१ थिस्‍सलोनिकि 5:13 - लिम्‍बु

¹³ हे़क्‍क्‍याङ् खे़ङ्‌हाॽरे़ खुनिॽ याःम्‍बक्‍किल्‍ले़ चोगुल्‍ले़ मिःम्‍जि मे़त्ते़म्‍सिम्‍मे़ॽआङ् साॽरिक्‍के इङ्‌धाङ् पिरे़म्‍सिम्‍मे़ॽओ॥ हे़क्‍क्‍याङ् खिनिॽ लुम्‍मो सनारुङ्‌नु वये़म्‍मे़ॽओ॥

१ थिस्‍सलोनिकि 5:13 Referans Kwoze

मर्कुस 9:50

युम्‍मिन् नुबा चोक्, कर युम्‍मिल्‍ले़ कुलिम्‍मे़न् माःने़ फाॽग्र आक्‍खेआङ् खे़न् के़लिम्‍बा के़जोगुम्‍बे? खिनिॽ हिङ्‌मन्‍नो युम्‍मिन् कत्ते़म्‍मे़ॽआङ् के़रे़क्‍नु सनारुङ्‌ङो वये़म्‍मे़ॽओ॥”

हिब्रु 12:14

काक् मनाहाॽनु सनारुङ्‌ङो वाॽमा नु सेसे पोङ्‌मा काक् परिक्‍ले़ तम्‍सिङ् चोगे़म्‍मे़ॽओ॥ सेसे मे़म्‍बोङ्‌ङेग आत्तिन् मनाःल्‍ले़आङ् यहवे दाङ्‌बान् मे़निसुन्‍लो॥

याकुब 3:18

सनारुङ् के़दाःप्‍पाहाॽरे़ याॽरिःम्‍बान् तेःम्‍नाबा कुइसिक् सनारुङ्‌ङिन् मे़देसुॽ, हे़क्‍क्‍याङ् यरिक् कुजा मे़सुप्‍सुबा कुइसिक् खे़ङ्‌हाॽरे़ यरिक् साम्‌योबा मनाहाॽ मे़सुप्‍सुसिॽरो॥

एफिसि 4:3

वेॽहाॽनु सनारुङ्‌ङो वये़म्‍मे़ॽआङ् सेसेमाङ्‌लाम् के़दाबा थिक्‍हुप्‍पो वाॽमा साॽरिक् कोःत्ते़म्‍मे़ॽओ॥ सेसेमाङ्‌लाम् के़दाबा थिक्‍हुप्‍पो वाॽमा फाॽआङ् काक् परिक्‍ले़ तम्‍सिङ् चोगे़म्‍मे़ॽर सनारुङ्‌ङो वये़म्‍मे़ॽओ॥

गलाति 5:22

कर सेसेमाङ्‌ङिल्‍ले़ लाम्‍लोसुसिबा मनाहाॽरे़ वेॽहाॽ लुङ्‌माॽ मे़दुक्‍तुसिॽ, खे़ङ्‌हाॽ मे़सःत्, सनारुङ्‌ङो मे़वाॽ, नासि मे़धःत्, खे़ङ्‌हाॽरे़ वेॽहाॽ नुरिक् मे़मे़त्तुसिॽ, खे़ङ्‌हाॽ नुबा याःम्‍बक् मे़जोक्, निङ्‌वाॽइरे़ खोःप्‍तुसिबा मे़जोक्,

२ कोरन्‍थि 13:11

आल्‍ल आमिःम् फुॽनुसाॽ नु ने़ॽनुसाॽसे, कुनुप्‍मो से़म्‍मुॽइ से़वारो॥ कुलिङ्‌दो के़प्‍मा निङ्‌वाॽ चोगे़म्‍मे़ॽ, आबाःन्‍निन् खे़प्‍से़म्‍मे़ॽ, निङ्‌वाॽओ थिक्‍हुप् पोःक्‍खे़म्‍मे़ॽ, सनारुङ्‌ङो वये़म्‍मे़ॽओ॥ हे़क्‍क्‍याङ् मिःम्‍जि नु सनारुङ् दाङ्‌बा निङ्‌वाॽफुमाङ्‌ङिन् खिनिॽनु वाॽरो॥

युहुन्‍ना 15:17

खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥”

निङ्‌वाॽफु साम्‍लोसुम् 133:1

ओमे़त्ते़म्‍मे़ॽओ, फुॽनुसाॽहाॽ थिक्‍हुप्‍पो तङ्‌माआङ् वाॽमाग चाॽरिक् नुबा चोक्‍लो, हे़क्‍क्‍याङ् कङ्‌ग साॽरिक् सिक्‍के़सम्‍बा पाःन्‍लो॥

