१ थिस्सलोनिकि 4:17 - लिम्बु17 हे़क्क्याङ् आनिॽ इक्साओ कुहिङ्वे़त् के़वाॽबाहाॽआङ् दाङ्बाल्ले़ कुदुम्से़ ताङ्साक्पाओ थाःङ् आबङ् आदेॽआङ् खे़ङ्हाॽनु सोरिक् आभुङ्लो॥ हे़क्केलॽरिक् सदादिङ् दाङ्बान्नु आवाॽरो॥ Gade chapit la |
१ थिस्सलोनिकि 4:17
33 Referans Kwoze
“पानुदिङ् आम्बे, इङ्गाॽ के़बिराङ्बाहाॽ इङ्गाॽनुए सोरिक् मे़वाॽर के़लॽबा निङ्वाॽ चोगुङ्लो॥ हे़क्केलॽरिक् खे़ङ्हाॽरे़ इङ्गाॽ के़बिराङ्बा मिमिदिङ्ङिन् मे़निसुॽरो॥ खे़ने़ॽ इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए इङ्गाॽ लुङ्माॽ के़दुक्ताङ्बाल्ले़ चोगुल्ले़ खे़न् मिमिदिङ्ङिन् के़बिराङ्लो॥
खे़ङ्हाॽ यो च्वाःत्तोलाम् लःन्दे़ थाङे़त्छिर पत्छे़त्छिल्ले़ दाङ्बाल्ले़ कुसेसे याम्साम्मिल्ले़ खिमो फिलिप्पे़न् पक्खु तेॽरुआङ् आजोत्तोस मे़प्मनाबा ते़न्नो के़त्तुरो॥ खे़प्मो खुने़ॽ सिजरिया मे़ङ्गे़त्ते थारिक् लाम्मो के़ने़बा पाङ्जुम्हाॽओ सुनाइङ् इङ्भोसुर पेरो॥ से़भक्पे़ल्ले़ खुने़ॽ याम्मो मे़निसुन्, कर खे़न् सःत्ते़र कुलाम्दिःक्को पेरो॥
खे़ङ्हाॽरे़ खुने़ॽ मे़मे़त्तु, “ओमे़त्ते़ॽ, आनिगे खे़ने़ॽ के़से़वारोबाहाॽनु ङाबोङ् के़धुम्बा मनाहाॽ मे़वाॽ॥ खे़ङ्हाॽ पेःक्माआङ् खे़ने़ॽ के़सिक्साम्बे़न् कोःप्मा फाःक्ते़से़ॽओ॥ पोङ्मा सुक् यहवे दाङ्बे़ल्ले़ कुयाम्साम्मिल्ले़ खुने़ॽ फोःक्खु तेॽरुआङ् कुभा कोःक्माओ इग्र ने़ने़बादे़न्नो युक्खुआङ् युङ्बिला॥” एलिसाःल्ले़ खे़ङ्हाॽ नोगप् पिरुसि, “चिःत्, खे़ङ्हाॽ मे़बाङ्घाम्सिम्मिन्ने़ॽ॥”
आङ्गाॽ खे़ने़ॽ ले़त्ने़नुमे़ःन्ने यहवे दाङ्बे़ल्ले़ कुयाम्साम्मिल्ले़ आत्तान् के़गे़त्ति? आङ्गाॽ मे़निआन्ॽ॥ आङ्गाॽ पेःक्काआङ् आहाबे़न् मे़त्तुङ्ॽ हे़क्क्याङ् खुने़ॽ आदाङ्बा के़न्दुमे़न्ने़भग्र, खुने़ॽ आङ्गाॽए से़त्ता॥ हे़क्केसाङ् आङ्गाॽ आदाङ्बारे़ के़से़वारोबे़ल्ले़ग हिन्जाॽ वयाङ्ङाङ्धोए यहवे दाङ्बान् माङ्से़वा मे़त्तुङ्ल वाॽआ॥
आल्ल खुन्छिॽ ताॽजे़क्खे़सिर तगाङ् लाङ्घेगे़ पेसे़त्छिर पत्छे़सिल्ले़, चघप् थिक्ले़ङ्ले़ लत्छा मिधुङ्दिङ् मिराःक् के़दिःप्पा अन्लाधा थिक् नु अन्हाॽ निमे़धाबे़, हे़क्क्याङ् खुन्छिॽ एॽए मे़से़न्दुसिआङ् खइक् खइक् के़इक्सिङ्बा सुरित् केजङ्ङो एलियान् थाःङ् साङ्ग्राम्पेदाङ् ले़प्माङ् मे़देॽरु॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
Piblisite