Biblia Todo Logo
Bib sou entènèt

- Piblisite -




१ सामुए़ल 7:9 - लिम्‍बु

9 खे़ब्‍याङ् सामुए़लरे़ नुगे़धुङ्‌बार के़वाॽबा लत्‍छा मे़ल्‍लुक्‍सात् तारुआङ् यहवे दाङ्‌बाओ कुभुम्‍बा मिधिङ्‌मनादेमनाबा वयागे़न् सिदुङ्‌जभा तोःन्‍दु॥ हे़क्‍क्‍याङ् इस्राइलिहाॽरे़ खुनिॽ लागि यहवे दाङ्‌बान् पेलि फाक्‍तु॥ हे़क्‍क्‍याङ् यहवे दाङ्‌बाल्‍ले़ खुने़ॽ नोगप् पिरुरो॥

Gade chapit la Kopi




१ सामुए़ल 7:9
16 Referans Kwoze  

खे़ब्‍याङ् यहवे दाङ्‌बे़ल्‍ले़ आङ्‌गाॽ मे़त्ताङ्, “मोसान् नु सामुए़ले़न् आङ्‌गाॽ आदगि याप्‍मि पेलि फाक्‍ते़सिआङ् ये़बे़सिसाङ् आङ्‌गाॽ कन् मनाहाॽ थेआङ् लुङ्‌गुम् ओसेःन् मे़धाक्‍तुङ्‌सिङ्‌ङिम्‍बा वये़॥ खे़न् मनाहाॽ पाङ्‌घे़देसे़से़ॽ॥ खे़ङ्‌हाॽ आदगिलाम्‍बा लःत्ते़देसे़से़ॽ॥


मोसान् नु हारुने़न् ने़प्‍माङ् खुने़ॽओ से़वा के़जोःक्‍पा निङ्‌वाॽफुसाम्‍बा वये़सिरो, हे़क्‍क्‍याङ् खुने़ॽओ पेलिगे़न् तुवा के़जोःक्‍पाग सामुए़ल्‍ले़न्‍नाङ् वये़रो॥ खे़ङ्‌हाॽरे़ यहवे दाङ्‌बान् पेलि मे़भाक्‍तुआङ् खुने़ॽ नुगप् पिरुसिरो॥


तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”


कर खुने़ॽ रामाबा कुहिम्‍मोए नुःक्‍खे़॥ हे़क्‍क्‍याङ् खे़प्‍मोआङ् हाबा हे़क्‍केलॽरिक्‍के इस्राइलिहाॽ खासे़न् चोगु पिरुसि॥ खुने़ॽ खे़प्‍मो यहवे दाङ्‌बाल्‍ले़ कुलागि लत्‍छा ले़त्ति तोःम्‍मादे़न् चोगुरो॥


खे़ल्‍ले़चोगुल्‍ले़ खिनिॽ लायोहाॽ मे़त्तासिम्‍मे़ॽआङ् हिन्‍दे़म्‍मे़ॽओ, हे़क्‍क्‍याङ् दाङ्‌बाल्‍ले़ के़वेःन्‍दिर फाॽआङ् तुवा चोःक्‍का पिआसिम्‍मे़ॽओ॥ साम्‌योबा मनाःल्‍ले़ कुदुवान् मुक्‍साम्‍बा चोःक्‍काङ् यम्‍बा याःम्‍बक् चोगुॽरो॥


कर सामुए़लरे़ मे़त्तु, “आक्‍खेलॽरिक् पेःक्‍मा सुक्‍काबे? कल्‍ले़ कुयाःम्‍बेओ सावलरे़ खे़प्‍सुआङ् आङ्‌गाॽ से़त्तागनु॥” यहवे दाङ्‌बाल्‍ले़ मे़त्तु, “पिप्‍माधिक् तेॽरे़आङ् अक्‍खे मे़त्ते़से़ॽ, ‘आङ्‌गाॽ यहवे दाङ्‌बाओ वयागे़न् सिदुङ्‌जभा तोःन्‍छे़ त्‍याङ्‌बारो॥’


“खे़ने़ॽ आङ्‌गाॽनुःल्‍ले़ तगि यो गिलगाल थासिङ् पेगे़ॽ, हे़क्‍क्‍याङ् आजे़त् एगाङ् आङ्‌गाॽ मिधिङ्‌मनादेमनाबा सिदुङ्‌जभा नु सनारुङ् सिदुङ्‌जभा तोःन्‍छे़ युआ॥ कर खे़ने़ॽ नुसि ये़न् थारिक् के़हाङ्‌ङार पोङ्॥ खे़ब्‍याङ् आङ्‌गाॽ के़त्ता युआआङ् खे़ने़ॽ थे चोःक्‍मा के़बोङ्‌बा वाॽ खे़न् मे़त्‍ने़॥”


