१ थिस्सलोनिकि 2:10 - लिम्बु10 आनिगे़ग खिनिॽ नसान् के़जोःक्पाहाॽनु आक्खे़न् सेसे, साम्योबा नु फोत्या मेःन्नेबा ये़प्ले़क्को वयिगे़ लॽरिक् के़निबाग निङ्वाॽफुमाङ्ङिन् नु खिनिॽ के़वयिॽरो॥ Gade chapit la |
१ थिस्सलोनिकि 2:10
26 Referans Kwoze
थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुरिक्काङ् कुसिङ् के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥
नुबा याःम्बक्किल्ले़ हाङ्से़म्मिन् थे ताप्फे़ःम्बा पोङ्बि? कर खे़ङ्हाॽरे़ग आङ्गाॽ पाःन्नो थामा फाॽआङ् लत्छा लुम्बात् मे़दयुआङ् ने़रो॥ खे़ने़ॽ के़साक्के़न्निन् खे़ङ्हाॽओ मे़धाने़न्ल के़लॽबा निङ्वाॽ इःत्तुङ्लो हे़क्क्याङ् खे़ङ्हाॽ ले़प्माङ् पेलि फाक्कि पाराङ्लो, खे़न् निङ्वाॽ इःत्ते़ॽओ॥
खे़ल्ले़चोगुल्ले़ आनिगे़ग दाङ्बाल्ले़ कुमिङ्सो इङ्धाङ्ङिन् कुसिङ् निःत्तुम्बे़बाल्ले़ चोगुल्ले़ मनाहाॽ खुने़ॽ ले़प्माङ् मे़नुःङ्ल फाॽआङ् हाङ्हाङ् मे़त्तुम्सिम्बे़ॽरो॥ निङ्वाॽफुमाङ्ङिल्ले़ आनिगे आक्तङ्बा चोगिगे़ॽ के़लॽबान् नुःरिक्काङ् निसुॽरो, हे़क्क्याङ् खिनिॽआङ् खे़न् कुसिङ् के़निःत्तुम् के़लॽबान् निङ्साङ् चोगुम्बे़ॽरो॥
खे़ल्ले़ कुले़क्वा आनिगे़ग मनारे़ मे़न्निए चोःक्मनाबा सिरिङ्ममा याःम्बक्हाॽ नाॽरुम्बे़आङ् वयिगे़रो॥ आनिगे इङ्ले़क् मे़जोगुम्बे़न्लो हे़क्क्याङ् निङ्वाॽफु पाःन्जाक्किन् योधो मे़जोगुम्बे़न्लो॥ आनिगे़ग निङ्वाॽफुमाङ्ङिल्ले़ ओमत्तिगे़र वाॽ फाॽआङ् निसुम्बे़आङ् मनाहाॽ से़क्खा पाःन्लक् मे़त्तुम्सिम्बे़ॽ, हे़क्क्याङ् काक् नसाःन्साबाहाॽरे़ खे़न् कुसिङ् मे़निःत्तुॽरो॥
Piblisite