१ सामुए़ल 7:6 - लिम्बु6 हे़क्केलॽरिक् खे़ङ्हाॽ मिस्पाओ मे़जुप्से़, खे़ङ्हाॽरे़ च्वाःत्तिन् मे़बागुआङ् यहवे दाङ्बाल्ले़ कुदगि मे़हुक्खु॥ खे़न् ये़न्नो खे़ङ्हाॽ ले़न्दिक् नाम्धाधा तःक्ने़त्तो मे़युङे़ हे़क्क्याङ् खे़प्मो “आनिगे यहवे दाङ्बाल्ले़ कुदक्ले़ङ्वाओ लायो चोगुम्बे़” लॽरिक् खे़ङ्हाॽ पाःप्मा मे़दे़न्दे़॥ हे़क्क्याङ् सामुए़ले़न् मिस्पाओ इस्राइलबा लाम्लोबा पोःक्खे़॥ Gade chapit la |
१ सामुए़ल 7:6
47 Referans Kwoze
हे़क्क्याङ् खुन्छिॽ मे़दे़म्सु मे़देॽरुसिबा लाजेॽओ खे़ङ्हाॽरे़ तुक्खे लाक्खे मे़दुमुबाल्ले़ चोगुल्ले़ खुन्छिॽ निङ्वाॽ नुःङ्ङाङ् खे़न् लाजेॽओ खुन्छिॽ लायोलाम् मे़हिन्ॽ हे़क्क्याङ् खे़ने़ॽ पेलि के़म्भाक्काङ् ‘आनिगे लायो चोगुम्बे़, आनिगे याःम्बक् फेःन्दुम्बे़, हे़क्क्याङ् फे़न्याःम्बक् चोगुम्बे़,’ मे़बाःत्तुने़भग्र,
“नासिगे़न् थक्ला के़गप्पा मे़न्छाम् याप्मिए, खे़ङ्हाॽरे़ खुन्छिॽ तक्ले़ङ्वाओ तुःन्देॽ पाःन्हाॽ तारे़ॽ हे़क्क्याङ् खे़ङ्हाॽ आप्तिक् कुःत्ते़से़ॽ॥ खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोहाॽ से़क्खाए आक्खे़न् साॽरिक् याम्गे़सिङ्बा चोगे़ फाॽआङ् खे़ङ्हाॽ खुन्छिॽ निङ्वाॽसुम् लॽर याःन्दे़से़ॽ॥
हाःप्मारे़ हाःप्मारे़ मिक्वाःल्ले़ आमिक्हाॽ ले़सुरो, आङ्गाॽ आसिक्लुङ्मो आङ्गाॽ याःत्तारो॥ आङ्गाॽ आमनाहाॽ मे़मे़गे़बाल्ले़ चोगुल्ले़, अङे़ःक्वाहाॽ नु नुगे़धुङ्बा आम्ब्रे़ःङ्वा अङे़ःक्वाहाॽ ये़क्यक्कोबा माराम्हाॽओ खुन्छिॽ थना ले़क्खे़बे़ल्ले़ चोगुल्ले़ आङ्गाॽ आलुङ्माॽ फ्याःङ्भ्याःङ् लॽरे़रो॥
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
खे़ल्ले़चोगुल्ले़ खे़ङ्हाॽ खुनिॽ निङ्मिहाॽरे़ मे़नाःन्दुसिर के़याःन्दुसिरो, हे़क्क्याङ् खुन्छिॽ निङ्मिहाॽरे़ खे़ङ्हाॽ तुक्खे मे़जाःत्तुसिर के़जोगुरो॥ खे़ङ्हाॽ ये़त्तुक्खे मे़ज्ये़बा ये़न्नो खे़ङ्हाॽरे़ खे़ने़ॽ पेलिगे़न् तुवा के़म्जोगे़रो, साङ्ग्राम्पेदाङ्लाम्बा खे़ने़ॽ नुगप् के़बिरुसिरो॥ थेआङ्भे़ल्ले़ खे़ने़ॽ साॽरिक् लुङ्माॽ आदुक्तुक्पा के़जोःक्लो खे़ङ्हाॽ निङ्मिहाॽलाम्बा ताङ्से़ःप्मासिरे़ लागि खे़ने़ॽ ताङ्आसे़ःप्से़ःप्पा लाम्लोबाहाॽ के़बाङ्घुसिरो॥
