१ थिस्‍सलोनिकि 5:11 - लिम्‍बु

¹¹ खे़ल्‍ले़चोगुल्‍ले़ आनिॽ हाङ्‌हाङ् मे़त्तासि, के़धुम्‍बा चोःक्‍कासिरो॥ से़क्‍खाःल्‍ले़ बा हे़क्‍केए के़जोगुम्‍ल के़वयिॽरो॥

१ थिस्‍सलोनिकि 5:11 Referans Kwoze

एफिसि 4:29

खिनिॽ ताप्‍फे़ःम्‍बा पान् पाःप्‍मा मे़नुॽने़न्, कर के़घे़म्‍बाहाॽरे़ कुभाॽ मे़घोसुर फाॽआङ् कुसुम्‍गे़दम्‍बा नु हाङ्‌हाङ् के़मे़प्‍पा पाःन्‍लक् पारे़म्‍मे़ॽ॥

हिब्रु 10:25

कुभा नसानिबाहाॽरे़ सोरिक् चुम्‍मा ये़प्‍ले़क् मे़ङ्‌गत्तुन्, कर आनिॽग सोरिक् चुम्‍मा ले़रुम् मेःन्‍लो॥ कर दाङ्‌बाल्‍ले़ कुयुमा ये़न्‍निन् निःत्ताङ् तार पप्‍पा खिनिॽ के़निसुम्‍बाल्‍ले़ चोगुल्‍ले़ आल्‍लसाङ् यरिक् हाङ्‌हाङ् मे़त्तासिॽरो॥

रोमि 15:2

आनिॽ के़रे़क्‍ले़ वेॽहाॽरे़ लागि नुबा चोःक्‍माआङ् खुनिॽ नसाःन्‍नो के़धुम्‍बा चोःक्‍मासि फाॽआङ् खुनिॽ निङ्‌वाॽ तामा पिमासि पोङ्‌लो॥

हिब्रु 3:13

“आइन्‍बा ये़न्” मे़प्‍नाबा पाःन्‍ने़न् वाॽर थारिक्, थिक्‍ले़ वेॽइन् खाहुन् पिआसिम्‍मे़ॽओ, हे़क्‍क्‍याङ् लायोल्‍ले़न् इङ्‌ले़क्‍किल्‍ले़ खिनिॽ आत्तिल्‍ले़ कुसिक्‍लुङ्‌मे़न्‍निन्‍नाङ् के़साःक्‍पा मे़बोङ्‌ने़ल्‍ल॥

१ थिस्‍सलोनिकि 4:18

कन् पाःन्‍हाॽलाम्‍बा हाङ्‌हाङ् मे़त्तासिम्‍मे़ॽओ॥

रोमि 14:19

खे़ल्‍ले़चोगुल्‍ले़ आत्तिन् पाःन्‍निल्‍ले़ सनारुङ् तारुॽ, हे़क्‍क्‍याङ् नसानिबा लुम्‍मो हाङ्‌हाङ् मे़त्‍छिङ्‌मा पान् चोगुॽ, बा खे़न्‍ने चोःक्‍मा साॽरिक् तम्‍सिङ् चोगुम्‍लो॥

१ कोरन्‍थि 14:12

खिनिॽआङ् सेसेमाङ्‌ङिल्‍ले़ कुबर्धाःम्‍हाॽ खोमा साॽरिक् खिनिॽ सिक् सम्‍बाल्‍ले़ चोगुल्‍ले़ सेसेहुप्‍लक्‍ले़न् थोबो के़बोङ्‌बा पर्धाःम्‍हाॽ ओगप्‌ चोःक्‍मा निङ्‌वाॽ चोगे़म्‍मे़ॽओ॥

एफिसि 4:12

हे़क्‍केलॽरिक् सेसेहुप्‍लक् ख्रिस्‍तरे़ कुधक्‍किन् थोबो पोङ्‌ल फाॽआङ् निङ्‌वाॽफुमाङ्‌ङिल्‍ले़ सेसे कुमनाहाॽ माङ्‌से़वा याःम्‍बक् चोःक्‍मारे़ लागि यारिप् मे़बोङ्‌लरो॥

यहुदा 1:20

कर आमिःम् आन्‍जुम्‍से, खिनिॽ सेसे नसाःन्‍नो के़धुम्‍बा पोःक्‍खे़म्‍मे़ॽआङ् सेसेमाङ्‌ङो तुवा चोगे़म्‍मे़ॽर वये़म्‍मे़ॽओ॥

एफिसि 4:16

खुने़ॽलाम्‍बाए नासिङ्‌गे़न् थक्‍कोबा के़रे़क् याम्‍लक्‍हाॽ चक्‍सिङ्‌ङाङ् आबाङे याःम्‍बक् चोगुर मिःम्‍जिःल्‍ले़ कुधिम् पोङ्‌ङाङ् के़धुम्‍बा पोङ्‌ल पेःक्‍लो॥

