१ सामुए़ल 7:7 - लिम्‍बु

⁷ आल्‍ल इस्राइलबा के़रे़क् मनाहाॽ मिस्‍पाओ मे़जुप्‍से़आङ् मे़वाॽ के़लॽबा पाःन्‍निन् पलिस्‍तिहाॽरे़ मे़घे़प्‍सु, हे़क्‍केःल्‍ले़ खे़ङ्‌हाॽरे़ खुनिॽ युक्‍साबाहाॽ इस्राइलिहाॽनु थङ् चोःक्‍से़ मे़लःन्‍दे़॥ पलिस्‍तिहाॽ तगि थङ् चोःक्‍से़ मे़भे़न्‍ल मे़बत् के़लॽबा पाःन्‍निन् मे़घे़प्‍सुआङ् इस्राइलिहाॽ साॽरिक् मे़गिसे़॥

१ सामुए़ल 7:7 Referans Kwoze

१ सामुए़ल 17:11

सावल नु के़रे़क् इस्राइलिहाॽरे़ कन् पाःन्‍निन् मे़घे़प्‍सुआङ् साॽरिक् मे़गिसे़ मे़यक्‍खे़॥

१ सामुए़ल 13:6

इस्राइलिहाॽ साॽरिक् के़जाॽबा तुक्‍खेओ मे़ध्‍ये़, थेआङ्‌भे़ल्‍ले़ खे़ङ्‌हाॽ मे़भत्तु मे़भे़त्तुसि॥ खे़ल्‍ले़चोगुल्‍ले़ खे़ङ्‌हाॽ फुक्‍कुओ, याःन्‍सुङ् सिगाङ्, याक्‍पेॽफिःप्‍मो, हे़क्‍क्‍याङ् लुम्‍बाःत्‍हाॽओ नु वबाक्‍हाॽओ मे़जिङ्‌सिङ्॥

२ साप्‍मुःन्‍धुम् 20:3

कम्‍भदाङ्‌बा के़साक्‍पा इङ्‌घङ् खे़प्‍सुआङ् यहोसापाते़ल्‍ले़ यहवे दाङ्‌बे़न् कोःप्‍मारे़ लागि पेलि फाक्‍तु॥ खुने़ॽ यहुदाओ के़रे़क् तःक्‍ने़त् युङ्‌मारे़ लागि उवा चोगु॥

लाम्‍दिक् 14:10

मिस्रबा हाङ्‌ङिन् नु थक्‍सुबाहाॽ खुन्‍छिॽ ले़प्‍माङ् मे़भे़रे़बा मे़निसुसिल्‍ले़ इस्राइलिहाॽ साॽरिक् मे़गिसे़ हे़क्‍क्‍याङ् आभाॽरे़ॽ फाॽआङ् यहवे दाङ्‌बे़न् पेलि मे़भाक्‍तु॥