१ थिस्सलोनिकि 3:9 - लिम्बु9 खिनिॽ लागि निङ्वाॽफुमाङ्ङिन् साॽरिक् नोगे़न् पिरुम्बारो॥ खिनिॽ के़जोगुम्मिल्ले़ निङ्वाॽफुमाङ्ङिल्ले़ कुनिमाओ आनिगे साॽरिक् सःत्तिगे़आङ् वयिगे़रो॥ Gade chapit la |
१ थिस्सलोनिकि 3:9
17 Referans Kwoze
येसुअ, कादमिएल, बानि, हसबन्याह, सरेबियाह, होदियाह, सबन्याह हे़क्क्याङ् पतहियाह ले़बिहाॽरे़ मनाहाॽ मे़मे़त्तुसिरो— “ये़बे़म्मे़ॽआङ् खिनिॽ यहवे दाङ्बा निङ्वाॽफुमाङ्ङिन् कुनारा फोसे़म्मे़ॽओ! सदादिङ्ले़ लागि खुने़ॽ कुनारा फोसे़म्मे़ॽ! मनाहाॽरे़ मे़जोगुबा नाराफोमा याःम्बक्किल्ले़ खुने़ॽ पयम् यम्बा चोःक्पान् लाॽरु खे़म्दुबाग मेःन्लो, हे़क्केसाङ् के़रे़क्ले़ खुने़ॽ कुमिमिदिङ् इस्सेःङ्बा कुमिङ्ङिन् इङ्धाङ् पिरे़म्मे़ॽओ॥”
यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ आप्फेक् कुमिङ् युङ्दे़न् चोःक्मारे़ लागि सेगुबादे़न्नो खिनिॽ, खिनिॽ साहाॽ, योग्बा योःग्मा, ये़क्यक्को के़युङ्बा ले़बिःल्ले़ कुमुॽइदाङ्साहाॽ, वेॽ लाजेॽबा मनाहाॽ, ये़त्छा होॽदोःक्हाॽ नु खिनिॽ लुम्मो के़युङ्बा मेमेदुमा के़रे़क् आप्फेक् निङ्वाॽफुमाङ्ङिल्ले़ कुदगि सःत्ते़म्मे़ॽ॥
परुमाल्ले़ यहवे दाङ्बा खिनिॽ निङ्वाॽफुमाङ्ङिल्ले़ सेगुबादे़न्नो खुने़ॽ कुदगि खिनिॽ, खिनिॽ साहाॽ, योग्बा योःग्मा नु खिनिॽ ये़क्यक्को के़वाॽबा ले़बिःल्ले़ कुमुॽइदाङ्साहाॽरे़ खे़ङ्हाॽ चे़म्मे़ॽ, खे़ब्याङ् खिनिॽ के़जोगुम्बा के़रे़क् याःम्बक्को यहवे दाङ्बा खिनिॽ निङ्वाॽफुमाङ्ङिल्ले़ कुदगि सोसोत्लराङ् चोगे़म्मे़ॽ॥
Piblisite