१ थिस्सलोनिकि 4:8 - लिम्बु8 हे़क्केःल्ले़ आत्तिल्ले़ कन् निसाम्मिन् नाॽरु, खे़ल्ले़ग मे़न्छाम्गे़न् याप्मिन् मेःन्, कर खिनिॽ सेसेमाङ् के़बिबा निङ्वाॽफुमाङ्ङिन् नाॽरुबारो॥ Gade chapit la |
१ थिस्सलोनिकि 4:8
21 Referans Kwoze
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
कर खे़निॽ के़रे़क् तुक्खे लाक्खेलाम् ताङ्गे़से़ःप्पा निङ्वाॽफुमाङ्ङिन् कन् ये़म्मो खे़निॽ के़नाॽरुम्माङ् के़वयि॥ हे़क्क्याङ् खे़निॽ अक्खेआङ् के़बाःत्तुम् ‘मेःन्, आनिॽ लुम्मो लत्छा हाङ्युक् के़जोःक्पा हाङ्धिक् युक्तिङ् चोगे़ॽ॥’ कल्ले़चोगुल्ले़ आल्ल यहवे दाङ्बाल्ले़ कुदगि थाःक्थाःक् नु पासिङ् पासिङ् पोःक्खे़म्मे़ॽआङ् आबाङे आबाङे ते़न्हाॽओ चुप्साम्मे़ॽ॥”
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
खे़न् एगाङ् याम्मो मोसाःल्ले़ पाःत्तु, “यहवे दाङ्बे़ल्ले़ए खिनिॽ युःन्छिक् सा नु तानाम् खिनिॽ चाहा के़जोगिबा यारिक् खरे़ःङ् के़बिरिॽ थेआङ्भे़ल्ले़ खिनिॽ खुने़ॽ कुदक्ले़ङ्वाओ साॽरिक् मने़गे़धिक्ति, खे़न् खुने़ॽ खे़प्सुआङ् वाॽ॥ आन्छिगे तक्ले़ङ्वाओ खिनिॽ मने़गे़धिक्तिल्ले़ से़क्खाःल्ले़ खिनिॽ यहवे दाङ्बे़ल्ले़ कुदक्ले़ङ्वाओ मने़गे़धिक्तिबा पोङ्ॽ॥”
Piblisite