खे़ङ्‌हाॽरे़ मे़बाःत्तु, “वाॽरो, खुने़ॽग खारक् खे़न्‍छिॽ तगि पेःक्‍ल पत्॥ हारा पेसे़छे़ॽ, खुने़ॽग आनिगे पाङ्‌जुम्‍मो आइन्‍लक् के़रे़ त्‍ये़आङ् वाॽ, थेआङ्‌भे़ल्‍ले़ मनाहाॽरे़ आइन् कोःक्‍माओ वयागे़न् सिदुङ्‌जभा चोःक्‍मादे़न्‍नो सिदुङ्‌जभा तोःम्‍मा के़बोङ्‌बा वाॽ॥


आल्‍ल ये़क्‌यक्‍कोबा मनाहाॽ तानाम् मे़बोगे़ल्‍ले़ खे़ङ्‌हाॽरे़ बाल माङ्‌ङिल्‍ले़ कुले़त्ति तोःम्‍मादे़न्‍निन् मे़यस्‍सुआङ् ने़स्‍से़बा नु खे़ल्‍ले़ कुबेसाङ् के़युङ्‌बा असेरा माङ् नावाइत्‍लान् मे़सोःन्‍दुआङ् ने़स्‍से़बा हे़क्‍क्‍याङ् ले़त्ति तोःम्‍मादे़न्‍नो खे़न् निसिगेक्‍पा से़गम्‍बा पित्ते़न् मिधिङ्‌मनादेमनाबा सिदुङ्‌जभा मे़दोन्‍दुबा मे़निसु॥


खे़ब्‍याङ् हाबा खे़न् चन्‍जम्‍बादे़न्‍नो यहवे दाङ्‌बा के़निङ्‌वाॽफुमाङ्‌ङिल्‍ले़ कुलागि कुइःत् के़दाबा ले़त्ति तोःम्‍मादे़न् थिक् चोगे़ॽ, हे़क्‍क्‍याङ् खे़न् निसिगेक्‍पा से़गम्‍बा पित्ते़न् याङ्‌सिङ्‌ङे़ॽआङ् खे़ने़ॽ के़सोःन्‍दुबा असेरा नावाइत्‍ला सिङ्‌ङिल्‍ले़ मिधिङ्‌मनादेमनाबा सिदुङ्‌जभा तोःन्‍दे़ॽ॥”


“पित्‍सात् इग्र मे़ल्‍लुक् मे़ःन्‍दाक्‍किल्‍ले़ के़धाप्‍पा कुस्‍सान् नुसि ये़न् थारिक् खे़न् कुम्‍मानुए वाॽर॥ ये़त्‍छिगेक्‍पा ये़न्‍नाङ्‌धो खे़न् मिओलाम् सिदुङ्‌जभा तोःम्‍मे़ल्‍ले़ यहवे दाङ्‌बे़ल्‍ले़ खे़न् ताःक्‍तुबा पोङ्‌ॽ॥


यहवे दाङ्‌बान् आङ्‌गाॽ पेलि फाक्‍तुङ्‌ङाङ् मे़त्तुङ्, “यहवे दाङ्‌बा निङ्‌वाॽफुमाङ्‌ङे, खे़ने़ॽ यम्‍बा के़मुक्‍साम्‍मोलाम् के़से़न्‍दुसिआङ् मुक्‍साम्‍साबा के़हुक्‍लाम् मिस्रलाम् के़लःत्तु के़भे़त्तुसिबा खे़ने़ॽ के़मनाहाॽ नु खे़ने़ॽ आप्‍फेक् के़लक्‍खोबाहाॽ मे़मे़क्‍खे़से़न्‍ने़ॽ॥


आङ्‌गाॽ आबाङे खे़ने़ॽ के़लागि लत्‍छा नसानिबा निङ्‌वाॽफुसाम्‍बाधिक् फोःक्‍खुङ्, खे़ल्‍ले़ आङ्‌गाॽ आनिङ्‌वाॽ नु आयाम्‍साम्‍मो इःत्तुङ्‌बा हे़क्‍केए चोगुॽ॥ आङ्‌गाॽ खे़ल्‍ले़ कुधाःक्‍हाॽ आभे़ल्‍ले़साङ् के़वाॽबा चोगुङ्‌सिङ्, हे़क्‍क्‍याङ् खे़ल्‍ले़ आङ्‌गाॽ सेगुङ्‌बा हाङ्‌ङिल्‍ले़ कुदगि सदादिङ् माङ्‌से़वा चोगुरो॥


आल्‍लो मासि हे़क्‍मा ये़म् वाॽ मेःम्‍बि? आङ्‌गाॽ यहवे दाङ्‌बान् पेलि फाक्‍तुङ्, हे़क्‍क्‍याङ् खुने़ॽ साःम्‍भे नु वहित् थासुर याःन्‍दुरो॥ खे़ब्‍याङ् खे़निॽ हाङ् के़नाःक्‍तुम्‍माङ् यहवे दाङ्‌बाल्‍ले़ कुदक्‍ले़ङ्‌वाओ आक्‍तङ्‌बा ताप्‍फे़ःम्‍बा याःम्‍बक् के़जोगुम्‍लछ के़लॽबा पाःन्‍निन् के़निसुम्‌ॽ॥”


Swiv nou:

Piblisite


Piblisite