खे़ब्याङ् इस्राइलिहाॽ थो मे़धोःक्सिङ् मे़बे, हे़क्क्याङ् यहवे दाङ्बे़ल्ले़ कुदगि युःन्छिक् थारिक् मे़हाबे़, खम्भ्याङ् इस्राइलिहाॽरे़ यहवे दाङ्बे़न् सेःन्मे़दोसु, “थे आनिगे फुॽनुसाॽ बेन्यामिनिहाॽरे़ खुन्छिॽ तक्ले़ङ्वाओ थङ् चोःक्से़ याम्मो पेगिगे़बि?” यहवे दाङ्बे़ल्ले़ मे़त्तुसि, “खे़ङ्हाॽरे़ खुन्छिॽ तक्ले़ङ्वाओ खिनिॽ थाःङ् थोःक्कासिम् पेगे़म्मे़ॽ॥”
खे़ब्याङ् के़रे़क् इस्राइलि थक्सुबाहाॽ मे़नुःक्खे़आङ् बेथेल मे़बे, हे़क्क्याङ् खे़प्मो खे़ङ्हाॽ युःन्छिक् थारिक्के मे़रिङ् मे़धक्ते़र यहवे दाङ्बे़ल्ले़ कुदगि तःक्ने़त् मे़युङे़॥ खे़ङ्हाॽरे़ यहवे दाङ्बे़ल्ले़ कुदगि मिधिङ्मनादेमनाबा वयागे़न् सिदुङ्जभा नु तङ्जुम् वयागे़न् सिदुङ्जभा मे़दोन्दु॥
हे़क्क्याङ् खे़निॽ पाधे़बा इस्राइलिहाॽरे़ से़क्खा निस्सेरे़ लागि यहवे दाङ्बान् पेलि मे़भाक्तुआङ् मे़बाःत्तु, ‘आनिगे लायो चोःक्मना, आनिगे यहवे दाङ्बे़न् ले़रुम्बे़आङ् बाल माङ्ङिन् नु अस्तोरेत माङ्हाॽ से़वा मे़त्तुम्सिम्बे़॥ कर आल्ल आनिगे निङ्मिहाॽरे़ खुनिॽ हुक्को थामालाम् आसे़ःप्ते़ॽ, हे़क्क्याङ् आनिगे खे़ने़ॽओ माङ्से़वा चोगुम्बे़॥’
कल्ले़चोगुल्ले़ खे़न् सुम्सि मुक्के़गुबाहाॽ पलिस्तिहाॽरे़ खुन्छिॽ तिःक्लाओलाम् मे़भिःन्छिङ् मे़बे हे़क्क्याङ् बेथले़हे़म लाम्धेत् कुबेसाङ्बा वाबाक्कोलाम् च्वाःत्तिन् मे़युरुआङ् दाउदे़न् मे़बिरु॥ कर खे़न् च्वाःत्तिन् दाउदे़न् थुङ्मा मे़दे़न्दे़न्॥ परुमाल्ले़ खुने़ॽ खे़न् च्वाःत्तिन् यहवे दाङ्बे़ल्ले़ कुदगि हुक्खुदेसुआङ् पाःत्तु,
“निङ्वाॽफुसाम्बासे, कन् पाःन्निन् खे़प्से़म्मे़ॽओ! इस्राइलि हिम्सयङ्से, सिङ्सिङ् ये़क्ये़क्काङ् खे़प्से़म्मे़ॽओ! हाङ् हिम्सयङ्से, निङ्वाॽ पिरे़म्मे़ॽआङ् खे़प्से़म्मे़ॽओ! कन् निःन्धो के़बोङ्बा खासे़न्निन् खिनिॽ तङ्ले़ङ्वाओ वाॽरो— मिस्पाओ खिनिॽ चे़न् नु तबोरओ के़मनाबा इदाक् के़बोःक्खिआङ् वाॽरो॥
Piblisite