१ थिस्सलोनिकि 3:5 - लिम्बु5 खे़ल्ले़चोगुल्ले़ इङ्गाॽ खे़न्नाङ्धो नासिथःप्मा मे़न्छुक्पे़न्नाङ् खिनिॽ नसाःन्नो के़धुम्बा के़जोगिबि मेःम्बि फाॽआङ् खिनिॽ साॽसे़ तिमोथिन् पाङ्घुङ्ङाङ् वाॽरो॥ थेआङ्भे़ल्ले़ माफे़न्साम्मिल्ले़ खिनिॽ हङ्गे़साॽरिआङ् आनिगे चोःक्मनाबा याम्बुधिक्किन् हने़रक् पोःक्खे़बि फाॽआङ् किसाङ्ङाङ् वयाङ्लो॥ Gade chapit la |
१ थिस्सलोनिकि 3:5
20 Referans Kwoze
आङ्गाॽ पाःत्तुङ्, “आङ्गाॽ साॽरिक् याःम्बक्क चोगुङ्लो, कर खे़न् हने़ पोःक्खे़रो॥ आङ्गाॽ थेनाधे नु हने़ याःम्बुधिक् चोगुङ्लो, हे़क्केसाङ् आङ्गाॽ थे खोमा के़बोङ्बा वाॽ, खे़न् निङ्वाॽफुमाङ्ङिल्ले़ कुहुक्को वाॽरो, खे़ब्याङ् आङ्गाॽ आघोमा आहाङ्से़म्मिन् निङ्वाॽफुमाङ्ङिल्ले़ कत्तुरो॥”
निङ्वाॽफुमाङ्ङिल्ले़ इङ्गाॽ खे़त्थो पेःक्माए पोङ् लॽरिक् ओःन्धाक्ताङ्ङाङ् वये़॥ इङ्गाॽ खे़प्मो वयाङ्ङिल्ले़ खे़प्मोबा सेसेहुप्लक्कोबा लाम्लोबासिरो फाॽआङ् मे़इःत्तुसिबाहाॽ स्वाःत्ताङ् तुमुङ्सिङ्ङाङ् इङ्गाॽ थिम्मे़न्दङ् सुवाङ्हाॽ इङ्भोसुङ्सिङ्बा सुनाइङ्ङिन् चे़क्तुङ्सिङ्लो॥ खे़ङ्हाॽरे़ आबाःन्निन् मे़घे़प्सुर के़लॽबा निङ्वाॽ इःत्तुङ्ङाङ् वयाङ्, मेःन्ने फाॽग्र इङ्गाॽ चोगुङ्बा माङ्से़वान् हने़ के़बोङ्बा वये़रो॥
मेःत् ये़म्बाॽग मे़न्नाॽसिङ्ङे मे़न्अत्छिङ्ङे सोरिक् इम्मा पोङ्लो॥ तुवा चोःक्मा फाॽआङ् कुभा ये़म्ले़ लागिरक् निङ्वाॽ तङ्माआङ् वेॽ वाॽमा पोङ्लो॥ हे़क्क्याङ् याम्मो खिनिॽग सोरिक् वये़म्मे़ॽओ मेःन्ने फाॽग्र याम्थक्निङ्वाॽ थम्मा मे़न्छुक्मना निङ्वाॽबाल्ले़ चोगुल्ले़ माफे़न्साम्मिल्ले़ लायो चोःक्मा के़बाङ्घिॽरो॥
कर तिमोथिन् खिनिॽओलाम् आनिगे़ओ त्ये़आङ् खिनिॽ नसाःन्निन् नु मिःम्जिःल्ले़ कुयाःम्बेओ नुबा इङ्घङ् तारु, हे़क्क्याङ् खिनिॽ ओमु के़लॽरिर याप्मि निङ्वाॽ के़इःत्तिबा, साॽरिक् तुम्मा निङ्वाॽ के़जोगुम्बा पाःन्निन् याप्मि चे़क्तिगे़रो॥ खे़न् कुइसिःक्के आनिगे़आङ् खिनिॽ तुम्मा साॽरिक्के निङ्वाॽ चोगुम्बे़आङ् वयिगे़रो॥
Piblisite