२ तिमोथि 2:22

थाङ्‌बे़न् मे़न्‍छियाॽ लॽमालाम् के़दाबा फे़न् निङ्‌वाॽलाम् एःक् वये़ॽओ॥ हे़क्‍क्‍याङ् सेसे निङ्‌वाॽओलाम् दाङ्‌बान्‍नु तुवा के़जोःक्‍पा मनाहाॽनु साम्‌योनिमो, नसाःन्‍नो, मिःम्‍जिओ हे़क्‍क्‍याङ् सनारुङ्‌ङो वये़ॽओ॥

२ थिस्‍सलोनिकि 3:16

आल्‍ल सनारुङ् दाङ्‌बाल्‍ले़ काक् परिक्‍लाम् चक्‍मे़ल्‍लॽए सनारुङ् के़बिरिर॥ दाङ्‌बाङ्‌ग खिनिॽ के़रे़क्‍नु वाॽररो॥

कलस्‍सि 3:15

हाराॽ ख्रिस्‍तरे़ कुसनारुङ्‌ङिल्‍ले़ खिनिॽ सिक्‍लुङ्‌मान् युक्‍तुररो, थेआङ्‌भे़ल्‍ले़ सनारुङ्‌ङो वाॽमा फाॽआङ् खिनिॽग लत्‍थिक् नासिङ्‌गे़न् थक्‍को उःत्‍छिङ्‌मा के़घोसुम्‍माङ् के़वयिॽरो॥ खिनिॽ नोगे़न्‍साबा पोःक्‍खे़म्‍मे़ॽओ॥

गलाति 6:6

पाःन्‍जाक् के़हुॽसिङ्‌बाल्‍ले़ खुने़ॽ कत्तुबा काक् नुबा पाःन्‍हाॽ कुसिक्‍साम्‍बाहाॽनु हामा पोङ्‌लो॥

गलाति 4:14

आयाम् तुक्‍माल्‍ले़ तुक्‍खे के़ज्‍ये़ॽइसाङ् याप्‍मि के़न्‍जिःत्तिन्, याप्‍मि के़न्‍नाॽरिन्‍लो॥ खे़ल्‍ले़ कुले़क्‌वा माङ्‌लाइङ्‌बा इग्र ख्रिस्‍त ये़सुन् लाङ् के़दाःक्‍तुम्‍बा कुइसिक् याप्‍मि लाङ् के़दाःक्‍तिरो॥

मत्ति 10:40

“आत्तिल्‍ले़ खिनिॽ लाङ्‌गे़दाःक्‍तिॽ, खे़ल्‍ले़ इङ्‌गाॽआङ् लाम्‍दाःक्‍कारो, हे़क्‍क्‍याङ् आत्तिल्‍ले़ इङ्‌गाॽ लाङ्‌दाःक्‍का, खे़ल्‍ले़ इङ्‌गाॽ याप्‍मि के़बाङ्‌बे़न्‍नाङ् लाङ्‌दाःक्‍तुॽरो॥

तोलिङ्‌सोमु 45:24

खुने़ॽ कुम्‍भुॽ कुन्‍साॽहाॽ पाङ्‌घुदेसुसि, हे़क्‍क्‍याङ् मे़धासिङ्‌ङिल्‍ले़ कुम्‍भुॽ कुन्‍साॽसि मे़त्तुसि, “लाम्‍मो मे़ङ्‌घेए पेगे़म्‍मे़ॽओ॥”

१ थिस्‍सलोनिकि 5:14

कर फुॽनुसाॽ नु ने़ॽनुसाॽसे, ले़म्‍स्‍वाबाहाॽ याःम्‍बक् चोगे़म्‍मे़ॽ फाॽआङ् साम्‍दिङ् पिरे़म्‍सिम्‍मे़ॽ, किस्रुक्‍पाहाॽ हाङ्‌हाङ् मे़त्ते़म्‍सिम्‍मे़ॽ, कुभाॽ चाहाबा के़जोःक्‍पाहाॽ कुभाॽ पिरे़म्‍सिम्‍मे़ॽ हे़क्‍क्‍याङ् के़रे़क्‍नु निङ्‌वाॽ हाङ्‌गे़म्‍सिङ्‌माओ वये़म्‍मे़ॽ फाॽआङ् पेलि फाक्‍कासिगे़रो॥