ॥”
हिम्दाङ्बाल्ले़ खुःन्द्रिक्पे़न् खुःन्छे़ ता के़लॽबा ये़म्मिन् निङ्वाॽ खोसुने़ फाॽग्र से़क्खासाङ् खुःप्मा मे़बाङ्घुन् के़लॽबा पाःन्निन् कुसिङ् निःत्ते़म्मे़ॽओ॥
खे़ल्ले़चोगुल्ले़ सिङ्सिङ् ये़क्ये़क्काङ् यारिप् वये़म्मे़ॽओ, थेआङ्भे़ल्ले़ इङ्गाॽ आयुमा ये़म्मिन् के़न्निसुम्मिन्लो॥”
हे़क्क्याङ् ते़न्धाम्गे़न् मेःक्खिम्ले़न् नालिसाङ्ङिन् सुःसे़आङ् हारा मे़द्ये़ने़न्निल्ले़ग खे़ङ्हाॽ इत्थोॽवा लोमा मे़हेःक्ते़आङ् मे़इप्से़रो॥
कर से़न्दिक् के़रे़क् मे़इप्से़आङ् मे़ने़स्से़ल्ले़ कुनिङ्मिन् त्ये़आङ् खे़न् मासि ले़प्मनाबाओ माले़ःन्दो याॽरिःम्बान् ले़प्तुधआङ् पेरो॥
वालाधा के़लोङ्बा थक्तुम्बे़ल्ले़ खुने़ॽ खे़प्मो तुमुआङ् मे़त्तु, “खे़ने़ॽ के़इम्माङ् थे के़जोःक्काङ् के़ने़बा? पोगे़ॽआङ् के़निङ्वाॽफुमाङ्ङिन् कुभाॽरे़ लागि पेलि फाक्ते़ॽ॥ खुने़ॽ आनिॽ लुङ्माॽ आदुक्काङ् आनिॽ हिङ्मे़न् से़ःप्तु आबिबि॥”
कर खे़ने़ॽग काक् परिक्पा वानाम्मो हाङ्हाङ् वये़ॽआङ् तुक्खेन् थरे़ॽ, सुनाइङ् से़ःस्से़ॽ, हे़क्क्याङ् खे़ने़ॽ माङ्से़वा चोःक्मा के़याःम्बक्किन् चोगे़ सुरे़ॽओ॥
माङ्सेवारोबाहाॽरे़ खुनिॽ मेःत्हाॽआङ् इङ्धाङ्सामा मे़बोङ्ल पोङ्, कर चे़ॽया के़बङ्मा पोङ्मा मे़नुॽने़न्लो॥ खे़ङ्हाॽग सिक् एःप्मा के़सुक्मा नु काक् पाःन्नो नसाःन्सामा पोङ्मा पोङ्लो॥
कर आनिॽग ले़न्दिक्ले़ कुमना आबोःक्खे़बाल्ले़ चोगुल्ले़ निङ्वाॽ हाङ्गे़म्सिङ्ङिआङ् साङ्बे से़ःप्चाङ् कुइसिक् नसान् नु मिःम्जिन् चाक्खुम्, हे़क्क्याङ् से़क्खाए से़न्लप् आघोसुम् के़लॽबा निङ्साङ्ङिन् ताङ्खुःक् कुइसिक् खुःक्खुम्,
खिनिॽ सुम्सुम् लॽमाङ्ग वेॽ के़रे़क्ले़ मे़निसुररो॥ दाङ्बाङ्ग निःत्ताङ्ङे वाॽरो॥
खिनिॽग सेनिङ्वाॽओ नुःक्खे़म्मे़ॽआङ् लायो चोःक्मा ले़रे़म्मे़ॽओ॥ खिनिॽओ कुभाग निङ्वाॽफुमाङ्ङिल्ले़ कुयाःम्बेओ थेआङ् मे़ल्ले़ःम्नाबाहाॽआङ् मे़वाॽरो॥ कङ्ग खिनिॽ सिरिङ् के़मयिर फाॽआङ् मे़त्निङ्बारो॥
