१ थिस्‍सलोनिकि 5:10 - लिम्‍बु

¹⁰ खुने़ॽ आनिॽ ले़क्‌वा स्‍ये़रो, खे़ल्‍ले़चोगुल्‍ले़ दाङ्‌बान् युःल्‍ले़ आनिॽ चाङ्‌जाङ्‌ङाङ् आयुङ्‌साङ् आइम्‍माङ् आने़साङ् आनिॽ के़रे़क् खुने़ॽनुए हिङ्‌मा आसुक्‍लरो॥

१ थिस्‍सलोनिकि 5:10 Referans Kwoze

१ पत्रुस 3:18

थेआङ्‌भे़ल्‍ले़ ख्रिस्‍तरे़आङ् निङ्‌वाॽफुमाङ्‌ङो ताःत्‍छे़ आनिॽ लायोहाॽ सदादिङ् ले़प्‍मि पिमा फाॽआङ् थिक्‍ले़ङ् स्‍ये़रो॥ साम्‌योबा ख्रिस्‍ते़न् लायोबारे़ कुले़क्‌वा स्‍ये़रो॥ खुने़ॽ नासिङ्‌गे़न् थक्‍को स्‍ये़, कर सेसेमाङ्‌ङोलाम् याम्‍मो हिङे़रो॥

एफिसि 5:2

ख्रिस्‍तरे़ आनिॽ लुङ्‌माॽ आदुक्‍ते़आङ् आनिॽ लागि स्‍ये़बा कुइसिक् खिनिॽआङ् लुङ्‌माॽ तुक्‍कासिम्‍मे़ॽओ॥ खुने़ॽए निङ्‌वाॽफुमाङ्‌ङो तोःम्‍मनाबा कुनाम् के़नुॽबा नु कुनिङ्‌वाॽ के़दाबा सिदुङ्‌जभा पोङ्‌से़ आबाङे पिसिङ्‌लो॥

रोमि 8:34

आनिॽ हाःत्‍ले़ पान् थिक्‍मा आसुक्‍पे? हाःत्‍ले़आङ् आन्‍छुक्‍ने़न्‍लो, थेआङ्‌भे़ल्‍ले़ ख्रिस्‍त ये़सुन् स्‍ये़आङ् आल्‍ल खुने़ॽग सिमे़न्‍लाम् कुहिङ्‌वे़त् पोःक्‍खे़, हे़क्‍क्‍याङ् खुने़ॽ निङ्‌वाॽफुमाङ्‌ङिल्‍ले़ कुजुप्‍साङ्‌ले़प्‍माङ् युङ्‌लो, हे़क्‍क्‍याङ् आनिॽ लागि पेलिगे़न् तुवाआङ् चोगुर युङ्‌लो॥

१ थिस्‍सलोनिकि 4:17

हे़क्‍क्‍याङ् आनिॽ इक्‍साओ कुहिङ्‌वे़त् के़वाॽबाहाॽआङ् दाङ्‌बाल्‍ले़ कुदुम्‍से़ ताङ्‌साक्‍पाओ थाःङ् आबङ् आदेॽआङ् खे़ङ्‌हाॽनु सोरिक् आभुङ्‌लो॥ हे़क्‍केलॽरिक् सदादिङ् दाङ्‌बान्‍नु आवाॽरो॥

२ कोरन्‍थि 5:21

थेआङ्‌भे़ल्‍ले़ आनिॽग ख्रिस्‍तलाम् निङ्‌वाॽफुमाङ्‌ङिल्‍ले़ कुनिमाओ साम्‌योबा आबोङ्‌ल फाॽआङ् निङ्‌वाॽफुमाङ्‌ङिल्‍ले़ लायो मे़न्‍जोःक्‍के के़वाॽबान् आनिॽ लागि लायो कुःत्तुरो॥

२ कोरन्‍थि 5:15

दाङ्‌बान् के़रे़क्‍ले़ लागि स्‍ये़रो, खे़ल्‍ले़चोगुल्‍ले़ के़हिङ्‌बाहाॽ आल्‍लआङ्‌धो आबाङे लागि मेःन्, कर दाङ्‌बाल्‍ले़ कुलागि मे़हिङ्‌लरो॥

१ पत्रुस 2:24

खुने़ॽ आनिॽ लायो लासोःत्तिन् आले़रुम्‍माङ् साम्‌योबा हिङ्‌मन्‍नो आहिङ्‌ल फाॽआङ् आनिॽ लायोन् सिलाम्‍साक्‍मा सिङ्‌सम्‍दाङ् आबाङे नासिङ्‌गे़न् कुधक्‍को कुयुदेॽरुरो॥ खुने़ॽ कुगाःम्‍माओलाम् खिनिॽ के़वेःत्तिआङ् के़वयिॽरो॥

तितस 2:14

आनिॽ काक् लायोलाम् थे़ॽमासि, आबाङे सेसे कुमना चोःक्‍मासि हे़क्‍क्‍याङ् नुबा याःम्‍बक् चोःक्‍मा कुसिक् के़सम्‍बा चोःक्‍मासि फाॽआङ् आनिॽ लागि खुने़ॽ आबाङे सिदुङ्‌जभा पोङ्‌से़ पिसिङ्‌लो॥