१ कोरन्‍थि 10:23

खिनिॽ कुभारे़ के़बाःत्तुम्, “के़रे़क् पाःन्‍हाॽ चोःक्‍मा नुॽ” कर के़रे़क्‍ले़ इन्‍धाःङ् आम्‍बिने़न्॥ “के़रे़क् पाःन्‍हाॽ चोःक्‍मा नुॽ” के़बाःत्तुम्, कर के़रे़क्‍ले़ग याःम्‍बक् आम्‍बिने़न्‍लो॥

२ पत्रुस 1:12

खे़ल्‍ले़चोगुल्‍ले़ खिनिॽ खे़न् काक् पाःन्‍हाॽ के़निसुम् के़ले़स्‍सुम्‍माङ् से़क्‍खाओ मे़म्‍मुन्‍ने के़वयिसाङ् सदादिङ् कन् पाःन्‍हाॽ खिनिॽ निङ्‌वाॽसुम्‍मो ताःप्‍मा पिमा इङ्‌गाॽ आप्‍फाल्‍ले़साङ् यारिप् वाॽआरो॥

२ कोरन्‍थि 12:19

आनिगे आल्‍ल थारिक् खिनिॽलाम्‍बा आबाङे से़ःप्‍पासिगे़र वयिगे़ फाॽआङ् मे़इःत्ते़म्‍मिन्‍ने़ॽओ॥ आनिगे़ग निङ्‌वाॽफुमाङ्‌ङिल्‍ले़ कुनिमाओ ख्रिस्‍तरे़ कुसे़वारोबा कुइसिक् पारिगे़र वयिगे़रो॥ आनिगे मिःम् चुम्‍से, आनिगे चोगुम्‍बे़बा काक् पाःन्‍हाॽ खिनिॽ के़धुम्‍बा के़बोःक्‍खिर फाॽआङ् चोगुम्‍बे़बारो॥

१ कोरन्‍थि 14:29

माङ्‌निङ्‌वाॽपान् के़बाःप्‍पाहाॽआङ् ने़प्‍फु इग्र सुम्‍सि मे़बाःत्‍ल, हे़क्‍क्‍याङ् वेॽहाॽरे़ खे़न् निङ्‌वाॽफुमाङ्‌लाम्‍बाबि मेःम्‍बि फाॽआङ् माङ्‌निङ्‌वाॽपान्‍निन् साॽमा पोङ्‌लो॥

रोमि 15:14

आमिःम् फुॽनुसाॽ नु ने़ॽनुसाॽसे, खिनिॽग वेॽहाॽ नुरिक् के़मे़प्‍पा के़बोःक्‍खिआङ् के़वयिॽ, हे़क्‍क्‍याङ् यरिक् ने़हिनिङ्‌वाॽ के़गप्‍पा के़बोःक्‍खिआङ् वेॽहाॽ हुॽमा के़सुक्‍पा के़बोःक्‍खिआङ् के़वयिॽ के़लॽबा पाःन्‍नो इङ्‌गाॽ निस्‍से पोःक्‍खाङ्‌ङाङ् वाॽआरो॥

१ तिमोथि 1:4

खे़ङ्‌हाॽ उनाहुरिबा खे़दाॽ नु केःम्‍ब केःम्‍बा मिङ्‌स्राहाॽ ले़प्‍मादेमा मे़त्ते़से़ॽओ॥ खे़ल्‍ले़ग पाःन्‍धङ्‌गे़न् खे़माॽरक् फोःक्‍खु, कर निङ्‌वाॽफुमाङ्‌ङिल्‍ले़ मनाहाॽ ताङ्‌से़ःप्‍मा कुयाःम्‍बक्‍को थेआङ् मे़जक्‍तुन्‍लो॥ खे़ङ्‌ग नसाःन्‍लाम्‍बारक् कुसिङ् निःत्ते़त्‍लो॥

१ थिस्‍सलोनिकि 4:10

से़क्‍खाःल्‍ले़, काक् मे़सेदोनिया थुम्‍मोबा नसानिबाहाॽनुआङ् बाहे़क्‍के के़जोगुम्‍ल के़वयिॽरो॥ हे़क्‍केःल्‍ले़ फुॽनुसाॽ नु ने़ॽनुसाॽसे, आल्‍लसाङ् यरिक् लुङ्‌माॽ तुक्‍ते़म्‍सिम्‍मे़ॽ फाॽआङ् पेलि फाक्‍कासिगे़रो॥

१ कोरन्‍थि 14:5

खिनिॽ के़रे़क् वेॽ पाःन्‍दाङ्‌ङो के़बाःरिबा आसिराॽ थाङ्‌लो, कर खे़न्‍नुःल्‍ले़आङ् माङ्‌निङ्‌वाॽपान् पारे़म्‍मे़ॽ के़लॽबा आनिङ्‌वाॽ वाॽरो॥ सेसेहुप्‍लक्‍ले़न् याम्‍साम्‍गे़न् थोबोरे़ लागि वेॽसमा पाःन्‍दाङ्‌ङिन् के़ले़ङ्‌बा मे़होःप्‍ने़ फाॽग्र वेॽसमा पाःन्‍दाङ्‌ङो पाःप्‍मानुःल्‍ले़ माङ्‌निङ्‌वाॽपान् पाःप्‍मान्‍ने यम्‍बारो॥