हे़क्केःल्ले़ हे़क्तङ्बाहाॽनु सिङ्सिङ् लॽरे़म्मे़ॽओ! थेआङ्भे़ल्ले़ तङ्बे सुम्सि थारिक् ले़न्दिक् से़न्दिक् इङ्गाॽ मिक्वारे़ कुधिम् पोःक्खाङ्ल खे़ङ्हाॽरे़ मे़बाःत्तुबा पाःन्निन् मे़घे़प्से़म्मिन्ने़ॽ फाॽआङ् साम्दिङ् पिनिङ्ल वयाङ्लो॥
हे़क्क्याङ् दाङ्बान् नुःङ् ताःल्ले़, मे़न्इम्मे खुने़ॽ के़हाङ्बार के़युङ्बा से़वारोबाहाॽरे़ मुॽइसाम् मे़घोसुॽ, थेआङ्भे़ल्ले़ खे़ल्ले़ आबाङे यारिप् चोःक्सिङ्ङाङ् से़वारोबाहाॽ चामादे़न्नो युक्खुसिॽ हे़क्क्याङ् चामा थुङ्माहाॽ थाबु पिरुसिॽरो॥
खे़ल्ले़चोगुल्ले़, खिनिॽ मे़त्निङ्बा हे़क्केए के़रे़क् मनाहाॽ सिङ्सिङ् लॽरे़म्मे़ॽ फाॽआङ् मे़त्तुङ्सिङ्लो॥”
हे़क्क्याङ् खे़ङ्हाॽ अक्खे मे़त्तुसि, “इङ्गाॽग मिङ्वारे़ योःन्दाङ्ङाङ् सिमालिङ्धो थारिक् के़राङ्ङाङ् वाॽआरो॥ कप्मो चाङ्जाङ्ङाङ् युङे़म्मे़ॽर याप्मि चुम् आमे़त्ते़म्मे़ॽओ॥”
इस्राइलबा कम्ब्राङ्बाहाॽ मिक्फःम्बा मे़जोक्लो, खे़ङ्हाॽ के़रे़क् सिक्कुम् निङ्वाॽ मेःन्नेबा मे़जोक्लो॥ खे़ङ्हाॽ हमा मे़न्छुक्मनाबा के़बा कोःत्चो कुसिक् मे़लॽरो, हाबा ले़म्बे़त् ने़मा नु इम्मारक् खुन्छिॽ सिराॽधाङ्लो॥
कर मे़न्छुमाॽइन् चक्मे़ल्लॽए नसाःन्नो, वेॽहाॽ लुङ्माॽ तुक्मासिओ हे़क्क्याङ् सेसे हिङ्मन्नो वाॽने़ फाॽग्र सागप्मोलाम् ताङ्से़ःप्लो॥
खे़ङ्हाॽरे़ खुनिॽ लुम्मो उन्छोन् आनिॽआङ् याम् नु निङ्वाॽइल्ले़ चोःक्मा कोःत्तुबा लायोबा लाम्मो आवये़॥ खे़ङ्हाॽ हे़क्के आनिॽआङ् निङ्वाॽफुमाङ्ङिल्ले़ कुघासे़न्नो के़धाबा आबोःक्खे़आङ् आवये़रो॥
फुॽनुसाॽ नु ने़ॽनुसाॽसे, के़सिबा नसानिबाहाॽरे़ खुनिॽ याःम्बेओ थेआङ् मे़ल्ले़ मे़न्निए मे़वये़म्मिन्ने़ॽ के़लॽबा निङ्वाॽ चोगुम्बे़आङ् वाॽरो॥ हे़क्केलॽरिक् ये़सुओ निङ्साङ् के़होप्पा मनाहाॽ कुइसिक् मे़रिङ् मे़धक्ते़म्मिन्ने़ॽओ॥
खुने़ॽ आनिॽ ले़क्वा स्ये़रो, खे़ल्ले़चोगुल्ले़ दाङ्बान् युःल्ले़ आनिॽ चाङ्जाङ्ङाङ् आयुङ्साङ् आइम्माङ् आने़साङ् आनिॽ के़रे़क् खुने़ॽनुए हिङ्मा आसुक्लरो॥