१ तिमोथि 2:6

खुने़ॽ के़रे़क् मे़न्‍छाम् याप्‍मिहाॽ लायोलाम् थे़ॽमासिआङ् हिङ्‌मासि फाॽआङ् कुमे़ल्‍लुङ्‌ङिल्‍ले़ कुले़क्‌वा आप्‍फेक् पिसिङ्‌लो॥ कन् पाःन्‍निल्‍ले़ तोःन्‍दिःङ्‌ग निङ्‌वाॽफुमाङ्‌ङिल्‍ले़ सुये़म्‍मो पिरुआङ् वाॽ॥

१ थिस्‍सलोनिकि 4:13

फुॽनुसाॽ नु ने़ॽनुसाॽसे, के़सिबा नसानिबाहाॽरे़ खुनिॽ याःम्‍बेओ थेआङ् मे़ल्‍ले़ मे़न्‍निए मे़वये़म्‍मिन्‍ने़ॽ के़लॽबा निङ्‌वाॽ चोगुम्‍बे़आङ् वाॽरो॥ हे़क्‍केलॽरिक् ये़सुओ निङ्‌साङ् के़होप्‍पा मनाहाॽ कुइसिक् मे़रिङ् मे़धक्‍ते़म्‍मिन्‍ने़ॽओ॥

१ कोरन्‍थि 15:3

थेआङ्‌भे़ल्‍ले़ इङ्‌गाॽ खोसुङ्‌बा के़रे़क्‍नुःल्‍ले़ के़ये़क्‍पा पाःन्‍निन् खिनिॽ हुक्‍सुप्‍निङ्‌ङाङ् वाॽरो—साम्‌योसाप्‍लाःल्‍ले़ पाःत्तुबा कुइसिक् ख्रिस्‍ते़न् आनिॽ लायोन् ले़प्‍मि पिसे़ स्‍ये़,

युहुन्‍ना 15:13

चुम्‍मिल्‍ले़ कुलागि हिङ्‌मन् पिमान्‍ने यम्‍बा मिःम्‍जिरो, कन्‍नुःल्‍ले़ यम्‍बा मिःम्‍जि वेॽ होप्‍लो॥

युहुन्‍ना 10:17

“पानुदिङ् पाःल्‍ले़ इङ्‌गाॽ लुङ्‌माॽ तुक्‍कारो, थेआङ्‌भे़ल्‍ले़ इङ्‌गाॽ आहिङ्‌मन्‍निन् याम्‍मो याङ्‌ना खोमा फाॽआङ् कन् आहिङ्‌मन्‍निन् खुने़ॽ पिरुङ्‌देसुङ्‌लो॥

युहुन्‍ना 10:11

“इङ्‌गाॽ के़नुॽबा मे़ल्‍लुक्‍कम्‍बाआरो॥ के़नुॽबा मे़ल्‍लुक्‍कम्‍बाङ्‌ग कुमे़ल्‍लुक्‍हाॽरे़ लागि सिमाए पोङ्‌साङ् मे़गिने़न्‍लो॥

मत्ति 20:28

हे़क्‍केलॽरिक् इङ्‌गाॽ मे़न्‍छाम्‍सान् से़वा मे़जोःक्‍कार फाॽआङ् मेःन्, कर से़वा चोःक्‍से़ त्‍याङ्‌बारो॥ हे़क्‍क्‍याङ् यरिक् मनाहाॽ लायोलाम् थे़ॽमासिआङ् ताङ्‌से़ःप्‍मासि फाॽआङ् इङ्‌गाॽ आहिङ्‌मन्‍निन् पिसे़ त्‍याङ्‌बारो॥”

१ थिस्‍सलोनिकि 4:15

दाङ्‌बाल्‍ले़ आबाङे कुबाःन्‍जान्‍लाम्‍बा आनिगे अक्‍खे पाःत्तुम्‍बे़रो, दाङ्‌बाल्‍ले़ कुयुमा ये़म् थारिक् आनिॽ मे़न्‍छिए के़वाॽबाहाॽरे़ के़सिबाआङ् के़बेःक्‍पाहाॽ आक्‍खेआङ्‌साङ् लाम्‍आम्‍बाक्‍तुम्‍सिम्‍मिन्‍लो॥

१ थिस्‍सलोनिकि 5:6

खे़ल्‍ले़चोगुल्‍ले़ वेॽ मनाहाॽ हे़क्‍के आनिॽ इप्‍सि मेःन्, कर सिङ्‌सिङ् ये़क्‌ये़क् नु निङ्‌वाॽ हाङ्‌गे़म्‍सिङ्‌माओ वाॽमा पोङ्‌लो॥

२ तिमोथि 2:11

कन् पाःप्‍मनाबा पाःन्‍निङ्‌ग से़क्‍खाएरो, आनिॽ खुने़ॽनुए आस्‍ये़आङ् आवाॽने़ फाॽग्र खुने़ॽनुए आहिङ्‌लो॥