१ सामुए़ल 7:3 - लिम्बु3 हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥” Gade chapit la |
१ सामुए़ल 7:3
40 Referans Kwoze
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
“कल्ले़चोगुल्ले़ आल्ल यहवे दाङ्बे़न्नु खिनिॽ किसे़म्मे़ॽ, हे़क्क्याङ् नसाःन्साबा पोःक्खे़म्मे़ॽआङ् खुने़ॽ माङ्से़वा मे़त्ते़म्मे़ॽ॥ खिनिॽ पाधे़बाहाॽरे़ युफ्रेतिस वहःङ् नाधाःम्बि नु मिस्र लाजेॽओ से़वा मे़मे़त्तुसिबा माङ्हाॽ लाप्फुसे़म्सिम्मे़ॽ, हे़क्क्याङ् यहवे दाङ्बाओ माङ्से़वा याःम्बक् चोगे़म्मे़ॽ॥
हे़क्क्याङ् खे़ङ्हाॽ के़दे़म्बा के़देॽबा खुन्छिॽ निङ्मिहाॽरे़ खुनिॽ लाजेॽओ खे़ङ्हाॽ याम्मो खुन्छिॽ के़रे़क् सिक्लुङ्माॽ नु के़रे़क् निङ्वाॽरे़ खे़ने़ॽ ले़प्माङ् मे़नुःङ्ङाङ् खुन्छिॽ पाधे़बाहाॽ खे़ने़ॽ के़बिरुसिबा लाजेॽओ नु खे़ने़ॽ के़सेगुबा कन् ये़क्यक्को हे़क्क्याङ् खे़ने़ॽ के़मिङ्ङिल्ले़ लागि आङ्गाॽ चोगुङ्बा कन् माङ्हिम् ले़प्माङ् मे़हिसिङ्ङाङ् खे़ने़ॽ पेलि के़म्भाक्ने़भग्र,
याम्मो इस्राइलिहाॽरे़ अराम, सिदोन नु मोआब हे़क्क्याङ् अम्मोनिहाॽ नु पलिस्तिहाॽरे़ खुन्छिॽ माङ्साम्माङ्हाॽ खे़ब्याङ् बाल नु अस्तोरेत माङ्हाॽ से़वा मे़मे़त्तुसिआङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ हाबा खे़न्ने मे़जोगु॥ खे़ङ्हाॽरे़ यहवे दाङ्बे़न् मे़ले़रुआङ् खुने़ॽ माङ्से़वा मे़म्मे़त्तुन्॥
आल्ल यहवे दाङ्बा खिनिॽ निङ्वाॽफुमाङ्ङिन् खिनिॽ के़रे़क् निङ्वाॽ नु सिक्लुङ्माॽरे़ कोःत्ते़म्मे़ॽ॥ खुने़ॽ कुसेसेदे़न् चोःक्मा हेःक्ते़म्मे़ॽ, हे़क्केलॽरिक् यहवे दाङ्बे़ल्ले़ कुमाङ्हुप् सन्दोक्किन् नु निङ्वाॽफुमाङ्ङिल्ले़ कुसेसे खप्प्या सामाहाॽ खुने़ॽ कुमिङ्ङिल्ले़ लागि के़जोगुम्बा माङ्हिम्मो खिनिॽ फे़प्मा के़सुक्तुम्लरो॥”
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
आङ्गाॽ कन् चोगुङ्ॽ, थेआङ्भे़ल्ले़ आङ्गाॽ मे़नाॽराङ्ङाङ् वाॽ, हे़क्क्याङ् सिदोनिहाॽरे़ खुन्छिॽ अस्तोरेत माङ्ङिन्, मोआबबा माङ् कमोसे़न् नु अम्मोनिहाॽरे़ खुन्छिॽ माङ् मोलेखे़न् खे़ङ्हाॽरे़ से़वा मे़मे़त्तुआङ् वाॽ, हे़क्क्याङ् आङ्गाॽ आलाम्मो खे़ङ्हाॽ लाङ्मे़ङ्घेःक्ने़न् आङ्गाॽ आनिमो आत्तिन् पाःन्निन् कुदोःप्मा चोक् खे़न्नाङ् मे़न्जोगुन्ॽ, सोलोमनरे़ कुम्बा दाउदरे़ चोगुबा हे़क्के आङ्गाॽ आसाम्योबा थिम्हाॽआङ् मे़न्इःत्तुन् मे़न्नाःत्तुन्॥
इस्राइले़न् लायो चोःक्मा के़बाङ्बा नाबातरे़ कुस्सा यारोबामरे़ चोगुबा बेथेलओ के़ने़बा केःम्बादे़न्निन् नु ले़त्ति तोःम्मादे़न्निन्नाङ् खुने़ॽ लुःन्दुदेसु॥ खुने़ॽ खे़न् केःम्बादे़न्निन् मिधिक्खुदेसु हे़क्क्याङ् खे़न् खाप्पुथ्यःङ् कुम्जिक्मा चोगु, खम्भ्याङ् असेरा माङ् सित्लाङ्ङिन्नाङ् मिधिक्खुदेसु॥
Piblisite