१ थिस्सलोनिकि 1:5 - लिम्बु5 थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥ Gade chapit la |
१ थिस्सलोनिकि 1:5
60 Referans Kwoze
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्दो इःत्छिङ्साम् के़घोसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ् के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
निङ्वाॽफुमाङ्ङिल्ले़ इङ्गाॽ खे़त्थो पेःक्माए पोङ् लॽरिक् ओःन्धाक्ताङ्ङाङ् वये़॥ इङ्गाॽ खे़प्मो वयाङ्ङिल्ले़ खे़प्मोबा सेसेहुप्लक्कोबा लाम्लोबासिरो फाॽआङ् मे़इःत्तुसिबाहाॽ स्वाःत्ताङ् तुमुङ्सिङ्ङाङ् इङ्गाॽ थिम्मे़न्दङ् सुवाङ्हाॽ इङ्भोसुङ्सिङ्बा सुनाइङ्ङिन् चे़क्तुङ्सिङ्लो॥ खे़ङ्हाॽरे़ आबाःन्निन् मे़घे़प्सुर के़लॽबा निङ्वाॽ इःत्तुङ्ङाङ् वयाङ्, मेःन्ने फाॽग्र इङ्गाॽ चोगुङ्बा माङ्से़वान् हने़ के़बोङ्बा वये़रो॥
खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोसमा परान्ला तेत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् से़वा के़जोःक्मा थिम्मे़न्दङ् सुवाङ्समा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसान् चोगुर फाॽआङ् दाङ्बाल्ले़ कुनिङ्वाॽइन् हन्दु पिरु॥
हे़क्क्याङ् माङ्निङ्वाॽपान् के़बाःप्पाहाॽरे़ मे़बाःत्तुबा पाःन्निन् से़क्खा पोःक्खे़आङ् वाॽ के़लॽबा निःन्धो आगत्तुम्लो॥ खामे़न्ओःत्ते नु खिनिॽ निङ्वाॽओ तान्छोःक्पे़न् मे़न्लिङ्ङे थारिक् खामाक्माओ के़ओःप्पा सेमिन् हे़क्के खे़न् पाःन्जाक्किन् निङ्वाॽओ के़युक्खुम्मिल्ले़ नुबा पोङ्लो॥
आनिॽ तोःन्दोम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन् साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
Piblisite